ტოიოტას ქალაქში უელსით ვიწყებთ... ბორჯღალოსნებს არც კალენდარში გაუმართლათ

* გუშინ 2019 წლის მსოფლიოს თასის განრიგი გამოქვეყნდა.
* საქართველოს ნაკრები ზედიზედ მეხუთედ იასპარეზებს მსოფლიოს თასზე.
* მსოფლიოს თასს "ბორჯღალოსნები" 2019 წლის 23 სექტემბერს ტოიოტა სიტიში გახსნიან უელსელთა წინააღმდეგ.
* გასარკვევი მხოლოდ ის რჩება, D ჯგუფში ვინ იქნება ჩვენი კიდევ ერთი მეტოქე - კანადა თუ ურუგვაი.

იაპონიის დედაქალაქ ტოკიოში 2019 წელს გასამართი მსოფლიოს თასის კალენდრის პრეზენტაცია გაიმართა, რის შემდეგაც მატჩებზე დასასწრები ბილეთების გაყიდვაც მალე დაიწყება.

იმთავითვე უნდა ითქვას, რომ საქართველოს ნაკრებს, როგორც ჯგუფის ბინადრებში, ასევე კალენდარშიც არ გაუმართლა.

პირველ მატჩს "ბორჯღალოსნები" 23 სექტემბერს, ტოიოტა სიტიში, "ტოიოტა სთედიუმზე" უელსის ნაკრებთან გამართავენ. თამაში თბილისის დროით 14 საათსა და 15 წუთზე დაიწყება. სტადიონი 45 ათას მაყურებელს იტევს. მასზე 2012 წლის ფეხბურთის მსოფლიოს ჩემპიონატის ნახევარფინალური მატჩი გაიმართა, რომელსაც 43 998 ქომაგი დაესწრო.

ცხადია, საქართველოს ნაკრებისთვის უმჯობესი იქნებოდა, პირველი შეხვედრა უშუალო კონკურენტთან, ფიჯის ნაკრებთან ჰქონოდა, მაგრამ ისე გამოვიდა, რომ კუნძულელებთან დაპირისპირება მხოლოდ მესამე მატჩში გვიწევს და თანაც ისე, რომ თამაშამდე ძალების აღსადგენად მხოლოდ სამი დღე გვაქვს.

ფიჯიმდე, მეორე მატჩში ჯგუფის მეოთხე ნომერს, კანადას ან ურუგვაის ვეთამაშებით 29 სექტემბერს ქალაქ კუმაგაიაში, "კუმაგაია რაგბი სთედიუმზე", რომელიც 24 ათას მაყურებელს იტევს. თამაში თბილისის დროით 9 საათსა და 15 წუთზე დაიწყება.

სამი დღის შემდეგ კი, მსოფლიოს თასის გათამაშების ყველაზე მნიშვნელოვანი მატჩი გველის. ფიჯის ნაკრებს 3 ოქტომბერს ქალაქ ოსაკაში "ჰანასონო სთედიუმზე" დავუპირისპირდებით. ის 30 ათას მაყურებელს იტევს. თამაში თბილისის დროით 9 საათსა და 15 წუთზე დაიწყება.

ჯგუფურ ეტაპის ბოლო მატჩს "ბორჯღალოსნები" 11 ოქტომბერს, შიზუოკას პრეფექტურაში, "შიზუოკა სთედიუმზე" ავსტრალიის ნაკრებთან გამართავენ. სტადიონი 50 ათას მაყურებელს იტევს. მასზე 2002 წლის მსოფლიოს ჩემპიონატზე ჯგუფური ტურნირის ორი შეხვედრა და ნახევარფინალური მატჩი გაიმართა. ავსტრალიელებთან თამაში თბილისის დროით 14 საათსა და 15 წუთზე დაიწყება.

აღსანიშნავია, რომ ნახევარფინალური მატჩები და ფინალი იოკოჰამაში, "ინტერნეიშენელ სთედიუმზე" გაიმართება, რომელიც 72 ათას მაყურებელს იტევს.

მსოფლიოს თასის სრული განრიგი
20 სექტემბერი
იაპონია-ევროპა1 (ტოკიო)

21 სექტემბერი
ავსტრალია-ფიჯი (საპორო)
საფრანგეთი-არგენტინა (ტოკიო)
ახ.ზელანდია-ს. აფრიკა (იოკოჰამა)

22 სექტემბერი
იტალია-აფრიკა1 (ოსაკა)
ირლანდია-შოტლანდია (იოკოჰამა)
ინგლისის-ტონგა (საპორო)

23 სექტემბერი
საქართველო-უელსი (ტოიოტა)

24 სექტემბერი
ევროპა1-ევროპა2/სამოა (კუმაგაია)

25 სექტემბერი
ფიჯი-კანადა/ურუგვაი (კამაიში)

26 სექტემბერი
იტალია-რეპეშაჟი1 (ფუკუოკა)
ინგლისი-აშშ (კობე)

28 სექტემბერი
არგენტინა-ტონგა (ოსაკა)
იაპონია-ირლანდია (შიზუოკა)
ს. აფრიკა-აფრიკა1 (ტოიოტა)

29 სექტემბერი
საქართველო-კანადა/ურუგვაი (კუმაგაია)
ავსტრალია-უელსი (ტოკიო)

30 სექტემბერი
შოტლანდია-ევროპა2/სამოა (კობე)

2 ოქტომბერი
საფრანგეთი-აშშ (ფუკუოკა)
ახ. ზელანდია-რეპეშაჟი1 (ოიტა)

3 ოქტომბერი
საქართველო-ფიჯი (ოსაკა)
ირლანდია-ევროპა1 (კობე)

4 ოქტომბერი
ს. აფრიკა-იტალია (შიზუოკა)

5 ოქტომბერი
ავსტრალია-კანადა/ურუგვაი (ოიტა)
ინგლისი-არგენტინა (ტოკიო)
იაპონია-ევროპა2/სამოა (ტოიოტა)

6 ოქტომბერი
ახ. ზელანდია-აფრიკა1 (ტოკიო)
საფრანგეთი-ტონგა (კუმამოტო)

8 ოქტომბერი
ს. აფრიკა-რეპეშაჟი1 (კობე)

9 ოქტომბერი
არგენტინა-აშშ (კუმაგაია)
შოტლანდია-ევროპა1 (შიზუოკა)
უელსი-ფიჯი (ოიტა)

11 ოქტომბერი
საქართველო-ავსტრალია (შიზუოკა)

12 ოქტომბერი
ახ. ზელანდია-იტალია (ტოიოტა)
ინგლისი-საფრანგეთი (იოკოჰამა)
ირლანდია-ევროპა2/სამოა (ფუკუოკა)

13 ოქტომბერი
აფრიკა1-რეპეშაჟი1 (კამაიში)
აშშ-ტონგა (ოსაკა)
უელსი-კანადა/ურუგვაი (კუმამოტო)
იაპონია-შოტლანდია (იოკოჰამა)

ყოველდღიური სპორტული გაზეთი "ლელო"
3222
მკითხველის კომენტარები / 0 /
მსგავსი ამბები
რუბრიკის სხვა სიახლეები