ტრანსფერები - ONLINE: ახლა უკვე ოფიციალურად!...

12:28 ოფიციალურად! კამერუნელი ვეტერანი სამუელ ეტო"ო "ქონიასფორში" გადავიდა. კონტრაქტი ორ-ნახევარი წლით არის გაფორმებული.

12:49 ოფიციალურად! "ფიორენტინამ" "სენტ ეტიენის" ნახევარმცველი ბრიან დაბო შეიძინა.

13:05 "არსენალმა" გაწყვიტა კონტრაქტი დებუშისთან. ფრანგი სეზონს "სენტ ეტიენში" ჩაამთავრებს.

13:22 ოფიციალურად! ადმირ მეჰმედიმ დატოვა "ლევერკუზენი" და "ვოლფსბურგში" გადავიდა. კონტრაქტი 2022 წლის ზაფხულამდეა ძალაში.

13:36 "ევერტონი" ახლოს არის "მანჩესტერ სიტის" მცველის ელიაკიმ მანგალას იჯარით აყვანასთან. ლაპორტის შეძენის შემდეგ, გვარდიოლას ფრანგი არ სჭირდება.

13:50 ჟურნალისტ ჯანლუკა დი მარციოს მონაცემებით, "ნაპოლი" დაინტესებულია "სოსიედადის" გარემარბის მიკელ ოიარსაბალის შეძენით. ფასი 40 მილიონი ევროა.

14:04 თუ რიად მაჰრეზი "მანჩესტერ სიტიში" წავა, "ლესტერი" მას "კრისტალ პალასიდან" ენდროს თაუნსენდით შეცვლის. (Leicester Mercury)

14:16 ლუკაშ მოურა სამედიცინო შემოწმებას გადის "ტოტენჰემში". სულ მალე ტრანსფერის შესახებ ოფიციალურად გამოაცხადებენ.

14:23 "ნიუკასლის" ფორვარდი ალექსანდრ მიტროვიჩი "ანდერლეხტში" გადავა იჯარით.

14:35 "რეალი" მზად არის "ზენიტიდან" შეიძინოს ლეანდრო პარედესი და გარიგებაში მატეო კოვაჩიჩიც ჩართოს. (Clarin)

14:55 დეილი ბლინდმა წააგო კონკურენცია ეშლი იანგთან და ლუკ შოუსთან და როგორც ჩანს, "მანჩესტერ იუნაიტედიდან" "რომაში" მიდის.

14:57 ისლამ სლიმანი იჯარის წესით "ლესტერიდან" ნიუკასლში" გადადის. ფეხბურთელზე, აგრეთვე, "ვესტ ჰემი" და "მონაკო" აცხადებდნენ პრეტენზიას. (Sky)

15:47 როგორც ჩანს, ბლინდი დარჩება "მანჩესტერ იუნაიტედში". "რომას" იჯარა სურდა, მანჩესტერელებს კი ჰოლანდიელის გაყიდვა. საკითხი ზაფხულამდე გადაიდო.

15:55 "იუვენტუსი" ახლოს არის "ეინდჰოვენის" 18 წლის ნახევამცველის ლეანდრო ფერნანდესის შეძენასთან. როგორც კი ტრანსფერი გაფორმდება, ფეხბურთელი იჯარით "სასუოლოში" წავა.

16:04 ლეანდრო პარედესზე კიდევ ერთი პრეტენდენტია - "პარი სენ-ჟერმენი", მაგრამ "ზენიტმა" უარი თქვა 40 მილიონად გაყიდვაზე.

16:15 მესუთ იოზილმა ახალი კონტრაქტი გააფორმა "არსენალთან" - 2021 წლის ზაფხულამდე. გერმანელი კვირაში 350 ათას ფუნტს მიიღებს და კლუბის ისტორიაში ყველაზე მაღალანაზღაურებადი ფეხბურთელი გახდება.

16:17 "ვიტესმა" ოფიციალურად წარადგინა რუსი მცველი ვიაჩესლავ კარავაევი, რომელიც ჰოლანდიურ კლუბში "სპარტადან" გადავიდა.

16:37 ოფიციალურად! "ვერდერმა" ხელი მოაწერა კონტრაქტს "ვიტესის" ალბანელ ნახევარმცველთან მილოტ რაშნიცთან.

16:42 ოფიციალურად! "ინტერის" მცველმა იუტო ნაგატომომ წარმატებით გაიარა სამედიცინო შემოწმება "გალათასარაიში".

17:30 რიამ მაჰრეზი არ გაემგზავრა "ლესტერთან" ერთად "ევერტონთან" მატჩზე. როგორც ჩანს, ახლოვდება ალჟირელის ტრანსფერი "მანჩესტერ სიტიში".

