სუპერლიგა.ესეც პლეი ოფის რვა გუნდი!

მარნეული-სოხუმი 108:66
26:16, 24:24, 30:11, 28:15

მარნეული: ლეჟავა (5ქ), ნილი (18ქ, 7პ, 6მ, 3ჩ), ვახანია (16ქ), ელიაძე (12ქ), ბოჭოიძე (5ქ), რეი (21ქ, 7მ, 3პ, 3ჩ), ფაცაცია (3ქ), ლობჟანიძე (12ქ), ანთაძე (5მ), შვეცი (16ქ, 6მ).

სოხუმი: კვეტენაძე, ათუაშვილი (6ქ), ლ. რევაზაშვილი (12ქ, 6მ), ყეინაშვილი (2ქ), ლ. ბულიავა, ო. ბულიავა (5ქ), პრიმაკი (8ქ, 3პ), ზუზაძე (14ქ), ზურაბაშვილი (6ქ), მ. რევაზაშვილი (13ქ, 5მ).

გადაწყვეტილი ამბავია: მიმდინარე სუპერლიგაში "სოხუმი"ბოლო ადგილს ვერ ასცდება. ეს მას შემდეგ გაირკვა, რაც სოხუმელებმა "მარნეულთან" 66:108 დათმეს. შესაბამისად, პლეი ოფში გასული რვავე გუნდის ვინაობაც ცნობილია - მერვე პოზიცია "მარნეულმა" შეავსო.

- ნორმალურ ფორმაში ვართ, გარდა ამისა, ვიცით, "სოხუმი" რა პრობლემების წინაშეა და აქედან გამომდინარე, შედეგიც სახეზეა. წარმატებებს ვუსურვებ "სოხუმს" მომავალში, - ასეთი იყო "მარნეულის" მთავარი მწვრთნელის თემურ კანკიას კომენტარი. "სოხუმის" მთავარმა მწვრთნელმა გია კაზანჯიანმა კი განაცხადა:

- სერგო ათუაშვილი ვერ იყო ფორმაში და ცოტა ხანს ვათამაშეთ, მაგრამ ეს, რა თქმა უნდა, არ არის წაგების გასამართლებელი მიზეზი, დიდი ანგარიშით დამარცხებას ნამდვილად არ ველოდით...

ოლიმპი-მგზავრები 79:93
20:25, 14:28, 16:23, 29:17

ოლიმპი: გივი ბაქრაძე (16ქ, 5პ), ბოლქვაძე, როგავა (9ქ, 5მ), გეგი ბაქრაძე (6ქ, 6მ, 3პ), ბოქოლიშვილი (8ქ), პულუზაშვილი (2ქ), ჭოჭუა (5ქ), დარბაიძე (14ქ, 5მ), ჰილი (16ქ), გიორგაძე (3ქ).

მგზავრები: ბოუი (23ქ, 8მ, 5ჩ), ჯინჭარაძე (7ქ, 3პ), ალხანაიძე (16ქ, 5მ), სტეფორდი (17ქ, 6მ, 3პ), ლომინაშვილი (7ქ), დ. ბარბაქაძე (12ქ), ქავთარაძე, ნკალი (11ქ, 7მ), ფხაკაძე.

სუპერლიგაში ბოლო პერიოდის ყველაზე შედეგიანი გუნდი თბილისის "მგზავრებია". ბუბა ბერიშვილის გაწვრთნილმა გუნდმა ზედიზედ მეხუთე მატჩი მოიგო, რაც, თუ სუპერლიგის წევრთა დაბალანსებულ პოტენციალს გავითვალისწინებთ, ძალიან კარგი შედეგია. "მგზავრებმა" მაღალი ამბიციის მქონე "ოლიმპი" ისე დაამარცხეს, რომ არანაირი პრობლემა არ შექმნია.

თუ გავითვალისწინებთ, რომ "მგზავრებს" "ოლიმპზე" ერთი მატჩით ნაკლები აქვს და ერთი მოგებით ჩამორჩება, აქვს შანსი ცხრილში მე-7 ადგილიდან მეექვსეზე ან თუნდაც მეხუთეზე აინაცვლონ. თუმცა უფრო მთავარი ალბათ ისაა, რომ ბერიშვილის გუნდი პროგრესირებს და პლეი ოფს ფორმის პიკზე ხვდება.

რაც შეეხება "ოლიმპს", ლეონიდ ივატინისა და დავით როგავას გაწვრთნილი გუნდი ვერაა სათანადო დონეზე - რაც უმეტესწილად ტრავმიანობის ბრალია, თუმცა ვინც ჯანზეა, ვერც ისინი აჩვენებენ მწვრთნელებისთვის სასურველ, ვარჯიშებზე დაგეგმილ თამაშს. ასე რომ, "მგზავრებთან" მატჩი ოლიმპელებისთვის კარგი გაკვეთილი უნდა გახდეს და როცა ამ გუნდს ნაოპერაციები მარკ ოგდენი და ახალწვეული ნიკა მეტრეველი დაემატებათ, მეტი წარმატების ჯანსაღი ამბიციაც მაშინ მიეცემათ.

სუპერლიგის 26-ე ტური 5 აპრილს ბათუმსა და თბილისში დასრულდება. აჭარაში სათამაშოდ "კაკტუსი" ჩავა, ხოლო დედაქალაქში "დინამო" "რუსთავს" უმასპინძლებს.

თ მ წ სხ ქ

1. ქუთაისი 26 19 7 2184-1982 45
2. რუსთავი 26 17 9 2097-1999 43
3. დინამო 25 16 9 2051-1882 41
4. ბათუმი 26 14 12 1985-1878 40
5. კაკტუსი 25 15 10 2042-1997 40
6. ოლიმპი 26 13 13 2027-1995 39
7. მგზავრები 26 12 14 2066-2163 38
8. მარნეული 26 9 17 2113-2206 35
9. სოხუმი 26 1 25 1950-2413 27

ყოველდღიური სპორტული გაზეთი "ლელო"
265
მკითხველის კომენტარები / 0 /
მსგავსი ამბები
რუბრიკის სხვა სიახლეები