ტრანსფერები-ONLINE: დანი ალვეშს  გვარდიოლასთან  უნდა...  ლუკაკუმ მანჩესტერს აცნობა, იუვე დე ლიხტს არ ეშვება

13:16 “ინტერი” მოელაპარაკა “კალიარის” იტალიის ახალგაზრდული ნაკრების ნახევარმცველის ნიკოლო ბარელას ტრანსფერზე.  მილანური კლუბი ბარელაში 45 მილიონ ევროს გადაიხდის. მხარეებს შორის ოთხწლიანი კონტრაქტი გაფორმდება, ხელფასი იქნება წელიწადში 2.5 მილიონი ევრო. (Football Italia)

13:36 “ბეშიქთაშის” ნახევარმცველი რიკარდო კუარეჟმა, შესაძლოა, ვიეტნამის კლუბ “ჰანოიში” გადავიდეს, რომელიც ქვეყნის მოქმედი ჩემპიონია. (Fox Sports Asia)

13:45 “ატლეტიკომ” გამოაცხადა “ბენფიკას” ფორვარდის ივან შაპონიჩის შეძენის შესახებ. 21 წლის სერბთან სამწლიანი კონტრაქტი გაფორმდა. შაპონიჩი მსოფლიოს ჩემპიონია სერბეთის რიგებში U20-ის გუნდებს შორის.

14:13 “ბეტისის” მეკარე პაულ ლოპესი კარიერას გააგრძელებს “რომაში”. იტალიელებმა მასში 23.5 მილიონი ევრო გადაიხადეს.

14:22 დანი ალვეში პეპ გვარდიოლასთან შერიგებას ეძებს. ადრე ბრაზილიელმა მიატოვა ესპანელი და “პარი სენ-ჟერმენში” წავიდა. ახლა იწერება, რომ კოპა ამერიკას საუკეთესო მოთამაშეს ისევ უნდა გვარდიოლასთან მუშაობა. “მანჩესტერ სიტი” განიხილავს ასეთ ვარიანტს. (Globo Esporte)

15:08 რომელუ ლუკაკუმ აცნობა “მანჩესტერ იუნაიტედის” ხელმძღვანელობას ზაფხულის სატრანსფერო ბაზრისას კლუბის შეცვლის სურვილის შესახებ. ბელგიელზე პრეტენზიას აცხადებენ - “ინტერი”, “იუვენტუსი” და “ნაპოლი”. “მანჩესტერი” რომელუში დაახლოებით 85 მილიონ ევროს ითხოვს. (ESPN)

16:02 მანჩესტერული კლუბები - “იუნაიტედი” და “სიტი” ისევ იბრძვიან ჰარი მაგუაირისთვის. “ლესტერი” თავისი ცენტრალური მცველისთვის ითხოვს 95 მილიონ ევროს. (Daily Mail)

16:52 “იუვენტუსმა” გაუმჯობესებული წინადადებით მიმართა “აიაქსს” მატეის დე ლიგტის თაობაზე. ტურინელებმა საკუთარი შეთავაზება 67 მილიონ ევრომდე აწიეს. ჰოლანდიელებს საკუთარ კაპიტანში 75 მილიონი ევროს მიღება სურთ. (De Telegraaf)

17:12 “ევერტონი” ჩაერთო “ლილის” ფორვარდის ნიკოლა პეპესთვის ბრძოლაში. ტრანსფერი შეიძლება სარეკორდო გახდეს კლუბის ისტორიაში. ასევე ამ ფეხბურთელისთვის იბრძოლებს “პარი სენ-ჟერმენი”, “ლივერპული”, “ბაიერნი”, “მანჩესტერ იუნაიტედი”, “არსენალი”, “ინტერი” და “ბარსელონა”. (The Telegraph)

17:38 “მანჩესტერ იუნაიტედი” მზად არის გადაიხადოს სერგეი მილინკოვიჩ-სავიჩში 80 მილიონი ევრო. “ლაციო” ითხოვს 100 მილიონს. სერბი წინააღმდეგი არ არის კლუბი შეიცვალოს, მაგრამ არც გაფიცვის მოწყობას გეგმავს იმ შემთხვევისთვის, თუ “ლაციო” დაბლოკავს გარიგებას. (Sky Italia)

17:51 ერნანი ჩავიდა იტალიაში, რათა კონტრაქტი გააფორმოს “პარმასთან”. იტალიურ კლუბს ერთ მილიონად იჯარით აჰყავს ბრაზილიელი და ექნება უფლება 4.35 მილიონად გამოისყიდოს ფეხბურთელი.

18:21 “ნაპოლის” პრეზიდენტმა აურელიო დე ლაურენტისმა დაიჩივლა “რეალის” ხელმძღვანელთა საქციელის გამო: “ხამეს როდრიგესი დიდი ყურადღებით სარგებლობს პრესის მხრიდან, ის ამ მხრივ კრიშტანო რონალდოსა და ლიონელ მესის გვერდით დგას. ის ძალიან მოსწონს ანჩელოტის და ჩვენ ველოდებით ტრანსფერის თანხის გონივრულ შეფასებას. მადრიდელები ბლოკავენ გარიგებას, ისინი ძალიან ბევრს ითხოვენ”.

18:53 მეკარე იესე იორონენი გადავიდა “კოპენჰაგენიდან” “ბრეშაში”.

19:47 “ბარსელონამ” შეიძინა ფორვარდი. კატალონიაში გადავა “ვესტ ბრომვიჩის” აკადემიის აღსაზრდელი, 16 წლის ლუი ბერი.

20:35 ჯერემი ტოლიანი “სასუოლოში” გადავიდა. ის “დორტმუნდმა” ერთი წლით იჯარით გაუშვა იტალიაში.

21:25 “პარი სენ-ჟერმენი” ეძებს საყრდენ ნახევარმცველს - პარიზელები მზად არიან 30 მილიონი ევრო გადაიხადონ “ევერტონის” ფეხბურთელში იდრის გუეიეში.

ყოველდღიური სპორტული გაზეთი "ლელო"
701
მკითხველის კომენტარები / 0 /
მსგავსი ამბები
რუბრიკის სხვა სიახლეები
;