ტრანსფერები - ONLINE: არსენალმა ობამეიანგი შეათანხმა, ლაპორტი სიტიშია

13:05 გაირკვა "ჩელსის" მიმართ ედინ ჯეკოს მოთხოვნები. "რომას" ფორვარდს სურს 5.5 მილიონი ევრო წელიწადში და სამწლიანი კონტრაქტი (The Times).

13:10 "ჩელსიში" ჯეკოს ალტერნატივად მიიჩნევა - ოლივიე ჟირუ. "არსენალმა" უკვე დააწესა თანხა ფრანგისთვის - 40 მილიონი ევრო. ლონდონელებს ეს ვარიანტი იმით ხიბლავთ, რომ ჟირუს ჩემპიონთა ლიგის პლეი ოფში თამაში შეუძლია.

13:15 ვაგნერ ლავი "ბეშიქთაშში" გადადის. ბრაზილიელი უკვე ჩავიდა სტამბოლში. "ბეშიქთაში" "ალანიასფორს" 3.7 მილიონ ევროს გადაუხდის. ვაგნერი წლინახევრიან კონტრაქტს გააფორმებს და სეზონში 1.9 მილიონ ევროს მიიღებს.

13:20 "ბარსელონას" ნახევარმცველი ჟერარ დეულოფეუ, შესაძლოა, "უოტფორდში" გადავიდეს.

13:23 ზლატან იბრაჰიმოვიჩი ახლოს არის "ლოს ანჯელეს გალაქსიში" გადასვლასთან. ბოლო ორ დღეში 36 წლის შვედთან მოლაპარაკებები შორს წავიდა. ჭორების მიხედვით, იბრაჰიმოვიჩი წელიწადში 7.7 მილიონ დოლარს მიიღებს და MLS-ის ყველაზე ძვირადღირებული მოთამაშე გახდება (ESPN).

13:25 "ბარსელონა B"-ის ნახევარმცველი სერხიო გომესი "დორტმუნდში" გადავა. 17 წლის შემტევი გერმანულ კლუბს 3 მილიონი ევრო დაუჯდება. გომესი ნახევარ წელიწადს "ბორუსიას" ახალგაზრდულ გუნდში გაატარებს, ზაფხულიდან კი მთავარ გუნდში გადაიყვანენ (Kicker).

13:35 ოფიციალურად! "ლას პალმასის" ფორვარდი ლოიკ რემი "ხეტაფეში" გადავიდა. რემი ახალ გუნდში ნახევარწლიანი იჯარით წავიდა მწვრთნელ პაკო ხემესთან კონფლიქტის გამო.

13:46 "არსენალმა" შეათანხმა "დორტმუნდთან" პიერ-ემერიკ ობამეიანგის ტრანსფერი - 63 მილიონ ევროდ. ჟირუ ამ გარიგებაში არ იქნება ჩართული. მის ნაცვლად, "ბორუსია" აიყვანს ანტონი მოდესტეს "კიოლნიდან". დღეს ეს ფორვარდი იჯარით ჩინეთის "ტიანძინში" თამაშობს. (Kicker)

13:53 მიკაელ კრონ-დელი "სევილიადან" "დეპორტივოში" გადავა. 34 წლის ნახევარმცველი სამედიცინო შემოწმებას გაივლის. მისი კონტრაქტის ხანგრძლივობა 1.5 წელია.

13:54 "ტოტენჰემი" უახლოეს დროში განახორციელებს ლუკაშ მოურას ტრანსფერს. დედლაინამდე ამის ალბათობა 90 პროცენტია (The Times).

13:56 "ვესტ ჰემი" პრემიერლიგაში დააბრუნებს ერთ-ერთ "ემიგრანტს" ჩინეთიდან. ამ კლუბთან მოლაპარაკებები დაიწყო გრაციანო პელემ (Sky Sorts).

13:59 "ვესტ ბრომვიჩი" 20 მილიონი ევროს გადახდას აპირებს "უოტფორდის" კაპიტნის ტროი დინის სანაცვლოდ (Sky Sports).

14:08 "სტოკმა" თურქეთში იპოვა გაძლიერების საშუალება. პაპა ალიუნ ნ"დიაიე "გალათასარაიდან" ინგლისურ კლუბში 18 მილიონ ევროდ გადავა.

14:20 კრიშტიანო რონალდო პრემიერლიგაში დაბრუნდება. ოღონდ, არა "მანჩესტერ იუნაიტედში", რომელმაც ალექსის სანჩესი შეიძინა. პორტუგალიელის სავარაუდო ახალი კლუბი შეიძლება გახდეს "ჩელსი", საიდანაც ედენ აზარი "პარი სენ-ჟერმენში" ან სულაც "რეალში" წავა (Mirror).

14:30 ოფიციალურად! "ბრაიტონმა" გაიფორმა ლეონარდო ულოა "ლესტერიდან". არგენტინელი ახალ კლუბში ნახევარ წელიწადს გაატარებს.

14:42 "ჩელსის" ნახევარმცველი ჩარლი მუსონდა "სელტიკში" გადავა. "კელტები" მას იჯარით აიყვანენ სეზონის ბოლოს.

15:11 "კალიარის" მცველი გრეგორი ვან დერ ვილი ახლოს არის MLშ-ში გადასვლასთან. "ტორონტო" ჰოლანდიელ განაპირა მცველში მილიონ დოლარს გადაიხდის.

