სუმო. ტოჩინოშინმა ოძეკიც დაამარცხა!

ტოკიოში ჰაცუ ბაშოს მე-4 დღის ორთაბრძოლები გაიმართა. დასავლეთის მე-3 მაეგაშირა ლევან გორგაძემ (ტოჩინოშინი) ოძეკი ტაკაიასუ დაამარცხა და 4-0 ბალანსით ლიდერთა ხუთეულშია.

იანვრის ბაშოზე 4-4 გამარჯვება ხუთ სუმოისტს აქვს: ტოჩინოშინს, კაკურიუს, გოეიდოს, მიტაკეუმის და ასანოიამას.

ქართველმა სუმოისტმა ტაკაიასუ ცუკიოტოშის ილეთით დაამარცხა. ბაშოზე ზედიზედ მეორედ დამარცხდა იმპერატორის თასის 40-გზის მფლობელი დიდი ჩემპიონი ჰაკუჰო.

დღეს ქართველი სუმოისტი გოეიდოს ხვდება. ტოჩინოშინი გოეიდოს 23-ჯერ შეხვედრია - ქართველმა 9 ორთაბრძოლა მოიგო.

მეორე დივიზიონში თეიმურაზ ჯუღელმა (გაგამარუ) ზედიზედ მეორე გამარჯვება იზეიმა, მან ძურიოს მე-7 ნომერი ჰომარეფუჯი ჰატაკიკომის ილეთით დაამარცხა. გაგამარუს მორიგი მეტოქე მე-8 ნომერი ამაკაძეა. ქართველს 2-2 ბალანსი აქვს.

IV დღე

(მნიშვნელოვანი ბრძოლები): იოშიკაძე-ჰაკუჰო (ჰატაკიკომი), კოტოშოგიკუ-კისენოსატო (ცუკიოტოში), კაკურიუ-იჩინოჯო (იორიკირი), ტოჩინოშინი-ტაკაიასუ (ცუკიოტოში), გოეიდო-ჰოკუტოფუჯი (იორიტაოში).

V დღე

(მნიშვნელოვანი წყვილები): კისენოსატო-იოშიკაძე, კაკურიუ-ჩიოტაირიუ, ჰაკუჰო-კოტოშოგიკუ, ტოჩინოშინი-გოეიდო, ტაკაიასუ-ჰოკუტოფუჯი.
ნიკოლოზ ნეფარიძე

ყოველდღიური სპორტული გაზეთი "ლელო"
4076
მკითხველის კომენტარები / 0 /
მსგავსი ამბები
რუბრიკის სხვა სიახლეები