ტრანსფერები-ONLINE: ბარსელონას ახალი მეკარე,  ლივერპულის ახალი  ვარსკვლავი, ისკო დავიდ  სილვას ნაცვლად...

14:04 ოფიციალურად! ჩემპიონთა ლიგის გამარჯვებულმა “ლივერპულმა” “ცვოლედან” 17 წლის ჰოლანდიელი სეპ ვან დენ ბერგი შეიძინა. თინეიჯერს 21 მატჩი აქვს ჩატარებული ერედივიზიონში. სეპმა მრავალწლიანი კონტრაქტი გააფორმა, რომლის დეტალები უცნობი დარჩა (BBC).

14:32 “ტოტენჰემი” კიდევ უფრო ახლოს არის ჯეკ კლარკის ტრანსფერთან. “ლიდსის” გარემარბმა წარმატებით გაიარა სამედიცინო შემოწმება, რაც კარგი ამბავია, რადგან ამ ბიჭმა ზამთარში ხუთი კვირა გამოტოვა იმის გამო, რომ მატჩის დროს გონება დაკარგა (Sky Sports).

14:41 “ჩელსი” სულ მალე 45 მილიონ ევროდ გამოისყიდის მატეო კოვაჩიჩს მადრიდის “რეალისგან”. ლონდონელებმა 30 ივნისამდე უნდა მოასწრონ გარიგება, რადგან შემდეგ სატრანსფერო დისკვალიფიკაცია შედის ძალაში (Sky Sports).

14:49 ოფიციალურად! “ბარსელონამ” “ვალენსიადან” მეკარე ნეტო შეიძინა. მარკ-ანდრე ტერ-შტეგენის კონკურენტი კატალონიელებს 26 მილიონი ევრო დაუჯდათ. ბრაზილიელმა მეკარემ ოთხწლიანი კონტრაქტი გააფორმა.

15:26 “პარი სენ-ჟერმენი” გარიგებას აფორმებს “სევილიას” ნახევარმცველთან პაბლო სარაბიასთან და “მანჩესტერ იუნაიტედის” ნახევარმცველთან ანდერ ერერასთან. სავარაუდოდ, ტრანსფერის შესახებ მომავალ კვირას გამოაცხადებენ. ერერა პარიზელებს უფასოდ ერგებათ, სარაბიასთვის კი 19 მილიონი ევრო უნდა გადაიხადოს.

16:02 “იუვენტუსმა” თხოვნით მიმართა თავის ტექნიკურ სპონსორს adidas-ს - დააფინანსოს პოლ პოგბას გამოსყიდვა (Corriere dello Sport).

16:15 “იუვენტუსს” არ მოუწევს “პარი სენ-ჟერმენთან” კონკურენცია მატეის დე ლიგტთან დაკავშირებით. პარიზელებმა შეწყვიტეს მოლაპარაკებები თავად “აიაქსის” მცველის პირობების გამო: დე ლიგტს სურს ჩაიწეროს მის კონტრაქტში გამოსასყიდი თანხა - 150 მილიონი ევრო (RMC Sport).

16:38 უცნაური გაგრძელება ნეიმარის საქმეში! “ბარსელონას” ვიცე-პრეზიდენტმა ჟორდი კარდონერმა პირდაპირ ეთერში განაცხადა: “რამდენადაც ჩემთვის ცნობილია, “ბარსელონას” არ უცდია ნეიმარის შეძენა და ჩვენ არ გვინდა მისი დაბრუნება. მე მგონი, მას უნდა დაბრუნება. სიმართლე ისაა, რომ “ბარსელონა” არ ნაღვლობს ნეიმარის ტრანსფერის საკითხს”.

16:51 მოიზე კინს სურს “იუვენტუსიდან” “ინტერში” გადასვლა. ამის შესახებ თავად ფეხბურთელის მამამ თქვა. ცნობილია, რომ უმცროსი კინი ბავშვობაში “ინტერს” გულშემატკივრობდა.

17:05 “შტუტგარტის” 19 წლის მცველი ოზან ქაბაქი “ბაიერნს”, “მანჩესტერ იუნაიტედსა” და “მილანს” აინტერესებთ. თუმცა, თავად ქაბაქი “შალკეში” გადასვლისკენ იხრება. თურქი ფეხბურთელის შეძენა 15 მილიონ ევროდ შეიძლება (Bild).

17:13 “პარი სენ-ჟერმენმა” მოლაპარაკებები განაახლა “მილანთან” მეკარე ჯანლუიჯი დონარუმას თაობაზე. იტალიური კლუბი თავის მეკარეში 50 მილიონ ევროს ითხოვს. პსჟ-მ დამატებით შეიძლება “მილანში” გაამგზავროს ალფონს არეოლა.

17:44 “ინტერმა” და “ჯენოამ” მიაღწიეს შეთანხმებას იტალიის ახალგაზრდული ნაკრების ფორვარდ ანდრეა პინამონტიზე - მილანური კლუბი მის სანაცვლოდ 17 მილიონ ევროს მიიღებს და გენუაში გაუშვებს. 

18:13 “აიაქსმა” ფასი დაადო დონი ვან დე ბეეკს. ამსტერდამელებს საკუთარ ნახევარმცველში 50-60 მილიონი ევრო სურთ.

18:33 ოფიციალურად! “აინტრახტმა” “იანგ ბოიზისგან” 22 წლის ნახევარმცველი ჯიბრილ სოუ შეიძინა. ფეხბურთელი შვეიცარიულ გუნდში 2017 წლიდან ირიცხებოდა, ამ ზაფხულს კი ერთა ლიგაზე ნაკრების განაცხადში იყო.

19:45 პეპ გვარდიოლა განიხილავს ისკოს დავიდ სილვას შემცვლელად. თუმცა, უცნობია, როდის მიმართავს “მანჩესტერ სიტი” “რეალს” წინადადებით, რადგან დავიდ სილვა “სიტიდან” წასვლას 2020 წლის ზაფხულში აპირებს.

20:21 “სევილიამ” “ეიბარიდან” შეიძინა ნახევარმცველი ჟოან ჟორდანი. 24 წლის ფეხბურთელმა 2023 წლის პირველ ივლისამდე გააფორმა კონტრაქტი.

21:03 “რეინჯერსმა” “ჩარლტონიდან” გადაიბირა 22 წლის ნახევარმცველი ჯო არიბო. გარიგებით დეტალები არ გახმაურებულა.

21:23 “პარი სენ-ჟერმენის” ნახევარმცველმა ლეანდრო პარედესმა გამოაცხადა, რომ არ აპირებს ამ სატრანსფერო ფანჯრისას კლუბის დატოვებას.

ყოველდღიური სპორტული გაზეთი "ლელო"
1412
მკითხველის კომენტარები / 0 /
მსგავსი ამბები
რუბრიკის სხვა სიახლეები
;