ტოჩინოშინი: საქართველოში დავიბადე, საქართველოში ვიცხოვრებ

7 ივლისს ნაგოიას ბაშო იწყება. ამ მოვლენასთან დაკავშირებით ვრცელი პუბლიკაცია შემოგვთავაზა იაპონურმა გამოცემა Japantimes-მა. განხილულია სუმოისტების შანსები, მათ შორის ლევან გორგაძის, ტოჩინოშინის.

"ტოჩინოშინმა მაისში 10 ბრძოლა მოიგო და ოძეკის ტიტული დაიბრუნა. მის სახელს უკავშირდება მსაჯებთან მომხდარი გახმაურებული ამბავი - ასანოიამასთან არბიტრებმა წაგება ჩაუთვალეს, რის გამოც ტოჩინოშინს იმპერატორის თასის მოგების შანსი წაერთვა.

მან თავისუფალი დრო სამშობლოში, საქართველოში გაატარა. იაპონიაში ემოციებით დატვირთული დაბრუნდა. სუმო სპორტის ის სახეობაა, სადაც ძალა და ტექნიკა აუცილებელია, მაგრამ კიდევ უფრო მნიშვნელოვანია მენტალური მდგრადობა. ამ მხრივ ტოჩინოშინი ერთ-ერთი გამორჩეულია და მისგან ივლისის ბაშოზე საინტერესო ბრძოლებს ველით."

ქართული გამოცემა Georgiantimes კი, ლევანის სიტყვებს გვთავაზობს:

"კარიერის დასრულების შემდეგ მინდა საქართველოში ვიცხოვრო. საქართველოში დავიბადე, გავიზარდე და იაპონიაში პროფესიული საქმიანობით ვარ. იქ საცხოვრებლად დარჩენას არ ვაპირებ, მინდა ჩემს სამშობლოში, ჩემს ოჯახთან ვიყო. ბევრი წერილი მივიღე გულშემატკივრებისგან. თითოეულის სიტყვა ფასეულია, მაგრამ, სამწუხაროდ, ყველას ვერ გავეცი პასუხი. ისინი მაძლიერებენ და მოტივაციას მმატებენ. ვიმედოვნებ, ნაგოიას ბაშოზე მათ იმედებს გავამართლებ."

1962
მკითხველის კომენტარები / 0 /
მსგავსი ამბები
რუბრიკის სხვა სიახლეები
;