ტრანსფერები-ONLINE: არსენალი მცველს ეძებს, რეალმა უნაიტედი დაბლოკა, კორეა თითქმის მილანში... 

13:02 ჩინური კლუბი “ჟიანსუ სუნინი”, მოულოდნელად, გარეთ ბეილისთვის ბრძოლაში ჩაება. ჩინელები მზად არიან უელსელს წელიწადში 17 მილიონი ევრო გადაუხადონ. (Marca)

13:07 “ლაიპციგი” სერიოზულად არის განწყობილი “მონაკოდან” ბენიამინ ჰენრიხსის შეძენაზე. 25 მილიონი ევრო - ასეთია ტრანსფერის თანხა. (Kicker)

13:10 ცნობილი ჟურნალისტის ჯანლუკა დი მარციოს “ტვიტერი” წერს, რომ “ნაპოლი” იჯარით გაუშვებს მარკო როგს “კალიარიში”.

13:13 “ტოტენჰემს” სურს “ფულჰემიდან” ინგლისური ფეხბურთის ამომავალი ვარსკვლავი რაიან სესენიონი გადაიბიროს. მაურიციო პოჩეტინოს გუნდი მზად არის 30 მილიონი ევროს გადასახდელად. (Sunday Express)

13:17 “შეფილდ იუნაიტედმა” გამოაცხადა “ბორნმუთიდან” ცხრა მილიონ ევროდ 23 წლის ფორვარდის ლისა მუსას შეძენის შესახებ.

13:21 “მილანი” ახლოს არის არგენტინის “რასინგიდან” ფედერიკო სარაჩოს შეძენასთან. ფეხბურთელის კონტრაქტში გამოსასყიდ თანხა 25 მილიონი ევრო წერია. (Calciomercato)

13:24 “არსენალთან” კონტრაქტის ამოწურვის შემდეგ, ლორან კოშელნი მშობლიურ “რენში” უფასოდ გადავა. (RMC)

13:31 “ლივერპული” და “ბარსელონა” პრეტენზიას აცხადებენ “აუგსბურგის” ფეხბურთელზე ფილიპ მაქსზე. მისი ფასი 18 მილიონი ევროა. (Express)

13:37 მას შემდეგ, რაც ლეროი სანესა და გარეთ ბეილის ტრანსფერები არ გამოუვიდა, “ბაიერნი”, მოულოდნელად, უილფრიდ ზაჰაზე გადაერთო. (90min)

13:43 მაურო იკარდიმ უარი თქვა “ინტერიდან” “არსენალში” გადასვლაზე. იგეგმებოდა მისი გაცვლა პიერ-ემერიკ ობამეიანგში (Calciomercato)

13:48 უახლოესი 48 საათის განმავლობაში, ადემოლა ლუკმანი “ევერტონიდან” “ლაიპციგის” სრულფასოვანი ფეხბურთელი გახდება. (Mail)

13:52 “მილანი” მზად არის მოელაპარაკოს “ატლეტიკოს” ანხელ კორეას შეძენის თაობაზე. ამჟამად, იტალიური მხარე ათანხმებს კონტრაქტის დეტალებს არგენტინელთან. ლაპარაკია ხუთწლიან ხელშეკრულებაზე 3.5 მილიონი ევროს ხელფასით.

14:34 “არსენალი”, “ჩელსი” და “მანჩესტერ იუნაიტედი” დაინტერესებულნი არიან კიევის “დინამოს” 20 წლის ფეხბურთელით ნიკოლაი შაპარენკოთი. (Caught Offside)

14:37 მადრიდის “რეალმა” “ლივერპულის” მორიგი წინადადება უარყო მარკო ასენსიოს შეძენაზე.

14:45 “მანჩესტერ იუნაიტედი” განიხილავს 70 მილიონ ევროდ ნიკოლას პეპეს” ლილიდან” შეძენას. (The Times)

14:48 იასინ ბრაიმის დაუმთავრდა “პორტუსთან” კონტრაქტი. ალჟირელისთვის ბრძოლაში მკვეთრად ჩაერთო “არსენალი”. (Sky sources)

14:50 “არსენალი” ამზადებს გარიგებას “სელტიკის” ფეხბურთელზე კირან ტირნიზე. (Daily Record)

15:10 “პორტუ” გეგმავს რადამელ ფალკაოს დაბრუნებას. (Le10sport)

15:25 “უოტფორდმა” ისმაელ სარასთვის 20 მილიონი გაამზადა, მაგრამ “რენი” არ უშვებს ფეხბურთელს, რადგან მიაჩნია, რომ მისი ფასი 30 მილიონია. (Sky Sports)

15:31 ჟურნალისტმა ტანკრედი პალმიერიმ “ტვიტერზე” დაწერა, რომ “მილანი” წინადადებით გამოვიდა ნემანია მატიჩთან დაკავშირებით. ელოდებიან “მანჩესტერ იუნატედის” პასუხს.

