სუპერლიგა: რეგულარული ქუთაისმა მოიგო

მიმდინარე სუპერლიგაში რეგულარული ეტაპის ბოლოსწინა ტურის მატჩები დაიწყო. ქვეყნის ჩემპიონმა "დინამომ" "მარნეულს" 90:67 აჯობა, ხოლო ვიცე-ჩემპიონმა "ქუთაისმა" "ოლიმპს" 86:67 სძლია.

თუ დინამოელების სატურნირო მდგომარეობაზე მხოლოდ ზოგადი მსჯელობა შეგვიძლია, ქუთათურებმა ამ მოგებით რეგულარული ეტაპი პირველ ადგილზე დაასრულეს და პლეი ოფის ყველა ეტაპზე ნებისმიერ მეტოქესთან მოედნის უპირატესობა ექნებათ. როდესაც საქმე "ქუთაისს" ეხება, ეს სერიოზული ფორაა.

"ოლიმპს" მეხუთე ადგილზე გადასვლის შანსი აქვს, თუმცა სჯობს ბოლო ტურში მოვლენების განვითარებას დაველოდოთ.

"მარნეულს" მერვე ადგილი გარანტირებული აქვს, ხოლო "დინამოს" შესახებ აკი ვთქვით - მხოლოდ ზოგადი მსჯელობა შეიძლება-თქო. საქმე ის არის, რომ ირაკლი ხოშტარიას გუნდი, "კაკტუსთან" და "რუსთავთან" მეორე-მეოთხე ადგილებისთვის იბრძვის და ვინ რომელს დაიკავებს სწორედ ბოლო ტურში გაირკვევა.

25 აპრილი, თბილისი
მარნეული-დინამო 67:90
18:18, 13:27, 25:25, 11:20
მარნეული: ნილი (14ქ, 9პ, 3ჩ), ვახანია (6ქ, 4პ), ელიაძე (4ქ), ბოჭოიძე, რეი (6ქ), ანთაძე (16ქ, 6მ, 3ჩ), შვეცი (21ქ, 9მ, 3პ).
დინამო: ლი (9ქ, 6მ, 4პ), შარაბიძე, ბოიდი (17ქ, 7მ), გრძელიძე (5ქ, 6მ, 3პ), ლონდარიძე (11ქ, 16მ), მაჩალაძე, ტურპინი (20ქ, 9მ, 4დ), გოგოძე (12ქ, 8მ, 7პ), მიტროვიჩი (16ქ, 4პ).

მარნეულელები მთავარი მწვრთნელის გარეშე დარჩნენ. "დელტამ" თემურ კანკიას გარეშე ითამაშა, რომლის ასისტენტის, ბექა ქარცივაძის განცხადებით, გუნდში გარკვეული სახის პრობლემებია. მთავარი მწვრთნელის გარდა მარნეულელებს დისკვალიფიცირებული ლევან ფაცაცია აკლიათ და ისეთი მებრძოლი ხასიათი ვერ გამოავლინეს, როგორც "დინამოსთან" წინა მატჩებში. აღსანიშნავია, რომ ქვემოქართლელებმა მოქმედ ჩემპიონს რეგულარული ჩემპიონატის წინა ორი მატჩი მოუგეს - 100:92 და 77:75.

ამჯერად თანაბარი ბრძოლა მხოლოდ პირველ პერიოდში შედგა, რომელიც 18:18 დასრულდა. მეორე მეოთხედი დინამოელებმა 27:13 მოიგეს, 14 ქულით დაწინაურდნენ და უპირატესობა ხელიდან აღარ გაუშვიათ. საბოლოოდ ირაკლი ხოშტარიას გაწვრთნილმა "დინამომ" 90:67 იმარჯვა და და მეორე ადგილზე გამაგრდა.

ირაკლი ხოშტარია ("დინამოს" მთავარი მწვრთნელი):
- რეგულარული ჩემპიონატი დასასრულს უახლოვდება და ჩვენთვის ძალიან მნიშვნელოვანია დარჩენილი შეხვედრების მოგება. წინ პლეი ოფის მატჩებია და მთავარია, შესაბამის მზადყოფნაში ვიყოთ.

