ტრანსფერები-ONLINE: დემბელემ აღიარა, რომ... პსჟ მანჯკუჩთან აგვარებს, რაკიტიჩს იუვეში უშვებენ, მილანს ატლეტიკოდან კორეა მოჰყავს

უსმან დემბელემ ინსტაგრამზე აღიარა, რომ  ბარსელონას ფეხბურთელი აღარ არის

13:02 „პარი სენ-ჟერმენს“ კონტაქტი ჰქონდა „იუვენტუსთან“ მარიო მანჯუკიჩის ტრანსფერთან დაკავშირებით. ამის შესახებ დაწერა ჟურნალისტმა ჯანლუკა დი მარციომ. ხორვატს განიხილავენ თითო თვით ტრავმირებული კილიან მბაპესა და ედინსონ კავანის შესაცვლელად.

13:05 ისევ დი მარციო წერს - „იუვენტუსმა“ უარი თქვა დანიელე რუგანის „რომაში“ იჯარით გაშვებაზე.

13:13 „ნიცა“ იჯარით „ნაპოლიდან“ აიყვანს ადამ უნასს - გარიგების თანხა 2.2 მილიონ ევროს შეადგენს.

13:18 ოფიციალურად! „ალმერიამ“ „რომადან“ იჯარით გადაიბირა ანტე ჩორიჩი. სეზონის მიწურულს, ესპანელებს შეეძლებათ ხორვატის გამოსყიდვა.

13:23 დი მარციოს ინფორმაციით, „მილანმა“ განაახლა მოლაპარაკებები „გრემიოსთან“ ევერტონის შეძენაზე, რადგან არ მოხერხდა ანხელ კორეას „ატლეტიკოდან“ გადაბირება.

13:26 „მილანი“ მზად არის 22 მილიონი ევრო გადაუხადოს „რივერ პლეიტს“ მცველ ლუკას მარტინესის სანაცვლოდ. (Tyc Sports)

13:33 „ბარსელონას“ არ უნდა ემრე ჯანი ივან რაკიტიჩის სანაცვლოდ, სამაგიეროდ, კატალონიელები გეგმავენ ხორვატის „იუვენტუსში“ იჯარით გაშვებას. (Sport.es)

13:37 „ინტერის“ სპორტულმა დირექტორმა პიერო აუზილიომ საინტერესო განცხადება გააკეთა ალექსის სანჩესის ტრანსფერთან დაკავშირებით: „მალე ნახავთ. ვმუშაობთ ამაზე, კიდევ ბევრია გასაკეთებელი“.

13:46 ტაისონს „შახტარიდან“ წასვლა უნდა. ბრაზილიელზე მთავარი პრეტენდენტია „რომა“, რომელსაც 30 მილიონის გადახდა მოუწევს.

14:01 ტიემუ ბაკაიოკოს სურს „მილანში“ დაბრუნება. იმის გათვალისწინებით, რომ კესი შეიძლება „მონაკოში“ წავიდეს, ბაკაიოკოს გადასვლა სავსებით რეალურია.

14:05 „ინტერი“ და „ფიორენტინა“ მოთამაშეებს გაცვლიან. ბირაგი წავა „ნერაძურიში“, დალბერტი - „რომაში“. (La Gazzetta dello Sport

14:08 „რომას“ სურს დააგდოს ტაისონის ფასი 25 მილიონ ევრომდე, ამიტომაც ჩართავს გარიგებაში საკუთარ ფეხბურთელებს: ან გონალონს ან ოლსენს.

14:11 უსმან დემბელემ წაშალა თავის „ინსტრაგრამში“ ინფორმაცია, რომ ის „ბარსელონას“ ფეხბურთელია.

14:32 ჯანლუკა დი მარციოს ინფორმაციით, „ტორინომ“ შეიძლება ერთბაშად ორი გარიგება განახორციელოს. ტურინელები „მილანიდან“ აიყვანენ დიეგო ლაკსალტს (იჯარით) და ცხრა მილიონს გადაიხდიან ფრანსუა კამანოში „ბორდოდან“.

