სუპერლიგა. 1/2 ფინალი: სუპერ-ბერიშვილი... დინამომ მგზავრები დაამარცხა

საქართველოს ჩემპიონატის ნახევარფინალი კვირას ქუთაისში დაიწყო და ორშაბათს თბილისში გაგრძელდა. დედაქალაქში ორი ადგილობრივი გუნდი იბრძვის ფინალის საგზურისთვის - "დინამო" და "მგზავრები". შეგახსენებთ, რომ დინამოელებმა მეოთხედფინალში გზიდან "ოლიმპი" ჩამიშორეს, ხოლო "მგზავრებმა" - "კაკტუსი".

როგორც მოსალოდნელი იყო, მატჩი ძალიან ემოციური გამოდგა, იყო დიდი დაძაბულობა, ვნებათაღელვა, საქმის გარჩევა, ტექნიკური შენიშვნები... მეოთხე პერიოდის ბოლოს მსაჯებმა "მგზავრების" მთავარი მწვრთნელი ბუბა ბერიშვილი გააძევეს.

დიდი დაძაბულბისას დიდი მნიშვნელობა აქვს გამოცდილებას. ორივე გუნდი მეტისმეტად მონდომებით თამაშობდა დაცვაში, თუმცა ერთადერთი კალათბურთელი, რომელიც ზედმეტი სიმშვიდით სტყორცნიდა მიხეილ ბერიშვილი იყო, რომელიც მთელი მატჩის განავლობაში სტაბილურად და მაღალი სიუსტით ისროდა. მეორე პერიოდში სხვაობა ერთნიშნა იქნებოდა, დიდი შესვენების მოახლოებასთან ერთად ბერიშვილს ზედიზედ ორი სამქულიანი რომ არ ჩაეგდო. ერთი ტყორცნა მან სირენასთან ერთად გამოიყენა და 40:30 "დინამოს" სასარგებლოდ.

მესამე პერიოდში დინამოელებმა დაცვაში თამაში კიდევ უფრო გააუმჯობესეს და მეოთხე პერიდის წინ 20 ქულით დაწინაურდნენ. საბოლოოდ 85:74, გაიმარჯვა "დინამომ" და სერიაში 1:0 დაწინაურდა.

24 ქულით მატჩის ბომბარდირი მიხეილ ბერიშვილი გახდა, რომელიც უდაოდ დღის გმირი გახლდათ.

სერიის მეორე მატჩი 15 მაისს 17 საათზე დაიწყება.

284
მკითხველის კომენტარები / 0 /
მსგავსი ამბები
რუბრიკის სხვა სიახლეები