17:33 ცნობილი ხდება ჟირუს "ჩელსიში" გადასვლის დეტალები: "არსენალი" დაახლოებით 20-22 მილიონ ევროს მიიღებს, ფეხბურთელი - 18-თვიან კონტრაქტს. (L"Equipe)

17:44 "არსენალი" პრეტენზიას აცხადებს "შალკეს" ნახევარმცველ მაქს მაიერზე. ლონდონელები აიძულებენ "შალკეს" - გაყიდოს ფეხბურთელი, რადგან ზაფხულში მაიერს შეუძლია უფასოდ დატოვოს გელზენკირხენი. (Bild)

18:15 "სპორტინგის" განაპირა მცველი ხონათან სილვა სამედიცინო შემოწმებას გადის "რომაში". დი მარციო იტყობინება, რომ რომაელებს ეს ტრანსფერი 6 მილიონი ევრო დაუჯდებათ.

18:22 ოფიციალურად! "ევერტონის" ფორვარდი სანდრო რამირესი "სევილიაში" გააგრძელებს კარიერას. სევილიელებმა ფეხბურთელი სეზონის ბოლოს იჯარით აიყვანეს. რამირესმა უკვე გაიარა სამედიცინო შემოწმება და კონტრაქტიც გააფორმა.

19:33 ოფიციალურად! ანდრე აიუ "სუონსიში" ბრუნდება. "ვესტ ჰემთან" გარიგების თანხა - 22 მილიონი ევროა. უელსურ კლუბში ანდრე ძმასთან - ჯორდანთან ერთად ითამაშებს.

20:00 ოფიციალურად! "ანდერლეხტის" 27 წლის ნახევარმცველი სოფიან ჰანი "სპარტაკის" ფეხბურთელი გახდა. კონტრაქტი სამწლინახევრიანია.

20:08 ოფიციალურად! დემბა ბა ჩინეთიდან თურქულ კლუბ "გიოზთეფეში" გადავიდა.

20:16 ოფიციალურად! "უოტფორდის" გარემარბი აიზეკ საქსესი "მალაგას" შეუერთდა იჯარის წესით.

20:36 ოფიციალურად! ვეტერანი ფორვარდი ჯამპაოლო პაცინი "ლევანტეს" დაეხმარება ლა ლიგაში დასარჩენად ბრძოლაში.

20:40 ოფიციალურად! დიოგო ფიგეირაში "ოლიმპიაკოსიდან" "ბრაგაში" გადავიდა.

20:49 ოფიციალურად! 31 წლის ფრანგი ფორვარდი ოლივიე ჟირუ ერთი ლონდონური კლუბიდან მეორეში გადავიდა, კერძოდ, "არსენალი" "ჩელსიში" გაცვალა. ანტონიო კონტეს გუნდს ეს ტრანსფერი დაახლოებით 20 მილიონი ევრო დაუჯდა.

ჟირუს კონტრაქტი "ჩელსიში" 2020 წლის ზაფხულამდე იქნება ძალაში. ოლივიე ჟირუ "არსენალში" 2012 წლიდან თამაშობდა და ამ გუნდთან ერთად სამ-სამჯერ მოიგო ინგლისის თასი და ინგლისის სუპერთასი. სულ 253 ოფიციალური მატჩი ჩაატარა და 105 გოლი გაიტანა.

20:52 ოფიციალურად! "ჩელსის" ფორვარდი მიში ბატშუაი "დორტმუნდში" ითამაშებს. ეს არის იჯარა სეზონის ბოლომდე. 24 წლის ბელგიელმა ამ სეზონში 25 მატჩი ჩაატარა 10 გოლი გაიტანა.

21:11 ოფიციალურად! "ვერონამ" იჯარით აიყვანა "ნიუკასლიდან" როლანდო აარონსი.

21:14 "მანჩესტერ სიტიმ" უარი თქვა რიად მაჰრეზის შეძენაზე. დღის განმავლობაში, "სიტიმ" ორი წინადადებით (55 და 60 მილიონი) მიმართა "ლესტერს", მაგრამ უარი მიიღო. (Sky Sports)

21:15 ოფიციალურად! "ნიუკასლმა" ხუთწლიანი კონტრაქტი გააფორმა ესპანეთის ახალგაზრდული ნაკრებისა და "ვალენსიას" ფორვარდთან რაულ მოატასთან.

21:54 ოფიციალურად! "უოტფორდმა" იჯარით აიყვანა "სანდერლენდიდან" დიდიე ნდონგა.