14:47 უკრაინელი ევგენი კონოპლიანკას აგენტმა თავისი კლიენტი „რომას“ შესთავაზა. პეროტის ტრავმის გამო, რომაელები სერიოზულად დაფიქსირდნენ. (Romanews)

14:42 ოფიციალურად! „ნიუკასლის“ ყოფილი ფეხბურთელი იოჰან კაბაი „სენტ ეტიენში“ გადავიდა.

14:48 ჩენქ თოსუნს არ სურს „ევერტონის“ დატოვება. უფრო ადრე, ფორვარდს უკავშირებდნენ „აინტრახტში“ გადასვლას. (Turkish Football)

14:59 კასერესი ახლოს არის „ფიორენტინაში“ გადასვლასთან. ფლორენციელები ამზადებენ ორწლიან კონტრაქტს. (Tuttomercatoweb)

15:06 „მანჩესტერ იუნაიტედი“ აპირებს თავიდან მოიშოროს მარკოს როხო, რომლითაც დაინტერესებულები არიან - „მონაკო“, „მარსელი“ და „მილანი“. (The Guardian)

15:11 „მილანი“ მზად არის ანხელ კორეაში 40 მილიონი ევრო გადაიხადოს. (AS)

15:20 „სასუოლომ“ 13 მილიონი ევრო მოამზადა „ნაპოლიდან“ ვლად კირიკეშის შესაძენად. (Tuttosport)

15:26 „მანჩესტერ იუნაიტედმა „ჰართსის“ მცველს აარონ ჰიკის დაადგა თვალი. გარიგება 1.5 მილიონი ევროს ოდენობის იქნება.

15:29 „რომამ“ გამოაცხადა, რომ ორი ახალი ფეხბურთელით არის დაინტერესებული - ემრე ჯანი და მარიო მანჯუკიჩი.

15:38 ჯანლუკა დი მარციო წერს, რომ გარი მედელი იტალიაში ჩაფრინდა „ბოლონიასთვის“ სამედიცინო შემოწმების გასავლელად. ტრანსფერის თანხაა - 2.5 მილიონი ევრო.

15:45 კარლოს კამენიმ კონტრაქტი გაწყვიტა“ფენერბაჰჩესთან“ და უახლოეს პერიოდში, შესაძლოა, ესპანეთში აღმოჩნდეს. მანამდე ის „მალაგაში“ მუშაობდა. (AS)

15:48 ჟურნალისტმა გილემ ბალაგემ დაწერა, რომ „ბარსელონამ“ მიმართა 125-მილიონიანი წინადადებით ნეიმართან დაკავშირებით. ამ თანხას ემატება დემბელე და რაკიტიჩი.

15:57 ოფიციალურად! ფელიქს უდუოხაი „აუგსბურგში“ ითამაშებს ერთი წელი. მანამდე ის „ვოლფსბურგში“ გამოდიოდა.

16:05 ოფიციალურად! „ტვენტემ“ იჯარით აიყვანა ორიოლ ბუსკეტსი „“ბარსელონადან“.

16:11 ოფიციალურად! „ფიორენტინამ“ გამოაცხადა, რომ დალბერტი „ინტერიდან“ ფლორენციულ კლუბს უერთდება.

16:24 „სამპდორიას“ პრეზიდენტმა მასიმო ფერერომ განაცხადა, რომ გრეგუარ დეფრელი დაბრუნდება რომში.

16:11 ოფიციალურად! „ფიორენტინამ“ გამოაცხადა, რომ დალბერტი „ინტერიდან“ ფლორენციულ კლუბს უერთდება.

16:34 ფერნანდო ლორენტე 99 პროცენტით - „ნაპოლის“ ფეხბურთელია. უახლოეს დღეებში მოთამაშე და კლუბი გააფორმებენ გარიგებას.

16:57 პეტანიამ დააინტერესა „ინტერი“ და მისი მთავარი მწვრთნელი ანტონიო კონტე. (Calciomercato)

17:03 „იუვენტუსი“ და „მილანი“ იბრძვიან „არსენალის“ აღზრდილისთვის სემ გრინვუდისთვის. იტალიელი სკაუტები 17 წლის ბიჭს ჯერ კიდევ იუნიორთა ევროპის ჩემპიონატიდან აკვირდებიან. (The Sun)

17:23 „ინტერისგან“ და „მანჩესტერ იუნაიტედისგან“ ინტერესის მიუხედავად, „ლაციო“ ამზადებს ახალ კონტრაქტს მილინკოვიჩ-სავიჩთან.

