სუმო. ყველაფერი სრულდება...

იაპონიაში ცნობილმა ინგლისურენოვანმა გაზეთმა „ჯაპან თაიმსმა“ ჰაცუ ბაშოს წინ ანალიტიკურ სტატიაში დაწერა, რომ, როგორც ჩანს ქართველთა 19-წლიანი თანამშრობლობა პროფესიულ სუმოსთან დასასრულს უახლოვდებაო, გაზეთი მიიჩნევს, რომ ტოჩინოშინის (ლევან გორგაძე) და გაგამარუს (თეიმურაზ ჯუღელი) სპორტიდან წასვლის დროც მოდის...

ბაშოზე ნახევარზე მეტმა გაილია და ცნობილი გამოცემის პროგნოზი მართლდება - მე-3 დივიზიონ მაკუშიტაში გავარდნილი გაგამარუ ორი ორთაბრძოლის მერე მოიხსნა, ეს კი იმას ნიშნავს, რომ 0-7 ბალანსს გაიფორმებს და ვეებერთელა დივიზიონში ძალიან დაიხევს უკან რეიტინგში. ჯურიოში დაბრუნების პერსპექტივა კი ძალზე მცირეა.

გაგამარუსგან განსხვავებით იბრძვის ტოჩინოშინი, თუმცა არცთუ წარმატებულად - 8-დან 5 ორთაბრძოლა დათმო და თუ კიდევ სამს წააგებს, მე-6 მაეგაშირობიდანაც თავქვე დაექანება. პარასკევს ტოჩინოშინი შოდაისთან დამარცხდა, შაბათს მან ტაკარაფუჯის მოუგო, ხოლო კვირას ოშიდაშით ტაკანოშოსთან დამარცხდა. დღეს ტოჩინოშინის მეტოქე მონღოლი ტამავაშია (18:11 ურთიერთშეხვედრებში).

3952
მკითხველის კომენტარები / 0 /
რუბრიკის სხვა სიახლეები
;