სუმო. ტოჩინოშინი VS ტაკაიასუ... მოგებულის წაგება

მარტის ბაშოზე მე-11 ბრძოლა გამართა ქართველმა სუმოისტმა ლევან გორგაძემ, იგივე ტოჩინოშინმა.

მისი მოწინააღმდეგე ასევე ოძეკი ტაკაიასუ იყო, რომელსაც მანამდე 10-დან 8 ბრძოლა ჰქონდა მოგებული.

მეცხრეც მოიგო. არადა, ტოჩინოშინმა თავდანვე მშვენივრად შეუტია, ქამარშიც ჩასჭიდა ხელი და მძლავრადაც მიაწვა, თუმცა ტაკაიასუმ წამიერად ძალა მოიკრიბა, კარგად დაატრიალა ჩვენიანი და მეხუთე მარცხი აგემა.

ტოჩინოშინს 11 ბრძოლაში 6 მოგება აქვს და ოძეკის ტიტულის შესანარჩუნებლად დარჩენილ ოთხ ბრძოლაში ორი მოგება სჭირდება.

ლევანი მეთორმეტე ბრძოლას 21 მარტს კიდევ უფრო რთულ მეტოქესთან, იოკოძუნა ჰაკუჰოსთან გამართავს.

1497
მკითხველის კომენტარები / 0 /
მსგავსი ამბები
რუბრიკის სხვა სიახლეები
;