ტორპედო ჩემპიონის ფარის პირველი მფლობელია

ყველა ცნობილ ლიგაში დამკვიდრებული წესია - ჩემპიონობის აღსანიშნავად გუნდს სინი ან მსგავსი სიმბოლური პრიზი გადაეცემა. ჩვენთან კი ეს წელს პირველად მოხდა - 2017 წლიდან ეროვნული ლიგის გამარჯვებულს "ჩემპიონის ფარი" გადაეცემა.

ფარის დიზაინზე კომპანია Kollektiv მუშაობდა, ხოლო ეროვნული ლიგის ჯილდოზე - იუველირი გოგა ელბაქიძე. ფარი თეთრ ოქროშია ამოვლებული, 55 სმ დიამეტრისაა და 10 კგ-ს იწონის. ჩემპიონის ფარზე ხევსურული ორნამენტების გარდა, გამოსახულია 1990 წლიდან მოყოლებული, ქვეყნის ყველა ჩემპიონი კლუბი სეზონების მიხედვით.

იდეა ფეხბურთის ფედერაციაში შეიმუშავეს და შემდეგნაირად დაასაბუთეს: ჩემპიონის ფარი ძველი ხევსურული ფარის დეტალებს იმეორებს. ხევსურული ფარი კი, დაცვის გარდა, შეტევის ფაზაშიც წარმატებით გამოიყენებოდა. ანუ ამ ფუნქციური ბალანსით ის კარგად ასახავს ფეხბურთს და ზოგადად გუნდური შეჯიბრების ხასიათს.

ჩემპიონის ფარის პირველი მფლობელი ქუთაისის "ტორპედო" გახდა, რომელმაც გუშინ "დინამო არენაზე" ფინალის ტოლფას შეხვედრაში თბილისის "დინამო" ეროვნული ლიგის ბოლო ტურში 1:0 დაამარცხა და ქვეყნის ჩემპიონის ტიტულს 15-წლიანი პაუზის შემდეგ მეოთხედ დაეუფლა.

- დინამო (თბ)-ტორპედო 0:1 - ქუთაისი ჩემპიონია! [VIDEO]

ყოველდღიური სპორტული გაზეთი "ლელო"
1139
მკითხველის კომენტარები / 0 /
მსგავსი ამბები
რუბრიკის სხვა სიახლეები
;