სუპერლიგა 2017/18. III ტური: ბათუმმა მწვრთნელი გააოცა, სოხუმმა - მარნეული

გუშინ, 25 ოქტომბერს, სუპერლიგაში სამი მატჩი გაიმართა. ორში თამაშის ბედი ნაადრევად გადაწყდა, რაც "სოხუმი"-"მარნეულის" მატჩმა აანაზღაურა...

25 ოქტომბერი, თბილისი
კაკტუსი-ბათუმი 48:89
14:30, 8:18, 8:23:18:18
კაკტუსი: ლომიძე (10ქ), ტურძელაძე (3ქ), პარკსი (2ქ), ჯონსონი (11ქ, 5მ), ვორდი (3ქ), ლოლიშვილი, ამონაშვილი (5ქ), გოგუა, ბოისა (4ქ, 6მ), გოგალაძე (7ქ), როჯერსი (6ქ, 7მ).
ბათუმი: ქადარია (9ქ, 15მ), ტომარაძე (2ქ), სტეფანიშინი (23ქ, 3პ), კოლინზი (17ქ, 4პ, 4ჩ), ანდრეშევიჩი (12ქ, 10მ, 3ჩ), ყველაშვილი (2ქ), თენიეშვილი (2ქ), ბაკურაძე, შემოსიუკი (22ქ, 5მ, 6პ).

- ჩემი გუნდის ასეთი კარგი თამაში დიდი სიურპრიზი იყო. გახარებული ვარ პირველი გამარჯვებით. გულახდილად გეტყვით, ქუთაისში წაგების შემდეგ მეშინოდა, რადგანაც მეტოქე საკმაოდ ძლიერი იყო, "კაკტუსს" ხომ აქამდე ორივე მატჩი მოგებული ჰქონდა. ახლა, მთავარია, ჩვენმა გუნდმა ისწავლოს მოგება, - ასეთი იყო ბათუმის მწვრთნელის ვლადიმირ ბოსნიაკის კომენტარი.

"ბათუმის" კარგი თამაში მისთვის სიურპრიზი იყო... უცნაურად კი ჟღერს, მაგრამ დახედეთ ანგარიშს - სხვაობა 41 ქულაა! მას მერე, რაც სუპერლიგის გუნდებს მთავრობისგან სტაბილური დაფინანსება აქვთ, შემადგენლობებიც გათანაბრდა და დიდი სხვაობა იშვიათად ფიქსირდება.
- 41 ბოლო წლების ანტირეკორდია.

25 ოქტომბერი, თბილისი
სოხუმი-მარნეული 75:73
19:18, 21:15, 15:12, 20:18
სოხუმი: კვეტენაძე (6ქ, 5მ), ჩელოვანი (17ქ, 10მ), ლუცენკო (17ქ), ვოლერი (12ქ, 12მ, 4პ), პრიმაკი (16ქ, 7მ), მ. რევაზაშვილი (2ქ), ლ. რევაზაშვილი, ზუზაძე (5ქ), ბაიდა.
მარნეული: ანთაძე (6ქ, 4პ), რეი (15ქ, 11მ, 3პ), ნილი (14ქ, 6პ), ბონდუმელი (9ქ), შვეცი (10ქ, 8მ), ვახანია (3ქ), ს. ლეჟავა (1ქ), ლობჟანიძე (8ქ, 6მ), ათუაშვილი (7ქ, 5მ).

ურთიერთშეხვედრამდე "სოხუმსა" და "მარნეულს" სუპერლიგაში გამარჯვება არ ჰქონდათ მოპოვებული, თუმცა სულაც არ ჰყავთ ის შემადგენლობები, აუტსაიდერები რომ ვუწოდოთ.

პირველი გამარჯვებისთვის საინტერესო ბრძოლა გაჩაღდა და, როგორც მოსალოდნელი იყო, შეხვედრის ბედი ბოლო წუთებზე გადაწყდა.

ტექსტითა და თხრობით რომ არ გადაგტვირთოთ, ყველაზე საინტერესო ეპიზოდის, ბოლო წუთ-ნახევრის ქრონოლოგიას შემოგთავაზებთ:

01:26 - ნილი (მარნეული) 2ქ (69:71)
01:11 - ჩელოვანი (სოხუმი) 2ქ (71:71)
00:49 - ლუცენკო (სოხუმი) 2ქ (73:71)
00:07 - ნილი (მარნეული) 1+1 (73:73)
00:00 - ვოლერი (სოხუმი) 2ქ (75:73)

კვან ვოლერმა გამარჯვების ორქულიანი ეფექტური სლალომით მოიპოვა, მატჩის გმირი გახდა და ტურის საუკეთესო კალათბურთელის წოდებაზე სერიოზული განაცხადი გააკეთა.

25 ოქტომბერი, თბილისი
მგზავრები-ოლიმპი 73:89
17:22, 22:15, 10:27, 24:25
მგზავრები: ნუცუბიძე (2ქ), ქავთარაძე (7ქ), ჯინჭარაძე (11ქ), ნკალი (6ქ, 5მ), პოუერსი (21ქ), სანაძე (13ქ, 7მ), ალხანაიძე (5ქ, 6მ), დ. ბარბაქაძე (3ქ), ღურწკაია (3პ), აკობია (5ქ).
ოლიმპი: გივი ბაქრაძე (13ქ, 7მ, 7პ, 5ჩ), ჭოჭუა (21ქ, 6მ), როგავა (6ქ, 3პ), დარბაიძე (16ქ), ოგდენი (13ქ, 12მ), გუგეშაშვილი, პულუზაშვილი (4ქ), ბოქოლიშვილი, გეგი ბაქრაძე (2ქ), ბოლქვაძე (6ქ), ჰილი (8ქ, 3პ).

აქამდეც აღგვინიშნავს, რომ "ოლიმპი" მიმდინარე სეზონს კარგად მომზადებული შეხვდა. გუნდი თანაბრადაა დაკომპლექტებული და შედეგიც არის. ოლიმპელებმა მესამე ტურში "მგზავრებს" აჯობეს.

თუ პირველი ტაიმი თანაბარ ბრძოლაში მიილია, მეორე ნახევრიდან "ოლიმპის" უპირატესობა აშკარა იყო. ლეონიდ ივატინის შეგირდები განსაკუთრებით დაცვაში თამაშობდნენ მწყობრად და "მგზავრების" შეცდომების შემდეგ სწრაფი შეტევებით აგროვებდნენ ქულებს. შედეგად, "ოლიმპმა" მესამე პერიოდი 27:10 მოიგო, ხოლო საბოლოოდ მეტოქის მიერ დაშვებული შეცდომები 35 ქულად აქცია.

გამარჯვებულებს მშვენივრად გაუძღვა გივი ბაქრაძე, რომელიც ძალიან ნაყოფიერი იყო: ოთხ კომპონენტში მიაღწია ხუთიან ნიშნულს: 13 ქულა, 7 მოხსნა, 7 პასი, 5 ჩაჭრა.

ყოველდღიური სპორტული გაზეთი "ლელო"
372
მკითხველის კომენტარები / 0 /
მსგავსი ამბები
რუბრიკის სხვა სიახლეები