ყაზახეთში ქართველების ტობოლი მძაფრად გააკრიტიკეს

ყაზახურმა "ტობოლმა" ევროპალიგის პირველ შეხვედრაში გასვლაზე ფრედ, 0:0 ითამაშა ლუქსემბურგულ "ჟენეს ეშთან". ამ მატჩის დასრულების შემდეგ ყაზახურმა მეედიამ "ტობოლი" მძაფრად გააკრიტიკა. ყაზახი ჟურნალისტები მიიჩნევენ, რომ "ტობოლს" ეს შეხვედრა ნებისმიერ შემთხვევაში უნდა მოეგო.

"ტობოლის" ამბები კი იმად გვაინტერესებს, რომ ამ გუნდის ღირსებას საქართველოს ეროვნული ნაკრების ორი წამყვანი ფეხბურთელი, კაპიტანი ჯაბა კანკავა და ნიკა კვეკვესკირი იცავს. მნიშვნელოვანია ისიც, რომ "ტობოლს" "რუსთავის" ყოფილი დამრიგებელი, ვალერი გაზაევი - უმცროსი წვრთნის.

უმცროსმა გაზაევმა ლუქსემბურგში ვერმოგება შემდეგნაირად ახსნა: "ჩვენ ცოტა უკმაყოფილო ვართ საბოლოო შედეგით, რადგან მთელი შეხვედრის განმავლობაში დიდ უპირატესობას ვფლობდით. ბურთის კონტროლმა და პოზიციურმა შეტევებმა შედეგი ვერ მოიტანა. არადა, მომენტები იყო. განსაკუთრებით, მეორე ტაიმში. ამასთან, მომეჩვენა, რომ სათამაშო მინდორი ჩვეულებრივზე პატარა იყო. ასეთ მინდორზე შედარებით იოლია თავის დაცვა. არ უნდა დავუკარგოთ მეტოქეს, რომელიც 11 ფეხბურთელით კომპაქტურად იცავდა თავს.

ჩვენ გაგვეპარა ძალან სახიფათო კონტრშეტევა და თავისუფლად შეიძლებოდა, წაგვეგო კიდეც, მაგრამ მაინც მიმაჩნია, რომ გამარჯვებასთან უფრო ახლოს ჩვენ ვიყავით. ამ წყვილში ჯერ გადაწყვეტილი არაფერია. მეორე შეხვედრაში ჩვენ ყველაფერს გავაკეთებთ, რათა ეს ბარიერი გავიაროთ.

მეტოქემ ცოტა გაგვაკვირვა ტაქტიკური თვალსაზრისით, როცა ოთხი მცველით ითამაშა. ამის მიუხედავად, მეტი მომენტი უნდა შეგვექმნა. არის გარკვეული პრეტენზიები შემტევ მოთამაშეებთან, მაგრამ მთლიანობაში ყველამ მოინდომა. ერთადერთი, რაც დაგვაკლდა, გოლი იყო." - განაცხადა უმცროსმა გაზაევმა.

ყაზახმა ჟურნალისტებმა კი მისი ნაუბარი სასაცილოდ მონათლეს. ისინი გაახალისა შედარებით პატარა სათამაშო მინდორზე აქცენტის გაკეთებამ...

1429
მკითხველის კომენტარები / 0 /
მსგავსი ამბები
რუბრიკის სხვა სიახლეები
;