ტარიელ ხეჩიკაშვილი: ხარვეზები კონსტიტუციას აქვს და რა გასაკვირია, რომ საფეხბურთო პროგრამას ჰქონდეს?!

ტარიელ ხეჩიკაშვილმა სპორტისა და ახალგაზრდობის საქმეთა მინისტრი თანამდებობა დატოვა და ბიზნესს უბრუნდება. ყოფილმა მინისტრმა "ლელოსთან" ინტერვიუში განვლილი საქმიანობა შეაფასა.

"მეამაყება, რომ რამდენიმე მნიშვნელოვანი რეფორმა განვახორციელეთ. მაგალითად, მასობრივი სპორტის კუთხითაც ბევრი რამ გაკეთდა: სულ სპორტში 30 ათასი ბავშვი იყო ჩართული, ახლა კი ეს ციფრი 130 ათასამდე გაიზარდა – მიზანი კი ისაა, რომ საბოლოოდ 300 ათასამდე ავიდეთ.

ამავე დროს, , სპორტი ძალიან ბევრი პრობლემის მოგვარების ეფექტური საშუალებაა. ახლა ქვეყანა ჯანდაცვაში დიდ სახსრებს ხარჯავს, ჯანსაღი თაობის პირობებში კი დროთა განმავლობაში ამაზე გაცილებით ნაკლები დაგვჭირდება" – ამბობს ხეჩიკაშვილი.

ყოფილი მინისტრი სპორტული შედეგებით კმაყოფილია: "ერთ ფაქტს გეტყვით – არათუ დამოუკიდებლობის, 1982 წლის შემდეგ პირველად 2017 წელს მოხდა, რომ ოლიმპიურ სახეობებში მსოფლიოს 4 ჩემპიონი გვყავს. ეს ყველაზე სასიხარულო შედეგი იყო და ქვეყნისთვის ისეთი მოვლენა იყო, რომ საქართველოს პრემიერმა მათ საზეიმო მიღება გაუმართა".

ხეჩიკაშვილი არ უარყოფს, რომ ფეხბურთის განვითარების სახელმწიფო პროგრამამ დროთა განმავლობაში ხარვეზები გამოაჩინა: "არაერთხელ გამოჩნდა, რომ ხალხს ფეხბურთი ძალიან უყვარს. პატარა ბიძგიც საკმარისია, ტრიბუნები რომ შეივსოს.

19-წლამდელთა ევროპის ჩემპიონატზე საქართველოსა და ჩეხეთის შეხვედრაზე 25 ათასი მაყურებელი მოვიდა, რამაც უეფას დელეგაცია გააოცა - ასეთი დასწრება ამ ასაკის ჩემპიონატზე არსად დაფიქსირებულა. გულშემატკივარი მზადაა, რომ პირველივე შედეგზე სტადიონს დაუბრუნდეს. გრძელვადიანი პროექტები სწორედ ამას ემსახურება, რომ ვარდნა შეჩერდეს და ადრე თუ გვიან წინსვლა დავიწყოთ.

რაც შეეხება ხარვეზებს, ეს ბუნებრივია - შეუძლებელია, რომ რაიმე პროგრამა იდეალური იყოს. კონსტიტუციაზე წლები მუშაობენ და ჩასწორება მასაც სჭირდება. იდეალური ვერც ფეხბურთის განვითარების სახელმწიფო პროგრამაც იქნება. მაგრამ მისი კორექტირება პერიოდულად მოხდება და ამაში სამარცხვინო არაფერია".

ვრცლად სპორტისა და ახალგაზრდობის საქმეთა ყოფილი მინისტრის ინტერვიუს 21 დეკემბრის "ლელოში" შემოგთავაზებთ.

2184
მკითხველის კომენტარები / 2 /
zura
0
analizi aris sachiro daskvna da amaze programis morgeba..es ra programaa ubralod fondi arigebs tanxas rasac adre adgolobrivi municapaliteti aketebda..es araa programa...naxavt rogor chaplavdeba chveni chempionic da sva gundebic...
გიო
0
ტარიელ ეს ხარვეზები არა,ეს კატასტროფა.
მსგავსი ამბები
რუბრიკის სხვა სიახლეები
;