15:35 “აიაქსმა” მექსიკური “ამერიკადან” შეიძინა ედსონ ალვარესი. ფასი 15 მილიონი ევრო იყო. ფეხბურთელმა ოთხწლიანი კონტრაქტი გააფორმა.

15:45 “მილანმა” დაუმიზნა მერიჰ დემირალს “სასუოლოდან” და მზად არის 40 მილიონი გადაიხადოს. (Sky Sports)

15:57 “არსენალი” გამოვიდა წინადადებით - 30 მილიონ ევროდ შეიძინოს დანი სებალიოსი. “რეალი” თანახმაა, მაგრამ ითხოვს ფეხბურთელის 40 მილიონად უკან გამოსყიდვის უფლების ჩაწერას ხელშეკრულებაში, - წერს ტანკრედი პალმიერი.

16:14 ნიკოლა კალინიჩის გამოსვლა “ატლეტიკოში” დასრულდა. დიეგო სიმეონემ ის აშშ-ში ტურნეში არ წაიყვანა. (Marca)

16:17 “ნიუკასლმა” ყურადღება მიაქცია “ნიცას” ფეხბურთელს ალან სენ-მაქსიმენს. ფრანგები არ აპირებენ მის დათმობას 23 მილიონ ევროზე ნაკლებ ფასად. (L’Equipe)

16:26 თუ “რომას” არ გამოუვა ტობი ალდერვეირელდის გადაბირება, გადაერთვება რუგანიზე “იუვენტუსიდან”. 

16:37 ნაბილ ფეკირი ცალი ფეხით “ბეტისშია”. “ლიონი” მის სანაცვლოდ მიიღებს 20 მილიონს. (L’Equipe)

16:43 “სევილია” მოელაპარაკა “გუანგჯოუ ევერგრანდს” ნემანია გუდელის ტრანსფერზე. შარშანდელი სეზონი სერბმა იჯარით “სპორტინგში” გაატარა. (Marca)

16:46 “ჰერტა” ფიქრობს იჯარის გაგრძელებაზე “არსენალის” ვუნდერკინდთან რის ნელსონთან. (Kicker)

17:15 “ლაიპციგმა” გააფორმა იჯარა “ჩელსის” ფეხბურთელთან იტან ამპადუსთან.

18:04 “გლადბახმა” 2023 წლის ზაფხულამდე გააფორმა კონტრაქტი მარკუს ტურამთან. გერმანულმა კლუბმა მის სანაცვლოდ 13 მილიონი ევრო გადაიხადა.

20:25 “ლიონმა” იპოვა ფეკირის შემცვლელი. კლუბი ამზადებს ფულს “ნანტის” ნახევარმცველისთვის ვალენტინ რონჟიესთვის.

20:39 ერთ დროს პერსპექტიულმა იორდი კლასიმ დატოვა “საუთჰემპტონი” და ჰოლანდიაში დაბრუნდა. ის თავისუფალი აგენტის რანგში გადავიდა “ალკმაარში”.

21:07 დი მარციოს “ტვიტერის” ინფორმაციით, კორეა სულ მალე გადავა “მილანში”. ტრანსფერის თანხაა - 50 მილიონი ევრო.

21:12 “იუვენტუსი” მზად არის 25 მილიონ ევროდ გაყიდოს ბლეზ მატუიდი. მთავარი პრეტენდენტები არიან - “პარი სენ-ჟერმენი” და “მონაკო”.

21:21 “ვულვერჰემპტონი” დაინტერესებულია “მილანიდან” პატრიკ კუტრონეს შეძენით. (Sky Sports)

21:49 “სამპდორია” იჯარით აიყვანს “ზენიტიდან” ემილიანო რიგონის და სეზონის ბოლოს 11 მილიონად გამოისყიდის მას. (La Gazzetta dello Sport)

ყოველდღიური სპორტული გაზეთი "ლელო"
936
მკითხველის კომენტარები / 0 /
მსგავსი ამბები
რუბრიკის სხვა სიახლეები
;