სუპერლიგა. ქუთაისის ზედიზედ მერვე მოგება

კოტე ტუღუშის გაწვრთნილი "ქუთაისი" სატურნირო ცხრილში ლიდერობას იმყარებს. იმერლებმა "რუსთავს" უმასპინძლეს, 8 ქულის სხვაობით დაამარცხეს და მოგებათა სერია 8-მდე გაზარდეს.

საინტერესოა, რომ "ქუთაისი" ბოლოს 2017 წლის 24 დეკემბერს დამარცხდა, სწორედ "რუსთავთან", სტუმრად.

სხვათა შორის, რუსთაველებიც რეკორდზე მიდიოდნენ - ქუთაისში სტუმრობამდე ზედიზედ 6 მოგება ჰქონდათ.

2 მარტი, ქუთაისი

ქუთაისი-რუსთავი 76:68
19:18, 26:13, 22:12, 9:25

ქუთაისი: ლი (17ქ, 7მ, 4პ), სოსელია, ბაბუნაშვილი (3ქ), ჭეიშვილი, რაითი (11ქ), ცირეკიძე, წივწივაძე (2ქ, 3პ), გ. ბარბაქაძე (20ქ), ლომოური (6ქ), დვალიშვილი (8ქ), მათიაშვილი (2ქ, 10მ, 3პ), ბექაური (7ქ, 7მ).
რუსთავი: ხმელიძე (7ქ), ბლეიზეკი (23ქ, 5ჩ, 3პ), ლორთქიფანიძე (14ქ), ცეკვავა (12ქ), წიქარიშვილი, ჩაჩანიძე, ნელსონი (10ქ, 8მ), ბერნარდი (2ქ), კუპერი (7მ).

როგორც ზემოთ მოგახსენეთ, დიდი სხვაობა არ დაფიქსირებულა, თუმცა მატჩის ბედი მესამე პერიოდში გადაწყდა. თანაბარი პირველი პერიოდის შემდეგ მასპინძლები სრულ უპირატესობას დაეუფლნენ და მეორე მეოთხედის 26:13, ხოლო მესამეში - 22:12 მოგების შემდეგ 24 ქულით დაწინაურდნენ.

დარჩენილ ათწუთეულში რუსთაველებმა მაქსიმალურად მოინდომეს, დასკვნითი პერიოდი 25:9 მოიგეს, რაც მხოლოდ ღირსეული სხვაობით დამარცხებისთვის აღმოჩნდა საკმარისი.

"ქუთაისს" დიდი უპირატესობა ჰქონდა ფარქვეშ: მოხსნებში 42:26 იმარჯვა, ხოლო სამწამიანი ზონიდან ჩაგდებულ ქულებში - 44:24.

3 მარტი, თბილისი

მარნეული-მგზავრები 79:94
16:31, 18:16, 21:29, 24:18

მარნეული: ბიქაძე (2ქ), ნილი (16ქ, 7პ), ვახანია (5ქ, 5პ), რეი (14ქ), ფაცაცია (7ქ, 6მ), ლობჟანიძე (13ქ), ანთაძე (11ქ), ალდერმანი (11ქ, 8მ).
მგზავრები: ბოუი (10ქ, 8მ, 7პ), ჯინჭარაძე (25ქ), ალხანაიძე (3ქ), სტეფორდი (8ქ), ნუცუბიძე, ლომინაშვილი (4ქ), დ. ბარბაქაძე (15ქ), ქავთარაძე (4ქ), ნკალი (16ქ, 7მ), ფხაკაძე (7ქ, 7მ, 5პ), აკობია (2ქ).

ბუბა ბერიშვილის გაწვრთნილმა "მგზავრებმა" პირველივე პერიოდში მოიპოვეს ლიდერობა. კახა ჯინჭარაძის, ამერიკელი ლეგიონერების - ბერნარდ ნკალის, ადრიან ბოუისა და ტეილორ სტეფორდის შედეგიანობით პირველი პერიოდი 31:16 მოიგეს და ტემპი არც მეორე ათწუთეულში დააგდეს.

