ტრანსფერები-ONLINE: დე როსი ბოკაში  და არსენალის  ორი შენაძენი 

13:59 ოფიციალურად! “ევერტონის” ნახევარმცველი ადემოლა ლუკმენი “ლაიპციგში” გადავიდა. 21 წლის ნახევარმცველმა ხუთწლიანი კონტრაქტი გააფორმა. ტრანსფერის თანხამ 23 მილიონი ევრო შეადგინა. ლუკმენი უკვე თამაშობდა “ლაიპციგში” - იჯარის წესია 2017-18 წლების სეზონის მეორე ნახევარში.

14:17 “მილანი” ახლოს არის “ვულვერჰემპტონში” ფორვარდ პატრიკ კუტრონეს გაყიდვასთან. ინგლისელებმა ფეხბურთელში 18 მილიონი ევრო უნდა გადაიხადონ.

14:28 ოფიციალურად! “სუონსის” ფორვარდი ჯორდან აიუ “კრისტალ პალასში” დაბრუნდა. განელ ფეხბურთელთან სამწლიანი კონტრაქტი გაფორმდა.

14:36 დღეს უნდა გაიმართოს შეხვედრა “ნაპოლის” წარმომადგენლებსა და აგენტ ჟორჟე მენდეშს შორის - მოლაპარაკების საგანია ხამეს როდრიგესის გადასვლა იტალიურ კლუბში.

14:57 ოფიციალურად! “ბოკა ხუნიორსმა” ოფიციალურად დაადასტურა თავის რიგებში “რომას” ლეგენდის დანიელე დე როსის გადასვლა.

16:24 “კალიარი” მზად არის 18 მილიონი ევრო გადაუხადოს “ბოკა ხუნიორსს” ურუგვაელ ნაიტან ნანდესში.

18:22 ოფიციალურად! მადრიდის “რეალის” ნახევარმცველი დანი სებალიოსი “არსენალში” ითამაშებს. მხარეებმა უკვე მიაღწიეს შეთანხმებას ერთწლიან იჯარაზე.

19:31 ევერ ბანეგამ შეიძლება ისევ დატოვოს “სევილია”. არგენტინელ ნახევარმცველზე პრეტენზიას აცხადებს “გალათასარაი”. ასევე დაინტერესებას იჩენს “ბოკა ხუნიორსი” და რამდენიმე არაბული კლუბი.

19:47 ოფიციალურად! დუგლას ლუიში, რომელიც “მანჩესტერ სიტის” ეკუთვნოდა, მაგრამ იჯარით რამდენიმე კლუბში ითამაშა, “ასტონ ვილაში” გადავიდა. ტრანსფერის თანხამ 16.8 მილიონი ევრო შეადგინა. ლუიში “სიტიში” 2017 წელს 12 მილიონ ევროდ გადავიდა “ვასკო და გამადან”, მაგრამ ერთი მატჩიც არ ჩაუტარებია ინგლისის ჩემპიონის რიგებში.

20:21 ოფიციალურად! “სენტ ეტიენის” ცენტრალური მცველი ვილიამ სალიბა “არსენალის” ახალწვეული გახდა. ფეხბურთელმა ლონდონურ კლუბთან მრავალწლიანი კონტრაქტი გააფორმა. ამ სეზონს ის “სენტ ეტიენში” იჯარით ითამაშებს და გაისად შეუერთდება “არსენალს”. უნაი ემერის გუნდს ეს ტრანსფერი 29 მილიონი ევრო დაუჯდა.

21:14 ოფიციალურად! “შტუტგარტმა” ჰოლანდიაში გაუშვა მცველი ტიმო ბაუმგარტლი. “ეინდჰოვენმა” 23 წლის ფეხბურთელში 10 მილიონი ევრო გადაიხადა.

21:23 სამ იტალიურ გუნდს სურს “სევილიიდან” ვისამ ბენ იედერის შეძენა. ესენი არიან - “რომა”, “მილანი” და “ნაპოლი”.

ყოველდღიური სპორტული გაზეთი "ლელო"
682
მკითხველის კომენტარები / 0 /
მსგავსი ამბები
რუბრიკის სხვა სიახლეები
;