სუპერლიგა: შესვენება დეკემბრამდე

სუპერლიგის მორიგი ტურის ოთხიდან სამი მატჩი რეგიონებში გაიმართა. ოთხივე მატჩში ფავორიტად მიჩნეულმა გუნდებმა იმარჯვეს.

თბილისში "დინამომ" "მგზავრებთან" ითამაშა და მეხუთე გამარჯვება მოიპოვა. პირველი პერიოდი დინამოელებმა 21:16 მოიგეს, მეორეში უპირატესობა კიდევ უფრო განავრცეს. "მგზავრების" მოთამაშეები ცდილობდნენ, მაგრამ ჩამორჩენის 10 ქულაზე ნაკლებით შემცირება ვერ მოახერხეს. შეხვედრა საბოლოოდ 80:64 დასრულა და "დინამო" კვლავ დაუმარცხებელია.
"მგზვარების" შემადგენლობაში დებიუტი ჰქონდა გამთამაშებელ ოთარ ფხაკაძეს, რომელიც საქართველოში ახლახან ჩამოვიდა.

დინამო-მგზავრები 80:64
21:16, 23:18, 23:16, 13:14
დინამო: ბერიშვილი (5ქ, 6პ), შარაბიძე (6ქ, 7მ), ფაცაცია (2ქ), გაჩეშა (16ქ, 10მ), ბოიდი (13ქ, მაჩალაძე, ლონდარიძე (16ქ), გრძელიძე, გოგოძე (3ქ), ტურპინი (17ქ, 8მ), ცრნიჩი (2ქ, 4პ).
მგზავრები: სანაძე (3ქ), ალხანაიძე (1ქ), ჯინჭარაძე (18ქ, 6მ, 5პ), ნკალი (9ქ, 9მ), თაქერი (9ქ), ნუცუბიძე (2ქ), დ. ბარბაქაძე (2ქ), ლომინაშვილი (4ქ, 5მ), ქავთარაძე (3ქ), აკობია (7ქ), ფხაკაძე (6ქ).

 - პრობლემები გვქონდა: პაუერსი გუნდიდან წავიდა, ხოლო ოთო ფხაკაძე კი სულაც მატჩის დილას ჩამოფრინდა საქართველოში და მოუმზადებლად ითამაშა, - აღნიშნა "მგზავრების" მთავარმა მწვრთნელმა ბუბა ბერიშვილმა.

ქუთაისში გამართულ მატჩში 36-ქულიანი სხვაობა დაფიქსირდა. მასპინძლებმა "სოხუმს" პირველი პერიოდი 7, ხოლო მეორე - 2 ქულით მოუგეს და დიდი შესვენებისთვის 52:43 დაწინაურდნენ. მესამე ათწუთულში ქუთაისელებმა ტემპს და შედეგიანობას უმატეს, ლიდერობას კიდევ 12 ქულა წაამატეს და მატჩის ბედი ბოლო პერიოდის დაწყებამდე გადაწყვიტეს.

ქუთაისი-სოხუმი 112:76
26:19, 26:24, 29:17, 31:16
ქუთაისი: გ. ბარბაქაძე (13ქ, 5მ), დვალიშვილი (13ქ), ბექაური (16ქ), ლი (16ქ, 6პ), რაითი (18ქ, 6მ, 5პ, 4ჩ), მათიაშვილი (10ქ, 7მ, 5პ), ბ. წივწივაძე (7ქ, 4პ), ლომოური (5ქ), ცირეკიძე (9ქ, 5მ), დ. წივწივაძე, ჭეიშვილი (10ქ, 3პ).
სოხუმი: კვეტენაძე (3ქ, 5მ), ჩელოვანი (10ქ, 5მ), ვოლერი (14ქ, 7მ, 3პ), პრიმაკი (12ქ, 5მ), კამარაუნასი (12ქ, 7პ, 3ჩ), მ. რევაზაშვილი (8ქ), ლ. რევაზაშვილი (5ქ), ბულიავა, ზუზაძე (12ქ).

- "სოხუმს" აშკარად ეტყობა ჩავარდნა, თუმცა მჯერა, რომ ისინი მალე მოუმატებენ. წინ სანაკრებო ფანჯარა გველოდება, რომელსაც კარგად გამოვიყენებთ, - ასეთი კომენტარი გააკეთა "ქუთაისის" მთავარმა მწვრთნელმა კოტე ტუღუშმა.

