[VIDEO] ტოჩინოშინი VS ტამავაში. მძიმე, მაგრამ ეფექტური მოგება. ესეც ოთხში ოთხი

ქართველმა სუმოისტმა ლევან გორგაძემ (ტოჩინოშინი) მაისის ბაშოზე მეოთხე ბრძოლა გამართა და მეოთხედ მოიგო.

მისი მოწინააღმდეგე ამჯერად მესამე მაეგაშირა ტამავაში იყო, რომელსაც აქამდე ორიდან ერთი მატჩი ჰქონდა მოგებული. ლევანი კი დაუმარცხებლად მიდის - 4-დან 4 შეხვედრა აქვს მოგებული.

ტამავაშისთან მას მძიმე ბრძოლა გადახდა. მეტოქე კარგად იყო მომზადებული ტოჩინოშინთან შესაჭიდებლად. მან ქართველს ქამარში ხელი არ მოაკიდებუნა და მოედნის კიდესთან მიიყვანა. სწორედ ამ მომენტში ბრძოლა ტოჩინოშინის სასარგებლოდ შემოტრიალდა - დოჰიოს კიდეზე ფეხის მიბჯენით მან ტამავაშის ქამარში ხელი ჩასჭიდა და მიუხედავად იმისა, რომ მეტოქემ გვერდულად გადაგდება სცადა, ტოჩინოშინმა უპირატესობა ხელიდან აღარ გაუშვა.

...არ გაუშვა ხელი ტამავაშის ქამარს და მოედნის მიღმა გადაიყვანა.

ლევანს მომდევნო ბრძოლა ჰოკოტოფუჯისთან ელის, რომელიც პირველი მაეგაშირაა.

3597
მკითხველის კომენტარები / 0 /
მსგავსი ამბები
რუბრიკის სხვა სიახლეები
;