სუმო. ტოჩინოშინი VS ტაკანოივა. ესეც მე-7 გამარჯვება!

ფუკუოკას ბაშოზე ორი იოკოძუნა ვერ გამოდიოდა და იმედის თვალით შევყურებდით, გვჯეროდა, რომ ლევან გორგაძე (ტოჩინოშინი) მეორედ მოახერხებდა იმპერატორის თასი მოგებას.

თუმცა ყველაფერი ისე არ წარიმართა, როგორც ლევანს და ჩვენ გვსურდა, მას 12 ბრძოლის შემდეგ 6-6 მოგება-წაგება მოუგროვდა და ამოცანის არსი შეიცვალა: სადღეისოდ მთავარია ტოჩინოშინმა ბაშო დადებითი ბალანსით დაასრულოს. საამისოდ კი ძალიან მნიშვნელოვანი იყო მეცამეტე ბრძოლაში ტაკანოივასთან გამარჯვება.

ლევანის მეტოქე მე-6 მაეგაშირაა და ჩვენიანს პირველად ხვდებოდა. ტაკანიოვამ ქართველს თავიდანვე აგრესიულად შეუტია, მაგრამ ლევანის დოჰიოდან გადაყვანა ვერ მოახერხა. სამაგიეროდ, ტოჩინოშინმა მეტოქე დოჰიოდან კი არ გაიყვანა, ცენტრში დასვა და მე-7 გამარჯვება მოიპოვა.

მე-14 შეხვედრას ქართველი ფალავანი მიტაკეუმისთან გამართავს, რომელსაც ტოჩინოშინის მსგავსად ბაშოს დადებითი ბალანსით დასრულება აქვს მიზნად.

1293
მკითხველის კომენტარები / 0 /
მსგავსი ამბები
რუბრიკის სხვა სიახლეები
;