[VIDEO] ტოჩინოშინი მიტაკეუმის ეტაკა და... მეცხრე გამარჯვება!

ლევან გორგაძეს (ტოჩინოშინს) მაისის ბაშოს მე-10 დღეს მეტად სერიოზული მოწინააღმდეგე ჰყავდა - ნაგანოელი მიტაკეუმი, რომელსაც ამ ბაშოზე 6 მოგების წილ 3 წაგება ჰქონდა.

ამ ბრძოლაში გამარჯვება ქართველს ძალიან სჭირდებოდა, რადგან, ჯერ ერთი ძალიან მიუახლოვდებოდა ოძეკის ტიტულის დაბრუნებას, რისთვისაც 10 გამარჯვება სჭირდება. ამასთან ტოჩინოშინის ამოცანა იმპერატორის თასის მოგებაა, რაც არარეალური სულაც არ არის. მართალია, ეს ამბავი იოკოძუნა კაკურიუსთან ბრძოლაში გაირკვევა, მაგრამ მანამდე ქართველს მაქსიმალურად კარგი ბალანსით სჭირდება მისვლა.

სუმოში ძალიან მნიშვნელოვანია პირველივე შეტაკება, რომელიც ლევანმა კარგად გამოიყენა მიტაკეუმისთან, შეჯახებისასვე ჩასჭიდა ხელი ქამარში მიაწვა და დოჰიოს მიღმა ისე გაიყვანა, მეტოქისთვის გაფართხალების შანსიც არ მიუცია. 

ასე და ამგვარად, ჩვენს ფალავანს მაისის ბაშოზე 9 მოგება მოუგროვდა (1 მარცხი). 22 მაისს მისი მოწინააღმდეგე აბი იქნება.

8107
მკითხველის კომენტარები / 0 /
მსგავსი ამბები
რუბრიკის სხვა სიახლეები
;