სუპერლიგა: დინამოს ცუდი, მაგრამ მოგებული

საქართველოს მე-14 ტურის მატჩში "დინამომ" "სოხუმი" 89:81 დაამარცხა.

"დინამოს" მთავარი მწვრთნელი ირაკლი ხოშტარია "სოხუმთან" მატჩის შემდეგ უკმაყოფილებას ვერ მალავდა: "ამ სეზონში ყველაზე ცუდი მატჩი ჩავატარეთ. არაუშავს, სპორტში ასეთი რამ ხდება ხოლმე, თუმცა აუცილებლად უნდა გავაანალიზოთ, რა იყო ამის მიზეზი და სწორი დასკვნები გამოვიტანოთ".

მიუხედავად "ყველაზე ცუდი თამაშის" სტატუსისა, დინამოელებმა მაინც გაიმარჯვეს. მათ მატჩის ბედი ბოლო წუთებზე გადაწყვიტეს. საფინალო სირენამდე 2:14 წუთით ადრე ტაბლო თანაბარ ანგარიშს უჩვენებდა - 81:81.

სწორედ ამის შემდეგ მოაწყო "დინამომ" 8:0 გაქცევა და მეოთხე ტურიც დაუმარცხებლად დაასრულა. სპურტისას ქულები ოთხ კალათბურთელზე გადანაწილდა, რაც კარგად მიუთითებს ჩემპიონთა გუნდურობაზე.

დინამოელები პასების რაოდენობით ყოველ თამაშში გამოირჩევიან, 20 შედეგიან გადაცემაზე ნაკლებს ერთ მატჩშიც არ ასრულებენ. ამჯერად 24 პასი ჰქონდათ. "სოხუმის" სასახელოდ უნდა ითქვას, რომ ფავორიტს ერთბაშად 19 შეცდომა დააშვებინა. ამიტომაც ინარჩუნებდა მიხეილ კობეშავიძის გაწვრთნილი გუნდი ბოლო წუთებამდე გამარჯვების შანსს.

სოხუმი-დინამო 81:89

25:24, 17:28, 24:21, 15:16

სოხუმი: კვეტენაძე (10ქ, 6მ, 6პ), ჩელოვანი (16ქ, 8მ, 3ჩ), ლუცენკო (19ქ, 4პ), ვოლერი (15ქ, 3ჩ), პრიმაკი (13ქ, 7მ), მ. რავაზაშვილი (2ქ, 5მ), ლ. რევაზაშვილი (6ქ), ზუზაძე.

დინამო: ბერიშვილი (17ქ, 10მ, 6პ), ლონდარიძე (11ქ, 11მ), შარაბიძე (13ქ, 5მ), ფაცაცია (12ქ, 4პ), ბოიდი (19ქ, 4პ), გ. რევაზაშვილი (7ქ), გრძელიძე, გოგოძე (8ქ), ცრნიჩი (2ქ, 5პ).

639
მკითხველის კომენტარები / 0 /
მსგავსი ამბები
რუბრიკის სხვა სიახლეები