ტრამპმა ლებრონს შეუტია, ლებრონი ჯორდანმა დაიცვა

ამერიკის შეერთებული შტატების პრეზიდენტმა, დონალდ ტრამპმა უპასუხა "ლოს ანჯელეს ლეიკერსის" ფორვარდ ლებრონ ჯეიმსის ბრალდებას.

რამდენიმე დღის წინ, NBA-ის ვარსკვლავმა ჩNN-ში ჟურნალისტ დონ ლემონისთვის მიცემულ ინტერვიუში განაცხადა, რომ ტრამპი სპორტს ამერიკელთა გასაყოფად იყენებს.

"ლებრონ ჯეიმსმა ინტერვიუ მისცა ყველაზე სულელ წამყვანს ტელევიზიაში დონ ლემონს. მან აიძულა ლებრონი, ჭკვიანი გამოჩენილიყო, რაც იოლი არ არის. მე უპირატესობას მაიკლ ჯორდანს ვანიჭებ", - დაწერა თავის "ტვიტერზე" ტრამპმა.

ჯეიმსს ადრეც გაუკრიტიკებია პრეზიდენტი. გასულ წელს, კალათბურთელი მოედანზე შავი და თეთრი სპორტული ფეხსაცმელებით გავიდა, რომლებზეც Eქუალიტყ ("თანასწორობა") ეწერა. ამით ლებრონს სურდა გამოეხატა სოციალური პროტესტი აშშ-ის პრეზიდენტის პოლიტიკის წინააღმდეგ, რომელიც თავის გამოსვლებში რასობრივ და სოციალურ უთანასწორობაზე სპეკულირებს.

ამ კონფლიქტში ლებრონს მხარი დაუჭირა ლეგენდარულმა მაიკლ ჯორდანმა: "მხარს ვუჭერ ლებრონს. ის ძალიან მნიშვნელოვან საქმეებს აკეთებს საზოგადოებისთვის", - განაცხადა ჯორდანმა.

ტრამპის კომენტარს აგრეთვე გამოეხმაურა წამყვანი დონ ლემონი. "ვინ არის სულელი? ადამიანი, რომლებიც ბავშვებს სკოლებში გზავნის, თუ ის, ვინც ბავშვებს გალიებში უშვებს?" - დაწერა მან.

ყოველდღიური სპორტული გაზეთი "ლელო"
879
მკითხველის კომენტარები / 0 /
მსგავსი ამბები
რუბრიკის სხვა სიახლეები