სუმო. ჰაცუ ბაშო. პირველად - პირველი ხუთი გამარჯვება

5 ორთაბრძოლიდან 5 მოგებით სუმოისტთა კვარტეტი ლიდერობს - 5-0 ბალანსი ტოჩინოშინის გარდა დიდ ჩემპიონ კაკურიუს, სეკივაკე მიტაკეუმისა და რიგით მაეგაშირა ასანოიამას აქვთ.

ქართველმა ფალავანმა ზედიზედ მეორე ოძეკი (ჩემპიონი) დაამარცხა - გოეიდო აქამდე ბეჭდაუდებელი იყო, მაგრამ ტოჩინოშინმა იორიკირის ილეთით აჯობა.
ტოჩინოშინმა უმაღლეს დივიზიონში კარიერაში პირველად მოიგო პირველი 5 ორთაბრძოლა.

ტოჩინოშინის მომდევნო მეტოქე კომუსუბი ტაკაკეიშოა. მასთან ქართველს ორი ორთაბრძოლა აქვს გამართული - 0:2.

ბაშოზე ასპარეზობა შეწყვიტა მონღოლმა დიდმა ჩემპიონმა ჰაკუჰომ, იმპერატორის თასის 40-ჯერ მომგები ჰაკუჰო ტურნირიდან მოიხსნა.
ძურიოს დივიზიონში ზედიზედ მესამედ მოიგო თეიმურაზ ჯუღელმა (გაგამარუ).

გაგამარუმ ძურიოს მე-8 ნომერი ამაკაძე იორიკირის ილეთით დაამარცხა. გაგამარუს 3-2 ბალანსი აქვს და ახლა ეგვიპტელ ოსუნაარაშის ხვდება.

V დღე
(მნიშვნელოვანი ბრძოლები): იოშიკაძე-კისენოსატო (ოშიტაოში), კაკურიუ-ჩიოტაირიუ (იორიკირი), კოტოშოგიკუ-ჰაკუჰო (უბრძოლველად), ტოჩინოშინი-გოეიდო (იორიკირი), ტაკაიასუ-ჰოკუტოფუჯი (ოშიდაში), მიტაკეუმი-ტამავაში (ოშიდაში).
სატურნირო მდგომარეობა

5-0: კაკურიუ (იოკოძუნა), მიტაკეუმი (სეკივაკე), ტოჩინოშინი (მაეგაშირა 3), ასანოიამა (მ 16).

VI დღე
(მნიშვნელოვანი წყვილები): კაკურიუ-კოტოშოგიკუ, კისენოსატო-ჩიოტაირიუ, ტაკაიასუ-ონოშო, გოეიდო-იოშიკაძე.

ყოველდღიური სპორტული გაზეთი "ლელო"
3294
მკითხველის კომენტარები / 0 /
მსგავსი ამბები
რუბრიკის სხვა სიახლეები