სუპერლიგა. 1/2 ფინალი. დინამო-მგზავრები 2:0

- რეგულარული ჩემპიონატი პლეი ოფისგან ისე განსხვავდება, როგორც დღე და ღამე. მატულობს ინტენსიურობა, ძალისმიერი თამაში, იზრდება დატვირთვა. კომპიუტერული თამაშების ენაზე რომ ვთქვათ, მანქანა "ტურბო" რეჟიმში ირთვება, - ეს ზაზა ფაჩულიას სიტყვებია.

ხარისხობრივად NBA-სა და საქართველოს ჩემპიონატს შორის სხვაობა დიდია, მაგრამ სწორედ მომატებული ინტენსიურობა და ძალისმიერი თამაში სუპერლიგის პლეი ოფს ქართველი გუშემატკივრისთვის საინტერესოს ხდის. ასეთ პირობებში მატულობს კონცენტრაციაც და კალათბურთელები შესაძლებლობების მაქსიმუმს ავლენენ.

ავიღოთ თუნდაც დინამოელი ლევან გრძელიძე, რომელმაც მესამე პერიოდის ბოლოს ორი სამქულიანი ჩააგდო, მეოთხეში კიდევ ერთი და დინამოელები საფინალო სირენამდე 7 წუთით ადრე 10 ქულით დააწინაურა. მას მერე მგზავრებმა კიდევ უფრო უმატეს ტემპს, სხვაობა 4 ქულამდეც დაიყვანეს, მაგრამ გამოცდილმა ირაკლი ხოშტარიას გუნდმა მეტოქეს დაწევის უფლება აღარ მისცა და სერიაში მეორე მატჩიც მოიგო - 84:75.

დიდი მოცულობის სამუშაო შეასრულა დინამოელმა ილია ლონდარიძემ, რომელიც 25 ქულით მატჩის ბომბარდირი გახდა.

2:0 და მესამე მატჩი 18 მაისს გაიმართება. სერია სამ მოგებამდეა.

382
მკითხველის კომენტარები / 0 /
მსგავსი ამბები
რუბრიკის სხვა სიახლეები