ტოჩინოშინმა მოტეხილი ხელით გმირულად იბრძოლა, დამარცხდა, მაგრამ ჩემპიონობის შანსი კვლავ აქვს

ქართველი სუმოისტი, ლევან გორგაძე იგივე ტოჩინოშინი, რომელსაც მარჯვენა ხელის ძვალი 2 ადგილას აქვს მოტეხილი, მონღოლ იოკოძუნა კაკურიუს დაუპირისპირდა. უმძიმესი ტრავმის მიუხედავად ლევანმა ბრძოლა არ ჩაშალა და საჭიდაოდ გამოვიდა. ტოჩინოშინსა და კაკურიუს მოგება-წაგების (12-1) ერთნაირი ბალანსი ჰქონდათ.

სამხუხაროდ, ტოჩინოშინი ძალიან მძიმე და ღირსეულ ბრძოლაში დამარცხდა, თუმცა ჩემპიონობის შანსი მას კვლავ აქვს, ამისათვის ლევანმა მომავალ შეხვედრაში უნდა გაიმარჯვოს, ჰაკუჰომ კი კაკურიუს უნდა მოუგოს. ამ შემთხვევაში, ტოჩინოშინსა და კაკურიუს შორის ფინალური დაპირისპირება გაიმართება.

როგორც არ უნდა დასრულდეს ტურნირი, ტოჩინოშინს ოძეკის წოდება გარანტირებული აქვს.

უკანასკნელ შეხვედრაში ტოჩინოშინი იკიოის დაუპირისპირდება, რომელიც დღეს ტამავაშისთან დამარცხდა და ისედაც ტრავმიანი ფეხი კიდევ უფორო იტკინა. ბრძოლა ხვალ გაიმართება.

2643
მკითხველის კომენტარები / 0 /
მსგავსი ამბები
რუბრიკის სხვა სიახლეები
;