ტორპედო-შუქურა 3:1 - დუბლი ყოფილ გუნდთან

ქუთაისის "ტორპედომ" საქართველოს ეროვნული ლიგის მორიგ ტურში დაგეგმილი გამარჯვება მოიპოვა აუტსაიდერ "შუქურასთან".

"ტორპედომ" დამაჯერებლად ითამაშა და დამსახურებულად გაიმარჯვა. მატჩის საუკეთესო მოთამაშე უდავოდ ლევან კუტალია გახლდათ, ვინც დუბლი მიითვალა და სხვა ეპიზოდებშიც კარგი იყო. წლების განმავლობაში კუტალია ქობულეთელთა ერთ-ერთი ლიდერი იყო, ახლა კი "ტორპედოს" გამორჩეულ ფეხბურთელად ყალიბდება.


პირველი გოლისას მან ნამდვილი თავდამსხმელის თვისებები გამოავლინა - მეკარის მიერ მოგერიებულ ბურთს შედეგიანად დაამატა. მერე გრიგოლ დოლიძემ გაილაღა ფლანგზე და კუტალიას დუბლი შეასრულებინა.


მანამდე კი იყო ეპიზოდი, რომელსაც შეეძლო, თამაში დაეძაბა, მაგრამ არ გამოვიდა. როინ კვასხვაძემ დიდებული რეაქცია გამოავლინა და ჩინელ ჰან ტიანლინს ურთულესი ბურთი აუღო, თანაც - ფეხით. ეს იყო უმაღლესი სამეკარეო ოსტატობის გამოვლინება. 

ტორპედო
3
შუქურა
1

გოლები: 1:0 კუტალია (30), 2:0 კუტალია (51), 3:0 ქიმაძე (59), 3:1 ჩაგელიშვილი (85)


ტორპედო (4-4-2): კვასხვაძე - ტაბატაძე, ხურცილავა, გურული, ქიმაძე - ფალავანდიშვილი, კუხიანიძე (78. ბაბუნაშვილი), დოლიძე, კუტალია - კუჭუხიძე (65. გიგაური), კაპანაძე (72. ბერიაშვილი).
სათადარიგოები: ქვილითაია, ადამაძე, კორობკა, ტუღუში
მწვრთნელი: კახა ჩხეტიანი

შუქურა (4-5-1): სომხიშვილი - ჩაჩუა (63. პომაზანი), ჩადუნელი, გოგიტიძე, დასე - გურული, კლიმიაშვილი, ჟეფინიო (76. მალაზონია), ტიანლინი (58. შალამბერიძე), მარსელინიო - ჩაგელიშვილი.
სათადარიგოები: მელნიჩენკო, ცეცხლაძე, გოგილაშვილი, დაგარგულია
მწვრთნელი: გიორგი შაშიაშვილი

გაფრთხილება: კაპანაძე (70), კუტალია (87), კლიმიაშვილი (87)
არბიტრი: ჯ. ხორავა

 
ახლა "ტორპედოს" მესამე გოლზეც. გუგა ფალავანდიშვილმა შესანიშნავ ფორმაში მყოფი გიორგი ქიმაძე მეკარე გიორგი სომხიშვილის პირისპირ დატოვა და ამპლუით მცველმა ლამაზი გოლი შეაგდო.

საქმეს ისეთი პირი უჩანს, "ტორპედო" ბოლომდე იბრძოლებს ჩემპიონობისთვის.

 

14.10. ქუთაისი. რამაზ შენგელია

ტორპედო-შუქურა 3:1

 


11" - კუჭუხიძის საგოლე შანსი. მეკარე სომხიშვილი დამაჯერებელია.
20" - კუხიანიძის პასი ქიმაძის მიმართულებით. ეს უკანასკნელი საჯარიმოში აკეთებს გადაცემას, სადაც დასწრებაზე კარგად თამაშობს კუტალია, თუმცა სომხიშვილი ბურთს იგერიებს.
21" - ისევ კუხიანიძის აქტიურობა. ქუთათურთა ფორვარდებმა შეტევა ვერ "ჩაკეტეს".
23" - ტაბატაძის შორეული, უძლიერესი დარტყმა და სომხიშვილის შესანიშნავი "სეივი".
30" - გოლი! ტაბატაძის პასი კაპანაძეს. ძლიერად დარტყმულს სომხიშვილი იგერიებს, მაგრამ დამატებაზე კუტალია ანგარიშს ხსნის - 1:0.
36" - დოლიძის ჩაწოდება და კუტალიას თავური. სომხიშვილი ურთულეს ბურთს იგერიებს.
45" - გურულის დარტყმის შემდეგ ბურთს ტორპედოელთა მეკარე კვასხვაძე იგერიებს.
49" - "შუქურას" კონტრშეტევა. მარსელინიო ხელსაყრელ სიტუაციაში ტოვებს ტიანლინს, მაგრამ ეს უკანასკნელი კვასხვაძეს ვეღარ ჯობნის.
51" - გოლი! დოლიძის მორიგი ჩაწოდება. მცველებმა სიტუაცია ვერ განმუხტეს და კუტალიამ დუბლი გაიფორმა - 2:0.
59" - გოლი! ფალავანდიშვილის შესანიშნავი პასი და ქიმაძის არანაკლები შესრულება - 3:0.
72" - სომხიშვილი გიგაურის ძლიერ დარტყმას ანეიტრალებს.
79" - გიგაურის გადაცემის შემდეგ დოლიძე აშკარა საგოლე მომენტს ვერ იყენებს.
85" - გოლი! "შუქურას" შესანიშნავი კომბინაცია. შალამბერიძის ტექნიკური მოქმედება, პასი მარსელინიოს მისამართით და ბრაზილიელის გოლი - 3:1.
90" - მარსელინიოს დარტყმა და კვასხვაძე ბურთს კუთხურზე იგერიებს.

ბომბარდირები
ი. სიხარულიძე (ლოკომოტივი) 23
დ. ტატანაშვილი (ჩიხურა) 13
ბ. მიქელთაძე (დინამო თბ) 12

მომდევნო ტური
18 ოქტომბერი, ოთხშაბათი
სამტრედია-დინამო (ბთ) 15:00
შუქურა-ჩიხურა 19:00
19 ოქტომბერი, ხუთშაბათი
ლოკომოტივი-საბურთალო 13:30
კოლხეთი-ტორპედო 15:30
დილა-დინამო (თბ) 20:00

ყოველდღიური სპორტული გაზეთი "ლელო"

630
მკითხველის კომენტარები / 0 /
მსგავსი ამბები
რუბრიკის სხვა სიახლეები