ტოჩინოშინის ცრემლები: მეგონა მოვიგე... იაპონური მედია ქართველის უსამართლო წაგებაზე [VIDEO]

ტოჩინოშინის ასანოიასთან ბრძოლას რა მნიშვნელობა ჰქონდა, სუმოს გულშემატკივრებს კარგად მოეხსენებათ. ლევან გორგაძემ მეტოქე მოედნის მიღმა მოისროლა, თუმცა მსაჯებმა გადაწყვიტეს, რომ მანამდე ჩვენიანმა ფეხი რკალსმიღმა დადგა.

ამ ამბავს ქართულზე არანაკლებად იაპონური პრესა გამოეხმაურა. აი, რას წერს გამოცემა nikkansports:

"ასანოიამასა და ტოჩინოშინის ბრძოლის დასრულების შემდეგ არბიტრები დიდხანს მსჯელობდნენ ვისთვის მიენიჭებინათ გამარჯვება. დისკუსია 6 წუთს გაგრძელდა, რასაც ქომაგის პროტესტი მოჰყვა. გადაწყვეტილების გამოცხადებამ კიდევ მეტი უკმაყოფილება გამოიწვია, რადგან გამარჯვება ასანოიამას მიანიჭეს. საქმე ამით არ დამთავრებულა - სუმოს მთავარ ოფისში არაერთი საპროტესტო ზარი შევიდა.

გადამწყვეტი აღმოჩნდა მსაჯის ტამანოსიმას სიტყვა - დავინახე, რომ ტოჩინოშინის ეფხის გულს ქვიშა აჰყვა...

ასეთმა გადაწყვეტილებამ ტოჩინოშინზე ძალიან იმოქმედა. არასწორი გადაწყვეტილების გამო მას ცრემლიც კი მოადგა თვალზე და პირსახოცით რამდენჯერ მოიწმინდა სახე. ჟურნალისტებს კი ეს გვითხრა:

- ნახეთ გამეორება? მეგონა მოვიგე... ძალიან დავიღალე."

აქვე გეტყვით, რომ ოძეკის ტიტულის მისაღებად ლევანს მეათე გამარჯვება სჭირდება (9 მოგება აქვს). თუმცა მისი მინიჭება სუმოს მამების თათბირზე წყდება და იაპონურ პრესაში გავრცელდა ინფორმაცია, რომ შეიძლება ტოჩინოშინს 9 მოგების მიუხედავადაც დაუბრუნონ ტიტული.

16265
მკითხველის კომენტარები / 1 /
ქართველი
0
მაგარია ლევანი.
მსგავსი ამბები
რუბრიკის სხვა სიახლეები
;