'ტორპედომ' ლიგის ლიდერ 'საბურთალოს' 3:0 სძლია... თანაც სტუმრად

ეროვნულ ლიგაში მოულოდნელი შედეგი დაფიქსირდა. ქუთაისის "ტორპედოს" მოგება სულაც არ არის მოულოდნელი, მაგრამ ჩემპიონატის ერთპიროვნულ ლიდერთან, თანაც სტუმრად თან 3:0 გამარჯვება მართლაც არ არის წინასწარ პროგნოზირებადი შედეგი.

პირველ ტაიმში ქუთათურები კიმაძემ დააწინაურა, ხოლო მატჩის მიწურულს კაპანაძემ და დაფემ ანგარიშს სოლიდური სახე მისცეს - 3:0.

ამ მოგებით "ტორპედომ" მეხუთე ადგილი კიდევ უფრო განიმტკიცა, თუმცა მასზე წინ მყოფებზე, "დილასა" და "ჩიხურაზე" ორით ნაკლები მატჩი აქვს ჩატარებული. ქუთაისელებს 37 ქულა აქვთ, ხოლო საჩხერელებს - 38.

რაც შეეხება "საბურთალოს" მან ლიდერობა კვლავაც შეინარჩუნა - 56 ქულა აქვს და ოთხი ქულით უსწრებს მეორეადგილოსაბ "დინამოს".

826
მკითხველის კომენტარები / 0 /
მსგავსი ამბები
რუბრიკის სხვა სიახლეები
;