სფფ-ს წლის პირველი აღმასკომი - ლიცენზირება და ცხინვალი, ტორპედო?

2020 წელს საქართველოს ფეხბურთის ფედერაციაში აღმასრულებელი კომიტეტი პირველად შეიკრიბა. აღმასკომის სხდომაზე დღის წესრიგით გათვალისწინებული საკითხები განიხილეს - 2020 წლის სეზონისთვის ეროვნული ლიცენზირების შედეგები; ს.კ "ცხინვალის" საკითხი და სხვადასხვა.

სხდომაზე ეროვნული ლიცენზირების შედეგები განიხილეს და ასევე საფეხბურთო კლუბ "ცხინვალში" არსებულ ვითარებაზე ილაპარაკეს.

აღმასრულებელი კომიტეტის სხდომის დასრულების შემდეგ კომენტარი სფფ-ის გენერალურმა მდივანმა დავით მუჯირმა გააკეთა.

"ეს წელი ქართული ფეხბურთისთვის განსაკუთრებით მნიშვნელოვანია. დღევანდელი სხდომის ძირითადი თემა საკლუბო ლიცენზირების შედეგები გახლდათ. რამდენიმე გუნდი გამოგზავნილი დოკუმენტაციიდან გამომდინარე, ლიცენზირების კომიტეტის დაკვირვების ქვეშ იმყოფებოდა" - ამბობს დავით მუჯირი.

სფფ-ის გენერალურმა მდივანმა "ცხინვალის" თემა გამოყო: "ერთ-ერთი ასეთი კლუბი გახლავთ "ცხინვალი", დღეს კლუბის წარმომადგენლები დაესწრნენ აღმასრულებელი კომიტეტის სხდომას. მათ უნდა წარმოედგინათ ყველა იმ ვალდებულების შესრულების დოკუმენტაცია, რომელიც კლუბს ჰქონდა, მაგრამ აღნიშნული დოკუმენტაცია ვერ წარმოდგინეს. შესაბამისად ლიცენზირების კომიტეტი, რომელიც აკვირდებოდა კონკრეტულ ვადებში ვალდებულებების შესრულებას ინფორმირებულ იქნება ამ საკითხის შესახებ და მათი გადაწყვეტილება მოგვიანებით გახდება ცნობილი".

ინტერესს იწვევდა ქუთაისის "ტორპედოს" საკითხი, მაგრამ ქუთაისური კლუბის დაქვეითებაზე სხდომაზე არ ულაპარაკიათ.

1309
მკითხველის კომენტარები / 0 /
მსგავსი ამბები
რუბრიკის სხვა სიახლეები
;