დიდ შესვენებამდე ბევრი არაფერი შეცვლილა და "მგზავრებს" 13-ქულიანი ლიდერობა შერჩათ, თუმცა მესამე პერიოდში თბილისელების უპირატესობამ 20 ქულას გადააჭარბა და მატჩის ბედიც, ფაქტობრივად, გადაწყდა.

- სამწუხაროდ, მნიშვნელოვანი მოთამაშე დაგვაკლდა არტიომ შვეცის სახით, აქედან გამომდინარე, მის პოზიციაზე მხოლოდ ერთი მაღალი მოთამაშე გვყავდა, რომელიც არც ისე კარგ ფიზიკურ კონდიციაშია. შედეგიც სახეზეა, - აღნიშნა "მარნეულის" მთავარმა მწვრთნელმა თემურ კანკიამ.

3 მარტი, თბილისი

დინამო-კაკტუსი 76:62
23:14, 22:17, 14:11, 17:20

დინამო: რ. ლი (16ქ), შარაბიძე (7ქ), ბოიდი (12ქ, 6პ, 5მ), გრძელიძე (2ქ, 5პ), ლონდარიძე (16ქ, 9მ), მაჩალაძე, ტურპინი (11ქ, 15მ), გ. რევაზაშვილი (2ქ), გოგოძე (6ქ, 3პ), მიტროვიჩი (4ქ).

კაკტუსი: პარკსი (22ქ, 3პ), გაგუა, ბოისა (8ქ, 6მ), ტურძელაძე (7ქ, 6მ), ლოლიშვილი (3ქ), ბრიჯმენი (3ქ, 12მ), ჯონსონი (5ქ), ლომიძე (5ქ, 6მ, 3პ), მიჩელი (4ქ), ამონაშვილი (3ქ), გოგალაძე (2ქ).

მე-20 ტურის ბოლო მატჩში მოქმედი ჩემპიონი "დინამო" და "კაკტუსი" შეხვდნენ. "დინამომ" ჩემპიონატი რიხიანად დაიწყო და ახალ წლამდე ერთპიროვნულ ლიდერად მივიდა, თუმცა 2018 წელს უკვე 6 მარცხი განიცადა და ცხრილის შუისკენ დაეშვა.

დინამოელებს აშკარად ჩავარდნა ჰქონდათ და სანაკრებო ფანჯარამ მათზე დადებითად იმოქმედა. მცირე შესვენების შემდეგ, ირაკლი ხოშტარიას გუნდმა საკმაოდ ძლიერ "კაკტუსთან" მაღალ დონეზე ითამაშა და ჩემპიონატში მე-12 გამარჯვება მოიპოვა.

დინამოელებს აკლდათ მიხეილ ბერიშვილი, რომელმაც ნაკრებში თამაშისას თითის ძვალი გაიბზარა და ახლა გარკვეულ დროს უქმობა მოუწევს. ერთ-ერთი ლიდერის არყოფნაში "დინამოს" ილია ლონდარიძემ ულიდერა, რომელმაც 16 ქულა და 9 მოხსნა მოაგროვა.

ირაკლი ხოშტარია, "დინამოს" მთავარი მწვრთნელი:
- კიდევ დაგვაკლდა მოთამაშე - მიხეილ ბერიშვილი, გაურკვეველი დროით. რაც შეეხება "კაკტუსთან" თამაშს, ვიცოდით, რომ ძლიერ მოწინააღმდეგეს ვხვდებოდით და მაქსიმალურად მოვემზადეთ, შედეგიც სასურველია.

გუნდი თ მ წ სხ ქ
1. ქუთაისი 19 16 3 1620/1426 35
2. რუსთავი 20 14 6 1635/1525 34
3. დინამო 19 12 7 1557/1420 31
4. კაკტუსი 20 11 9 1589/1625 31
5. ბათუმი 20 10 10 1520/1442 30
6. ოლიმპი 19 11 8 1490/1424 30
7. მარნეული 20 6 14 1601/1735 26
8. მგზავრები 19 7 12 1473/1607 26
9. სოხუმი 20 1 19 1501/1782 21

ყოველდღიური სპორტული გაზეთი "ლელო"
921
მკითხველის კომენტარები / 0 /
მსგავსი ამბები
რუბრიკის სხვა სიახლეები
;