15:20 "პარი სენ-ჟერმენის" ნახევარმცველ ხავიერ პასტორეს აგენტმა განაცხადა, რომ პარიზული კლუბი არ გეგმავს მისი კლიენტის გაყიდვას.

15:28 არტურო ვიდალის შეძენაზე ერთ-ერთი მთავარი პრეტენდენტია - "მანჩესტერ იუნაიტედი" (Mirror).

15:40 "დორტმუნდი" დაუბრუნდა მიშუ ბატშუაის შეძენის იდეას. გილიემ ბალაგე წერს, რომ გერმანელები ჟირუდან ბელგიელის ტრანსფერზე გადაერთვებიან.

15:45 ოფიციალურად! "ვესტ ჰემმა" დაადასტურა "რენში" დიაფრა სახოს გადასვლა. გარიგების დეტალები უცნობია.

16:05 "ინტერის" მცველზე დიდი მოთხოვნაა. "მანჩესტერ სიტი", "რეალი" და "ბარსელონა" იბრძვიან მილან შკრინიარისთვის. 22 წლის სლოვაკი 30 მილიონი ევრო ღირს (Daili Star).

16:20 "საუთჰემპტონი" მზად არის საკუთარი სატრანსფერო რეკორდი მოხსნას "სპარტაკიდან" ქუინსი პრომესის შეძენით. ინგლისური კლუბი ჰოლანდიელში 30 მილიონი ევროს გადახდას აპირებენ.

16:33 ოფიციალურად! ჟერარ პიკემ გაახანგრძლივა კონტრაქტი "ბარსელონასთან" - 2022 წლის ზაფხულამდე.

16:42 გილიემ ბალაგემ დაწერა, რომ თითქმის შეთანხმებულია ობამეიანგის ტრანსფერი "დორტმუნდიდან" "არსენალში". თანხა 60 მილიონი ევროა. სავარაუდოდ, ხელფასი წელიწადში 10.5 მილიონი ევროა.

16:50 "ქუინზ პარკის" ყოფილმა მოთამაშემ სტეფან მბიამ თავისი სამსახური შესთავაზა "მალაგას" (Cadena COPE).

17:20 ემერიკ ლაპორტმა სამედიცინო შემოწმება გაიარა "მანჩესტერ სიტიში". ის კონტრაქტს დღეს გააფორმებს და პრეზენტაციაც სამშაბათს გაიმართება. "ბილბაო" ფეხბურთელში 65 მილიონ ევროს მიიღებს.

17:43 "სუონსის" ნახევარმცველი როკე მესა "სევილიაში" გადავა. მან უკვე გაიარა სამედიცინო შემოწმება. როკე ესპანეთში ნახევარი წელი ითამაშებს.

18:15 "ვესტ ჰემი" დაინტერესებულია მორგან შნაიდერლინით და მზად არის 23 მილიონი ევრო გადაიხადოს "ევერტონის" ფეხბურთელში ( Sky Sports).

18:35 "ლივერპულის" კიდევ ერთი ფორვარდი შეიძლება წავიდეს იანვარში. დენი ინგლზი იხრება "ვესტ ჰემში" იჯარისკენ (Eveniong Standard).

18:45 ოფიციალურად! "ვესტ ბრომვიჩმა" ხელი მოაწერა კონტრაქტს "ზამალეკის" მცველ ალი გაბრასთან.

19:00 ოფიციალურად! ჟულიო სეზარი მშობლიურ კლუბ "ფლამენგოში" დაბრუნდა. ბრაზილიელის ბოლო კლუბი "ბენფიკა" იყო.

19:13 ტიმ კეჰილმა სამედიცინო შემოწმება გაიარა "მილუოლში". ავსტრალიელი ვეტერანი სეზონის ბოლომდე გააფორმებს კონტრაქტს (Sky Sports).

19:20 "ბილბაომ" დააანონსა ემერიკ ლაპორტის ტრანსფერი "მანჩესტერ სიტიში".

19:31 ფაბიანომ "მონაკოს" გამოუცხადა, რომ ახალი გამოწვევა სურს. ბრაზილიელზე პრეტენზიას აცხადებენ - მანჩესტერ სიტი" და "მანჩესტერ იუნაიტედი". (  Sky Sports)

19:40 დანიელ სტარიჯმა, როგორც ჩანს, კარიერის გასაგრძელებლად "ვესტ ბრომვიჩი" აირჩია. მან ეს კლუბი ამჯობინა "ნიუკასლს" (Sky Sports).

20:05 ოფიციალურად! ნიგერიელი ფორვარდი ბრაუნ იდეიე "ტიანძინიდან" "მალაგაში" გადავიდა.

20:15 ოფიციალურად! "პორტსმუთმა" გაიფორმა ნახევარმცველი ანტონ უილქსი "ტოტენჰემიდან". ეს არის იჯარა სეზონის ბოლომდე.

20:41 "სევილიამ" და "პორტუმ" მოილაპარაკეს მცველ მიგელ ლაიუნზე. იჯარა გამოსყიდვის უფლებით - წერია "სევილიას" ვებგვერდზე.

ყოველდღიური სპორტული გაზეთი "ლელო"
1790
მკითხველის კომენტარები / 0 /
მსგავსი ამბები
რუბრიკის სხვა სიახლეები
;