22:36 ოფიციალურად! ლონდონის "ტოტენჰემმა" თავის ვებგვერდზე გამოაცხადა "პარი სენ-ჟერმენიდან" ლუკას მოურას ტრანსფერის შესახებ. 25 წლის ბრაზილიელთან 2023 წლის ზაფხულამდე გაფორმდა კონტრაქტი.

ლუკასი ახალ კლუბში 27-ე ნომრით ითამაშებს. გარიგების პირობები ჟურნალისტებისთვის უცნობი დარჩა. ადრე წერდნენ იმის შესახებ, რომ "ტოტენჰემს" ეს ტრანსფერი 28.5 მილიონი ევრო დაუჯდებოდა.

23:12 ოფიციალურად! 19 წლის შვედმა მეკარემ პონტუს დალბერგმა 5.5-წლიანი კონტრაქტი გააფორმა "უოტფორდთან". ფეხბურთელი თავის მშობლიურ კლუბში "გიოტებორგში" იჯარით დარჩება და ზაფხულში გადავა ინგლისში.

23:21 სამირ ნასრიმ გააუქმა კონტრაქტი "ანტალიასფორთან". ფრანგს ნოემბრის შემდეგ არ უთამაშია.

23:41 ოფიციალურად! "გლადბახმა" იჯარით აიყვანა "ვესტ ჰემიდან" 19 წლის რის ოქსფორდი.

23:43 ოფიციალურად! "ვერდერმა" "ჰერტადან" 2.5 მილიონ ევროდ შეიძინა სებასტიან ლანგკამპი და 2020 წლამდე გააფორმა მასთან კონტრაქტი.

23:52 ოფიციალურად! "რომამ" მარცხენა მცველი ჯონათან სილვა შეიძინა "სპორტინგიდან". იტალიურმა კლუბმა პორტუგალიელი იჯარით გადაიბირა.

23:56 ოფიციალურად! ამინ იუნესი "ნაპოლიში" ზაფხულში გადავა, მანამდე კი "აიაქსში" დარჩება.

00:04 ოფიციალურად! "ნაპოლის" ნახევარმცველი ემანუელე ჯაკერინი "კიევომ" სეზონის ბოლომდე იჯარით აიყვანა.

00:06 ოფიციალურად! არგენტინელი ლუკას ბოიე "ტორინოდან" "სელტაში" გადავიდა. ჯერ იჯარა, შემდეგ გამოსყიდვა 12 მილიონ ევროდ.

00:12 ოფიციალურად! "ლაიპციგმა" ადემოლა ლუკმანის იჯარა გააფორმა "ევერტონიდან".

00:14 ოფიციალურად! "ატლეტიკოს" ნახევარმცველმა აუგუსტო ფერნანდესმა ევროპული კარიერა დაასრულა და ჩინურ "ბეიჟინგში"გადავიდა.
00:28 ოფიციალურად! "რაიო ვალეკანომ" "ეიბარიდან" აიყვანა ფორვარდი ბებე. "მანჩესტერის" ყოფილი ფეხბურთელი ახალ კლუბში 6 თვეს გაატარებს.

01:21 ისლამ სლიმანი სამედიცინო შემოწმებას გადის "ნიუკასლში.

01:23 ოფიციალურად! "ფიორენტინამ" გაუშვა ნახევარმცველი კარლოს სანჩესი. ახლა, ის "ესპანიოლში" ითამაშებს.

01:26 ოფიციალურად! ხორვატიის ახალგაზრდული ნაკრების მცველი ლორენცო შიმიჩი "სამპდორიადან" სპალ-ში გადავიდა.

ზამთრის მთავარი ტრანსფერები

15:16 "დორტმუნდის" ფორვარდი პიერ-ემერიკ ობამეიანგი "არსენალში" გადავიდა სათამაშოდ, - ამის შესახებ ოფიციალურად გამოაცხადა ლონდონური კლუბის პრესსამსახურმა.

"არსენალმა" გაბონელ ფეხბურთელში 63 მილიონი ევრო გადაიხადა. ამით, ობამეიანგი ინგლისური კლუბის ისტორიაში ყველაზე ძვირადღირებული ფეხბურთელი გახდა.

ამ რეკორდს ფრანგი ფორვარდი ალექსანდრ ლაკაზეტი ფლობდა, რომელიც "არსენალმა" გასული წლის ზაფხულში 53 მილიონ ევროდ შეიძინა.

28 წლის ობამეიანგმა მრავალწლიანი კონტრაქტი გააფორმა "არსენალთან". ჯერჯერობით უცნობია, რომელი ნომრით ითამაშებს ფორვარდი ახალ კლუბში.

ყოველდღიური სპორტული გაზეთი "ლელო"
946
მკითხველის კომენტარები / 0 /
მსგავსი ამბები
რუბრიკის სხვა სიახლეები
;