დღეს 2 მატჩი გაიმართა - რუსთავსა და ბათუმში. ქვემო ქართლში სათამაშოდ "კაკტუსი" ჩავიდა, რომელმაც ადგილობრივ გუნდს გვარიანი წინააღმდეგობა გაუწია. კაკტუსელებმა მასპინძლებს პირველი პერიოდიც მოუგეს და დიდ შესვენებაზეც ლიდერობდნენ, თუმცა მეორე ნახევარში რუსთაველებმა ჩამორჩენის გაბათილება და დაწინაურება მოახერხეს და საბოლოოდ გამარჯვებას მიაღწიეს.

რუსთავი-კაკტუსი 79:73
19:17, 14:22, 22:10, 24:24
რუსთავი: ცეკვავა (14ქ, 3პ), ჩაჩანიძე (18ქ), ბლაჟეკი (10ქ, 5მ, 7პ, 4ჩ), ნელსონი (23ქ, 11მ), კრუკი (1ქ, 10მ), გოგობერიშვილი (7ქ), კუპერი (3ქ), ბერნარდი (3ქ).
კაკტუსი: ბოისა (4ქ, 5მ), ტურძელაძე (11ქ, 7მ, 5დ), პარკსი (18ქ, 6მ), ჯონსონი (10ქ), როჯერსი (8ქ, 12მ), ლოლიშვილი, ლომიძე (14ქ, 6მ), გოგალაძე (2ქ), ვორდი (6ქ, 6მ).

რევაზ ჩხეიძე, "კაკტუსის" მენეჯერი:
- ყოველთვის რთულია რუსთავში თამაში. გვქონდა ჩავარდნა, რამდენიმე შეხვედრა წავაგეთ და გვინდოდა, მეტი მობილიზებით გვეთამაშა. ტრავმები რომ არა, სხვა შედეგის მიღწევა იქნებოდა შესაძლებელი.

ბათუმში ჩემპიონატის ერთ-ერთი გამორჩეული გუნდი "ოლიმპი" ჩავიდა. თბილისელები ლიდერობას მესამე პერიოდშიც ინარჩუნებდნენ, თუმცა მატჩის დასკვნით წუთებში მეტი სიზუსტე ბათუმელებმა გამოიჩინეს, გაიმარჯვეს და სატურნირო ცხრილში "რუსთავთან" ერთად გალიდერდნენ.

ბათუმი-ოლიმპი 80:72
17:20, 20:20, 21:22, 22:20
ბათუმი: მაისურაძე (5ქ), ქადარია (11ქ, 5მ), სტეფანიშინი (11ქ, 3პ), კოლინზი (22ქ, 6მ), ანდრესევიჩი (14ქ, 6მ), თენიეშვილი (6ქ, 9პ), ტომარაძე, შემოსიუკი (11ქ).
ოლიმპი: გივი ბაქრაძე (14ქ, 6მ), ჭოჭუა (6ქ, 5პ), როგავა (15ქ, 3პ), დარბაიძე (11), ოგდენი (10ქ, 11მ), ბოქოლიშვილი (2ქ), გეგი ბაქრაძე (1ქ), ჰილი (13ქ).

ლაშა ოჩხიკიძე, ("ბათუმის" მწვრთნელი):
- ოლიმპი ძლიან კარგი გუნდია. კარგია, რომ მეოთხე პერიოდში მოვახერხეთ დაცვასა და შეტევაში მობილიზაცია და სწორედ ამის ხარჯზე გავიმარჯვეთ. განსაკუთრებით გამოვყოფდი ჩვენი ამერიკელი ლეგიონერის - კოლინზის თამაშს, ასევე ძალიან სასარგებლოები იყვნენ შემოსიუკი და თენეიშვილი.

ფიბა-ს მიერ სანაკრებო პაუზასთან დაკავშირებით სუპერლიგა დეკემბრამდე დაისვენებს.

ყოველდღიური სპორტული გაზეთი "ლელო"
258
მკითხველის კომენტარები / 0 /
მსგავსი ამბები
რუბრიკის სხვა სიახლეები