ტარიელ ხეჩიკაშვილი: სპორტის გარედან ყურებას არ ვაპირებ

პრემიერმინისტრის, გიორგი კვირიკაშვილის მიერ გაცხადებული სამთავრობო სტრუქტურული ცვლილებების შედეგად, 18 სამინისტროდან 14 დარჩება, 4 კი სხვა უწყებას შეუერთდება.

სეკვესტრში სპორტისა და ახალგაზრდობის საქმეთა სამინისტროც მოხვდა. კვირიკაშვილის განმარტებით, ახალგაზრდობის საქმეთა მართვის კომპონენტი განათლებისა და მეცნიერების სამინისტროს გადაეცემა, ხოლო სპორტულ მიმართულებას კულტურისა და ძეგლთა დაცვის სამინისტრო მიხედავს.

სპორტისა და ახალგაზრდობის საქმეთა მინისტრმა ტარიელ ხეჩიკაშვილმა 1 არხთან განაცხადა, რომ სპორტში რჩება.

"პოსტზე კიდევ ერთი თვე ვიმუშავებ და მე ისევ იმ სფეროს დავბრუნდები, სადანაც მთავრობაში მისვლამდე ვიყავი – ესაა ბიზნესი, ქართული ფეხბურთი და ზოგადად, სპორტი. გარედან ყურებას ნამდვილად არ ვაპირებ. ჩემთვის პრიორიტეტული არსოდეს არ ყოფილა რეგალია – მთავარი
ქვეყნის და სპორტის სიყვარულია" – ამბობს ხეჩიკაშვილი.

ვრცლად იხილეთ გაზეთ "ლელოს" 14 ნოემბრის ნომერში

961
მკითხველის კომენტარები / 0 /
მსგავსი ამბები
რუბრიკის სხვა სიახლეები
;