სუმო. ჰაცუ ბაშო. წინსვლა გარანტირებულია, მეტიც შეიძლება!

პროგრამა-მინიმუმი შესრულებულია - დასავლეთის მე-3 მაეგაშირა ტოჩინოშინმა (ლევან გორგაძე) დადებითი ბალანსი დაიბევა და იგი აუცილებლად დაწინაურდება რეიტინგში.

ახლა უფრო დიდი მიზნების დროა. საქმე ისაა, რომ ქართველ სუმოისტს 8-1 ბალანსი აქვს და მას იმპერატორის თასისთვის ბრძოლა ძალუძს. გუშინდელი დღის შემდეგ ჩვენებური კაკურიუს უმთავრეს კონკურენტად მიიჩნევა, რომელიც დიდი ჩემპიონის ფეხის დაცდენას ელის.

ტოჩინოშინმა ცურიდაშის ილეთით 150-კილოიანი სეკივაკე მიტაკეუმი ხელში აიტაცა და დოჰიოს გარეთ `გადადგა". ასე სწრაფად ტოჩინოშინს დადებითი ბალანსი არასოდეს დაუბევებია.

ახლა მისი მეტოქე კოტოშოგიკუა, სუმოისტი, რომელიც 6 წლის განმავლობაში ოძეკის რანგში ჭიდაობდა. მასთან ჩვენებურს უარყოფითი ბალანსი აქვს - 5:24.

4-5 ბალანსის მქონე გაგამარუ (თეიმურაზ ჯუღელი) ბულგარელ აოიამას ხვდება, მანამდე ჩვენებურმა მძლავრი ოშიდაშით ძურიოს პირველი ნომერი მიოგირიუ დაამარცხა.

IX დღე (მნიშვნელოვანი ბრძოლები): კაკურიუ-არავაში (იორიკირი), გოეიდო-ტამავაში (იორიკირი), ტაკაიასუ-შოდაი (ცუკიოტოში), ტოჩინოშინი-მიტაკეუმი (ცურიდაში), ტაკაკეიშო-ჰოკუტოფუჯი (ოშიდაში).

სატურნირო მდგომარეობა

9-0: კაკურიუ (იოკოძუნა);
8-1: ტოჩინოშინი (მაეგაშირა 3);
7-2: მიტაკეუმი (სეკივაკე), დაიეიშო (მ 13)

X დღე (მნიშვნელოვანი წყვილები): კაკურიუ-ოკინოუმი, ტაკაიასუ-ტამავაში, გოეიდო-შოდაი, მიტაკეუმი-არავაში, ონოშო-იოშიკაძე, ტოჩინოშინი-კოტოშოგიკუ.

ყოველდღიური სპორტული გაზეთი "ლელო"
2272
მკითხველის კომენტარები / 0 /
მსგავსი ამბები
რუბრიკის სხვა სიახლეები
;