ბექა ქარცივაძე ("მარნეულის" მწვრთნელი):
- გუნდში გარკვეული პრობლემებია - რამდენიმე მოთამაშე ტრავმირებულია, არ გვყავდა ასევე მთავარი მწვრთნელი. "დინამო" საკმაოდ ძლიერი გუნდია და მოგების შანსი არ დაგვიტოვა. ჩვენი მიზანია, სეზონი ღირსეულად ჩავამთავროთ.

25 აპრილი, თბილისი
ქუთაისი-ოლიმპი 86:67
21:17, 20:11, 24:15, 21:24
ქუთაისი: ლი (27ქ, 8პ, 5ჩ), ბაბუნაშვილი (3ქ), ჭეიშვილი (2ქ), რაითი (11ქ), ცირეკიძე (5ქ), წივწივაძე (3პ), ბარბაქაძე (6ქ), ლომოური (6ქ), დვალიშვილი (10ქ, 6მ), მათიაშვილი (2ქ, 5პ), ბექაური (14ქ, 9მ).
ოლიმპი: გივი ბაქრაძე (2ქ), ბოლქვაძე (5ქ), როგავა (6ქ), გეგი ბაქრაძე (10ქ), ბოქოლიშვილი, პულუზაშვილი (7ქ), გუგეშაშვილი (3ქ), ჭოჭუა (14ქ, 6პ), დარბაიძე, ჰილი (13ქ), ოგდენი (7ქ).

მეორე პერიოდის დასაწყისში, ანგარიში 21:22 იყო, იგებდა "ოლიმპი". როგორც შემდეგ აღმოჩნდა, ეს იყო ერთადერთი შემთხვევა მატჩში, როცა ოლიმპელები წინ იყვნენ. სწორედ 21:22 ჩამორჩენის შემდეგ მოაწყი "ქუთაისმა" 14:0 გაქცევა, 35:22 დაწინაურდა და თამაშის ბედიც აქ გადაწყვიტა.

მასპინძლები ოლიმპელებს თითქმის ყველა კომპონენტში სჯობნიდნენ - მათზე სწრაფადაც მოქმედებდნენ და ფარქვეშიდანაც უკეთესები იყვნენ. მოხსნებში "ქუთაისმა" 33:20 იმარჯვა, სამწამიანი ზონიდან მოგრივილი ქულებით 50:26 მოუგო, ხოლო სწრაფი გარღვევებით მოპოვებული ქულებით - 29:16.

სეზონის საუკეთესო მატჩი გამართა იმერული კლუბის უკანახაზელმა ჯონათან ლიმ, რომელმაც 27 ქულა, 8 პასი და 5-5 მოხსნა-ჩაჭრა გაიფორმა. სროლის სიზუსტეც შესაშური ჰქონდა: 11-დან 10 ორქულიანი, 2-დან 1 სამიანი, 4-დან 4 საჯარიმო.

გუნდი თ მ წ სხ ქ
1. ქუთაისი 31 22 9 2649/2353 53
2. დინამო 31 20 11 2578/2362 51
3. კაკტუსი 30 20 10 2497/2423 50
4. რუსთავი 30 19 11 2475/2339 49
5. ბათუმი 31 17 14 2394/2260 48
6. ოლიმპი 31 16 15 2409/2341 47
7. მგზავრები 30 13 17 2357/2501 43
8. მარნეული 31 10 21 2510/2642 41
9. სოხუმი 31 1 30 2275/2923 32

დარჩენილი მატჩები
26 აპრილი
სოხუმი-კაკტუსი
რუსთავი-მგზავრები

28 აპრილი
დინამო-ბათუმი

29 აპრილი
კაკტუსი-მგზავრები
რუსთავი-ოლიმპი

30 აპრილი
ქუთაისი-მარნეული

1073
მკითხველის კომენტარები / 0 /
მსგავსი ამბები
რუბრიკის სხვა სიახლეები
;