სუპერლიგა: დასავლეთი ქუთაისისაა, ქვემო ქართლი რუსთავის

სუპერლიგის მეორე ტური რეგიონებში გაიხსნა. ქვემოქართლურ დერბიში "რუსთავმა" "მარნეულს" სძლია, ხოლო დასავლელთა დუელში "ქუთაისმა" "ბათუმი" დაამარცხა.

რუსთავურ დაპირისპირებაში თამაშის ბედი სამქულიანებმა გადაწყვიტა - რამაზ გოგობერიშვილის შეგირდებმა 29-დან 12 სამქულიანი ჩააგდეს. ამ კომპონენტში რეზო ჩაჩანიძე გამოირჩა (8-დან 5 სამქულიანი), ადამ ბლეიჟეკმა 4 სამიანი გამოიყენა და 20 ქულამდე ავიდა, რასაც სეზონის სარეკორდო 10 ჩაჭრა მიამატა. რუსთაველ ლეგიონერს ორით მეტი პასი რომ შეესრულებინა, სამმაგ დუბლს გაიფორმებდა.

ქუთაისში სხვა ტიპის თამაში იყო, ბათუმელთა ამოცანა ტანმაღალი ქუთათურების განეიტრალება იყო, რაც ზღვისპირელებმა სათანადოდ ვერ მოახერხეს. აკაკი დვალიშვილმა 20 ქულა ჩააგდო, ხოლო ბექა ბექაურმა - 14. ამ დუეტმა ჯამში 17 მოხსნა ჩაიწერა და ქუთაისის სეზონის პირველი გამარჯვებაც განაპირობა.

ქუთაისი-ბათუმი 78:67
15:16, 23:23, 25:10, 15:18
ქუთაისი: მათიაშვილი (4ქ), ბ. წივწივაძე (3ქ, 4მ), გ. ბარბაქაძე (13ქ), დვალიშვილი (20ქ, 7მ), ბექაური (14ქ, 10მ, 3დ), ლომოური, ცირეკიძე (9ქ), დ. წივწივაძე, ჭეიშვილი, ლი (3ქ), რაითი (12ქ, 6მ, 3პ).
ბათუმი: ყველაშვილი (2ქ), ქადარია (3ქ), თენიეშვილი (4ქ), ტომარაძე (3ქ), ბაკურაძე, სტეფანიშინი (14ქ, 6მ, 5პ), შემოსიუკი (15ქ, 3პ), კოლინზი (15ქ, 8მ), ადრესევიჩი (11ქ).

რუსთავი-მარნეული 96:78
23:17, 34:19, 22:19, 17:23
რუსთავი: გუგავა, ცეკვავა (6ქ, 7პ), ხმელიძე (2ქ), ჩაჩანიძე (17ქ), ლორთქიფანიძე (2ქ), წიქარიშვილი, გოგობერიშვილი (14ქ), ბარამიძე, ბლაჟეკი (20ქ, 10ჩ, 8პ), ნელსონი (20ქ, 8მ, 3პ), კრუკი (9ქ), კუპერი (6ქ, 7მ).
მარნეული: ვახანია, ანთაძე (17ქ, 5მ, 3ჩ), ს. ლეჟავა (3ქ, 4პ), კენჭიაშვილი, რეი (18ქ, 10მ, 3პ), ათუაშვილი (6ქ), ნილი (20ქ, 4პ), ბონდუმელი (5ქ), შვეცი (9ქ, 8მ).

606
მკითხველის კომენტარები / 0 /
მსგავსი ამბები
რუბრიკის სხვა სიახლეები