"ტორპედომ" ალბანური "კუკესის" ბარიერი დაძლია და ევროპალიგის პლეი ოფშია!

ქუთაისის "ტორპედომ" ევროპალიგის III საკვალიფიკაციო ეტაპზე შინ მშვენიერი წარმოდგენა დადგა - ალბანურ "კუკესს" ხუთი გოლი გაუტანა და მატჩი 5:2 მოიგო.

ქუთათურები ალბანეთში სამბურთიანი უპირატესობით ჩავიდნენ და მომდევნო ეტაპზე გასვლის მთავარი ფავორიტებიც იყვნენ. თუმცა ორი მატჩის ჯამში გამარჯვება ძალიან რთული აღმოჩნდა.

ალბანელებმა პირველივე ტაიმში გაიტანეს გოლი. ეს 29 წუთზე რეჯინალდომ თერთმეტმეტრიანის ნიშნულიდან გააკეთა. დარჩენილ დროში ორი გოლის გატანა მათთვის უკვე რეალური იყო, "ტორპედოსთვის" - არარეალური!

იმერული კლუბის ფეხბურთელებმა მატჩი გონივრულად წარმართეს, არ მისცეს მასპინძლებს მოედნის ცენტრის სრულად გაკონტროლების საშუალება, მართალია რეჯინალდოსგან კიდევ ერთი თერთმეტმეტრიანი მიიღეს, მაგრამ ანგარიშზე 0:2 ევროპალიგის პლეი ოფში "ტორპედო გავიდა".

იქ კი, დიდი ალბათობით ბულგარულ "ლუდოგორეცს" შეხვდება, რომელიც ამ მომენტისთვის ორი მატჩის ჯამში 2:0-ს უგებს ბოსნიურ "ზრინსკის".

2684
მკითხველის კომენტარები / 0 /
მსგავსი ამბები
რუბრიკის სხვა სიახლეები