სუმო. ჰაკუჰო დამარცხდა, ტოჩინოშინსა და კაკურიუს შორის საჩემპიონო ბრძოლა აღარ შედგება

მაისის ბაშო იოკოძუნების, ჰაკუჰოსა და კაკურიუს ბრძოლით დასრულდა. ამ შეხვედრის შედეგზე იყო დამოკიდებული ლევან გორგაძის საჩემპიონი პერსპექტივა.

ჰაკუჰოს აქამდე სამი წაგება ჰქონდა და მას თასის მოგების შანსი აღარ ჰქონად. მისი ოპონენტი კაკურიუ (1 წაგება) კი ჩემპიონობასთან ძალიან ახლოს იყო. წაგების შემთხვევაში კაკურიუსაც 2 მარცხი მოუგროვდებოდა, ისევე როგორც ტოჩინოშინს და მათ შორის დაინიშნებოდა დამატებითი ორთაბრძოლა.

თუმცა კაკურიუმ თავიდანვე მოიპოვა უპირატესობა ჰაკუჰოსთან, მეოთხე მარცხი აგემა და იმპერატორის თასი მოიგო.

ასე და ამგვარად, მაისის ბაშოზე კაკურიუ პირველია, ტოჩინოშინი - მეორე. მომავალ, ივლისის ბაშოზე ჩვენიანი უკვე ოძეკის სტატუსით იჭიდავებს.

1461
მკითხველის კომენტარები / 0 /
მსგავსი ამბები
რუბრიკის სხვა სიახლეები