სუპერლიგა. IV ტური: ბათუმში მზეა, მგზავრების მგზავრული

ქუთაისში 31 ოქტომბერს დაწყებული სუპერლიგის მეოთხე ტური მომდევნო დღეს ბათუმსა და თბილისში გაგრძელდა.

მორიგ შეხვედრას აჭარის მთავარმა გუნდმა უმასპინძლა, სადაც სათამაშოდ "სოხუმი" ჩავიდა. სოხუმელებმა წინა მატჩში ღირსეულად იბრძოლეს ლიდერ "დინამოსთან" და ბოლო წუთებზე დამარცხდნენ. დასანანი წაგების შემდეგ სოხუმელები ამბიციით ჩავიდნენ ბათუმში, თუმცა გასული სეზონის შემდეგ გაძლიერებულ ზღვისპირელებთან ვერას გახდნენ.

კიდევ უფრო საინტერესო შეხვედრა თბილისში ვიხილეთ, სადაც ერთმანეთს "მარნეული" და "მგზავრები" დაუპირისპირდნენ. ეს გუნდები სატურნირო ცხრილის ქვედა ნაწილში არიან და ერთმანეთთან ორივე ქულების აღებას გეგმავდა.

საქმე ოვერტაიმამდე მივიდა, სადაც "მგზავრებმა" 3 ქულის სხვაობით მოიგეს და სეზონში მეორე გამარჯვება მოიპოვეს.

ასე რომ, წლევანდელ სუპერლიგაში ერთი გუნდია, რომელსაც ჯერჯერობით მოგება არ აქვს ("მარნეული") და ერთია ჯერაც დაუმარცხებელი - "დინამო".

სუპერლიგა. IV ტური
ბათუმი-სოხუმი
83:64
20:17, 24:16, 14:10, 25:21

ბათუმი: ქადარია (20ქ, 8მ, 3პ), კ. ტომარაძე (2ქ), სტეფანიშინი (9ქ), კოლინზი (2ქ), ანდრისევიჩი (12ქ, 8მ), ყველაშვილი (4ქ), თენიეშვილი (10ქ, 7მ, 7პ), ბაკურაძე, შემოსიუკი (24ქ, 3პ).
სოხუმი: კვეტენაძე (12ქ), ჩელოვანი (6ქ, 7მ), ლუცენკო (11ქ, 10მ), ვოლერი (18ქ, 4პ), პრიმაკი (12ქ), მ. რევაზაშვილი, ლ. რევაზაშვილი (3ქ), ზუზაძე (2ქ).
მარნეული-მგზავრები
85:88
19:18, 14:17, 25:17, 18:24, 9:12

მარნეული: ანთაძე (23ქ, 4პ), ს. ლეჟავა (3ქ), ბიწაძე (2ქ), ბონდუმელი (16ქ, 14მ, 6პ), შვეცი (19ქ, 13მ), ვახანია (3ქ), ლობჟანიძე, რეი (2ქ), ათუაშვილი, ნიკი (17ქ, 7პ).

მგზავრები: სანაძე (18ქ, 7მ), ქავთარაძე (4ქ), ჯინჭარაძე (3ქ), ნკალი (9ქ, 14მ, 3პ), პაუერსი (15ქ, 5მ, 3პ), ალხანაიძე (16ქ, 7მ), ნუცუბიძე, დ. ბარბაქაძე (6ქ), ლომინაშვილი (6ქ, 5პ), აკობია, თაქერი (11ქ).

ყოველდღიური სპორტული გაზეთი "ლელო"
895
მკითხველის კომენტარები / 0 /
მსგავსი ამბები
რუბრიკის სხვა სიახლეები
;