ტოჩინოშინი იწყებს! რა შემთხვევაში დაიბრუნებს ოძეკის ტიტულს?

10 ნოემბერს ფუკუოკას ბაშოზე პირველ ბრძოლას გამართავს ქართველი სეკივაკე ტოჩინოშინი. მისი მეტოქე დასავლეთის მეორე მაეგაშირა მეისეი იქნება. მეორე დღეს კი აღმოსავლეთის მეორე მაეგაშირა მიოგირიუ დაუდგება პირისპირ.

ლევანი მეისეის ოფიციალურ ტურნირებში აქამდე მხოლოდ ერთხელ შეხვედრია - მიმდინარე წლის მაისის ბაშოზე (მოიგო მეისეიმ).

მიოგირიუსთან კი ტოჩინოშინს 22 ბრძოლა აქვს ჩატარებული და 12:10-ს იგებს. თუმცა, საგულისხმოა, რომ ბოლო სამი დუელი წაგებული აქვს. ყველაზე მტკივენული მარცხი წინა ბაშოზე იწვნია მიოგირიუსთან, რომელმაც ლევანს ოძეკის ტიტული დააკარგვინა.

შეგახსენებთ, რომ ტოჩინოშინმა ოძეკის ტიტული, სექტემბრის ბაშოზე დაკარგა და ნოემბერში 10 მოგების შემთხვევაში, ოძეკის წოდებას კვლავ დაიბრუნებს.


2537
მკითხველის კომენტარები / 0 /
მსგავსი ამბები
რუბრიკის სხვა სიახლეები
;