ტოკიო 2020-ის სლოგანი: გრძნობით გაერთიანებული

ტოკიოს 2020 წლის ოლიმპიადის საორგანიზაციო კომიტეტმა გამოაცხადა მომავალი თამაშების დევიზი.

ოლიმპიადის სლოგანი გახდა ფრაზა - „გრძნობით გაერთიანებული“ (United by emotion).

„სპორტი აძლევს ადამიანებს შესაძლებლობას - გამოსცადონ სხვადასხვა ემოცია. 2020 წლის თამაშები საშუალებას აძლევს ადამიანებს განიცადონ სპორტსმენების სიმამაცე და მებრძოლი სული.

სწორედ ამაში მდგომარეობს სპორტის ძალა - მის უნარში, გააერთიანოს ადამიანები მათი ემოციების მეშვეობით“, - წერია საორგანიზაციო კომიტეტის განცხადებაში.

ოფიციალურ რგოლში, რომელიც პრეზენტაციას ეძღვნება, მონაწილეობა მიიღო იაპონელმა ჩოგბურთელმა ნაომი ოსაკამ.

ტოკიოს ოლიმპიადა 24 ივლისიდან 9 აგვისტომდე გაიმართება.

132
მკითხველის კომენტარები / 0 /
მსგავსი ამბები
რუბრიკის სხვა სიახლეები
;