ტრანსფერები-ONLINE: ატლეტიკომ ერიქსენს დაუმიზნა, ინტერმა ლუკაკუს, ...კოუტინო პსჟ-ში?

12:56 ოფიციალურად! ფაბიან დელფი “მანჩესტერ სიტიდან” “ევერტონში” გადავიდა. ტრანსფერის თანხამ 8 მილიონი გირვანქა შეადგინა.

13:05 ოფიციალურად! “ატალანტა” უკრაინელი ფეხბურთელით გაძლიერდა. რუსლან მალინოვსკიმ დატოვა გენკი” და ბერგამოში გადავიდა. “ატალანტამ”, რომელმაც ჩემპიონთა ლიგაზე უნდა ითამაშოს, 13.7 მილიონი ევრო გადაიხადა.

13:09 “რომას” სურს გონსალო იგუაინის ყიდვა, მაგრამ არგენტინელს არ უნდა “იუვენტუსის” გარდა, სხვა იტალიურ გუნდში თამაში. ამიტომაც, ტრანსფერი “ვესტ ჰემში” უფრო რეალისტურად მოჩანს. (Corriere dello Sport)

13:46 “გალათასარაის” სურს იჯარით ფრედის აყვანა. “მანჩესტერ იუნაიტედი” მზად არის ბრაზილიელი ერთი წლით დათმოს და ორი მილიონი მიიღოს. (Fotomac)

14:07 “პორტუს” აინტერესებს “პარი სენ-ჟერმენის” მეკარე კევინ ტრაპი. პორტუგალიელები მზად არიან გადაიხადონ გერმანელში ხუთი მილიონი ევრო. ეს ნაკლებად სავარაუდოა, რადგან მანამდე პსჟ-მ უარყო “აინტრახტის” 10-მილიონიანი წინადადება.

14:19 “ინტერმა” გაზარდა რომელუ ლუკაკუზე წინადადება 66 მილიონ ევრომდე. (Sky Sport Italia)

15:05 “ბარსელონამ” “პარი სენ-ჟერმენს” ნეიმარის სანაცვლოდ შესთავაზა დემბელე, ფილიპე კოუტინიო და 40 მილიონი ევრო. (AS)

15:55 “აინტრახტის” ფორვარდი სებასტიან ჰალერი ლონდონში ჩავიდა “ვესტ ჰემში” სამედიცინო შემოწმების გასავლელად. ინგლისური გუნდი 25 წლის ფრანგში 50 მილიონ ევროს დახარჯავს.

16:23 “ვილიარეალის” ნახევარმცველი ალფონსო პედრასა უახლოეს დროში “ბეტისში” გადავა. კლუბებმა მოილაპარაკეს მარცხენა გარემარბის ერთწლიან იჯარაზე. (Marca)

17:28 ჯანლუკა მანჩინი “რომასთვის” სამედიცინო შემოწმებას გაივლის. “ატალანტა” ფეხბურთელის იჯარასა და გამოსყიდვაში 21 მილიონ ევროს მიიღებს. (Sky Sport Italia)

19:10 ოფიციალურად! ადამა სუმაორო “მონაკოში” გადავიდა, რომელმაც “ლილის” 27 წლის მცველში 13 მილიონი ევრო გადაიხადა.

19:45 ოფიციალურად! “პარი სენ-ჟერმენმა” გამოაცხადა, რომ “დორტმუნდიდან” შეიძინა 23 წლის ფრანგი ცენტრალური მცველი აბდუ დიალო. პარიზელებს ეს გარიგება 30 მილიონი ევრო დაუჯდათ და ფეხბურთელთან ხუთწლიანი კონტრაქტი გააფორმეს.

20:11 ოფიციალურად! “ბაიერნმა” “შტუტგარტიდან” გადაიბირა 19 წლის ლეონ დიაკუ.

20:33 “ატლეტიკომ” ზაფხულის სატრანსფერო ფანჯრისას მთავარ პრიორიტეტად დაისახა კრისტიან ერიქსენი. დანიელს არ სურს კონტრაქტის გაგრძელება “ტოტენჰემთან”. 

21:26 “ევერტონმა” და “ლაიპციგმა” მიაღწიეს პრინციპულ შეთანხმებას ადემოლა ლუკმანის ტრანსფერზე. გერმანელები 25 მილიონ ევროს იხდიან. ინგლისელი ფეხბურთელი უკვე თამაშობდა “ლაიპციგში” 2017-18 წლების სეზონში იჯარის წესით.

21:51 “ატლეტიკო” მოელაპარაკა “ესპანიოლს” მარიო ერმოსოს ტრანსფერზე. დეტალები ჟურნალისტებისთვის უცნობია. (Marca)

21:57 ოფიციალურად! “გინგამის” ფორვარდი მარკუს ტურამი კარიერას გერმანიაში გააგრძელებს. ლილიან ტურამის 21 წლის ვაჟი “გლადბახში” ითამაშებს. ტრანსფერი 10-12 მილიონი ევროს ოდენობისაა.

ყოველდღიური სპორტული გაზეთი "ლელო"
547
მკითხველის კომენტარები / 0 /
მსგავსი ამბები
რუბრიკის სხვა სიახლეები
;