ტესტები. 'ბორჯღალოსნებიი' ნულზე, 20 წლის შემდეგ

* "ბორჯღალოსნებმა" ისტორიაში მეორედ ვერ მოახერხეს მატჩში ქულების მოპოვება.
* ივნისის ტესტების შედეგი - 1 მოგება, 2 მარცხი.
* იაპონიამ ყველა კომპონენტში დაგვჯაბნა, მათ შორის ქართველთათვის საფირმო შერკინებაში.

იაპონია-საქართველო 28:0

იაპონია: (15-9) ნოგუჩი, ლემეკი, ლაფაელე (ტამურა 69), ტატეკავა, იამადა, ტამურა (მაცუდა 68), ნაგარე (ტანაკა 68) (1-8) ინაგაკი (იშიჰარა 71), ჰორიე (ნივაი 71), კო (ასაჰარა 61), ანისე, მაკაბე (ფან დერ ვალტი 48), ლიჩი, ნუნომაკი (ნიშიკავა 41), მაფი (ჰიმენო 63)
3 ლ: ფან დერ ვალტი, ლემეკი, ჰიმენო. 2 გ: ტამურა. 3 ს: ტამურა 2, ნოგუჩი

საქართველო: (15-9) კვირიკაშვილი, თოდუა, კაჭარავა, კვესელაძე (მალაღურაძე 55), მათიაშვილი, ხმალაძე, ლობჟანიძე (ბეგაძე 77) (1-9) ასიეშვილი (ჟვანია 55), ბრეგვაძე (მამუკაშვილი 61), მირცხულავა (მელიქიძე 63), ნემსაძე (სიჭინავა 64), მიქაუტაძე (ჭეიშვილი 55), ცუცქირიძე (გაჩეჩილაძე 61), კოლელიშვილი, გიორგაძე

სინბინი: კოლელიშვილი
მსაჯი: ნაიჯელ ოუენსი (უელსი)

ზუსტად 20 წლის წინათ, საქართველოს ნაკრებმა დუბლინში, 1999 წლის მსოფლიოს თასის შესარჩევ ტურნირში ირლანდიის ეროვნულ გუნდთან მშრალი ანგარიშით 0:70 წააგო. მას შემდეგ დღემდე, "ბორჯღალოსნები" უქულოდ მოედნიდან არასდროს გამოსულან. და აი, ეს დღეც დადგა...

"ტოიოტა სთედიუმზე", სადაც 2019 წლის მსოფლიოს თასზე ჯგუფური ტურნირის პირველ მატჩში უელსის ნაკრებს უნდა დავუპირისპირდეთ, საქართველოს ნაკრებმა მასპინძლებთან 0:28 წააგო.

იაპონიის ნაკრებთან შერკინებაში უპირატესობა ყოველთვის გვქონდა, რასაც ამჯერად, ვერაფრით ვიტყვით. წავაგეთ დერეფანიც. მატჩის მეორე ნახევარში მეტოქის ლელოს მისადგომებთან სამჯერ საკუთარი დერეფნის ვერმოგებამ, ცხადია, მატჩის შედეგზე გავლენა იქონია. ისიც საგულისხმოა, მსგავსი რამ "ბორჯღალოსნებს" რომ დამართოდათ, ძნელად გასახსენებელია.

მასპინძელთა პირველივე შეტევა მე-2 წუთზე შედეგიანი გამოდგა. იაპონელებმა საჯარიმო დარტყმა გამოიმუშავეს და ანგარიში გახსნეს - 3:0. ამის შემდეგ, მომდევნო 9 წუთის განმავლობაში "ბორჯღალოსნებმა" მეტოქე საკუთარ 22-მეტრიან ზონაში გამოკეტეს. რამდენჯერმე სახიფათოდ შეუტიეს, ლელოს გატანაც შეეძლოთ, მაგრამ უშედეგოდ.

"საკურებმა", როგორც სჩვევიათ, სწრაფი, გაშლილი თამაში შემოგვთავაზეს. მატჩის პირველ ნახევარში მათ კიდევ ორი საჯარიმოს გატანა შეძლეს და, მიუხედავად იმისა, რომ თამაში თითქმის თანაბარი იყო, 9:0 დაწინაურდნენ.

მეორე ტაიმში მასპინძელთა უპირატესობა კიდევ უფრო გამოიკვეთა, რისი ლოგიკური შედეგიც მათ მიერ გატანილი სამი ლელო იყო.

ამრიგად, საქართველოს ნაკრებისთვის ივნისის ტესტები წარუმატებელი გამოდგა. სამი მატჩიდან ჩვენმა გუნდმა მხოლოდ ერთი მოიგო და დანარჩენი ორი დიდი სხვაობით წააგო. ყველაზე მნიშვნელვანი ისაა, რომ არადამაკმაყოფილებელია თამაშის ხარისხი.

ერთი სიტყვით, 2019 წლის მსოფლიოს თასამდე ერთი წლით ადრე, "ბორჯღალოსნების" თავკაც მილტონ ჰეიგს გადასაჭრელი არაერთი პრობლემა დაუგროვდა.

ივნისის ტესტები

ფიჯი-ტონგა 19:27
ახ. ზელანდია-საფრანგეთი 49:14
აუსტრალია-ირლანდია 16:20
სამ. აფრიკა-ირლანდია 10:25
კანადა-აშშ 17:42
არგენტინა-შოტლანდია 15:44

ყოველდღიური სპორტული გაზეთი "ლელო"
400
მკითხველის კომენტარები / 0 /
მსგავსი ამბები
რუბრიკის სხვა სიახლეები