17:27 დემბელეს აგენტმა უარყო თავისი კლიენტის „პარი სენ-ჟერმენში“ გადასვლის ვარიანტი: „დემბელე დარჩება „ბარსელონაში“, ამაში 100 პროცენტით ვარ დარწმუნებული. დემბელეს უნდა „ბარსელონასთან“ ერთად გამარჯვებები“.

17:32 „სევილიამ“ მოისურვა მარიანო დიასის ყიდვა. ეს იმ შემთხვევისთვის, თუ დაბური მაინც დატოვებს ლოპეტეგის გუნდს. (Marca)

17:37 „ფლამენგოს“ სურს გამოისყიდოს „ინტერიდან“ ფორვარდი გაბი ბარბოზა, რომელიც „ნერაძურიმ“ 30 მილიონ ევროდ იყიდა. ბრაზილიელები სთავაზობენ 18 მილიონს.

17:42 „ლივერპული“ ითხოვს „რომასგან“ 20 მილიონ ევროს დეიან ლოვრენის სანაცვლოდ. ადრე რომაელები სთავაზობდნენ იჯარისთვის სამი მილიონ ევროს. (Tuttomercatoweb)

17:46 ოფიციალურად! „ატალანტამ“ „სევილიადან“ იჯარით აიყვანა გილერმე არანი - ერთ მილიონ ევროდ.

17:52 „რეალი“ მოლაპარაკებებში შევიდა „სპორტინგთან“ ბრუნო ფერნანდეშის შეძენაზე. მადრიდელები 80 მილიონს იხდიან. (AS)

18:14 ალექს პოსომ „სევილიასთან“ 2023 წლის ზაფხულამდე გააფორმა კონტრაქტი.

18:20 თითქმის გადაწყვეტილია დიეგო ლაკსალტის „ტორინოში“ გადასვლა.

18:43 ალექსის სანჩესი უკვე მილანშია და მალე „ინტერის“ ფეხბურთელი გახდება.

19:12 რობინ ოლსენი ცალი ფეხით „კალიარიშია“. ეს მეკარე არ სჭირდება „რომას“.

19:29 „ვალენსია“ დაბრუნდა სატრანსფერო ბაზარზე, რადგან ტრავმირებული ჰყავს მარჯვენა მცველი პიჩინი. (Marca)

19:42 ფრანკო ვასკესი არ სჭირდება „სევილიაში“ მთავარ მწვრთნელს ხულენ ლოპეტეგის. ფეხბურთელი ახლოს არის „ტორინოში“ გადასვლასთან.

20:03 ოფიციალურად! სპალ-მა „ატალანტადან“ იჯარით აიყვანა არკადიუშ რეცა.

20:23 „ლაციო“ და „მალაგა“ კამათობდნენ ხონი როდრიგესის სატრანსფერო თანხაზე, ამიტომაც, ფეხბურთელს არ შეეძლო მინდორზე გასვლა რომაელების რიგებში. საბოლოოდ, ფიფა „ლაციოს“ მხარეს დადგა, ამიტომაც ფეხბურთელი უახლოეს რომაულ დერბიში მონაწილეობას მიიღებს.

20:53 „ჩივასის „ ბოსებს სურთ მექსიკაში დააბრუნონ ჩიჩარიტო. (Sky Sports)

21:19 მირანდა არ წავა „იუვენტუსში“. „ბარსელონა“ მას „შალკეში“ ორწლიანი იჯარით გაუშვებს.

21:46 იმბულა ახლოს არის „ლეჩეში“ გადასვლასთან. ადრე მან განაცხადა, რომ მისი გადასვლა „სტოკში“ შეცდომა იყო.

ყოველდღიური სპორტული გაზეთი "ლელო"
759
მკითხველის კომენტარები / 0 /
მსგავსი ამბები
რუბრიკის სხვა სიახლეები
;