ტრანსფერები - ONLINE: დიდი გაცვლა - ალექსის სანჩესი მხითარიანში... აბა, ობამეიანგი?

13:17 სატრანსფერო დღე ალექსის სანჩესის თემით იწყება. ჩილელი დათანხმდა "მანჩესტერ იუნაიტედში" ტრანსფერს. "არსენალს" არ უნდა სანჩესში ფულის აღება, არამედ მის ნაცვლად სურს ჰენრიხ მხითარიანი. სომეხი უკვე აწარმოებს მოლაპარაკებებს ლონდონელებთან (Sky Sports).

13:24 ემრე ჩანმა გამოაცხადა, რომ არ გაუფორმებია წინასწარი კონტრაქტი "იუვენტუსში" გადასვლაზე. ეს ნიშნავს, რომ 24 წლის გერმანელი ჯერ ისევ აწარმოებს მოლაპარაკებებს "ლივერპულთან" ახალ კონტრაქტზე (The Times).

14:03 პიერ-ემერიკ ობამეიანგმა ტრანსფერი მოითხოვა "დორტმუნდის" ხელმძღვანელობას. გაბონელს "არსენალში" გადასვლა სურს. გარიგება 58 მილიონ ევროდ ფასდება (Bild).

14:16 "ნაპოლი" აიყვანს ლუკაშ მოურას, თუ ჩაიშლება სიმონე ვერდის ტრანსფერი "ბოლონიადან". "პარი სენ-ჟერმენის" ბრაზილიელი ნეაპოლში იჯარით გადავა. გარდა ამისა, "ნაპოლი" პრეტენზიას აცხადებს ჟერარ დეულოფეუზე (Football Italia).

14:30 ცნობილი ესპანელი ჟურნალისტი გილიემ ბალაგე აცხადებს, რომ წლების განმავლობაში პირველად, კრიშტიანო რონალდო მართლაც ახლოს არის "მანჩესტერ იუნაიტედში" დაბრუნებასთან.

14:52 "რეალი" გადაუხდის "ინტერს" მაურო იკარდის კონტრაქტში გაწერილ გასაყიდ თანხას - 100 მილიონ ევროს. და ეს ამ ზამთარს მოხდება. არგენტინელს შეეძლება ჩემპიონთა ლიგაზე თამაში (AS).

15:00 "არსენალმა" ჯეკ უილშირს ახალი კონტრაქტი შესთავაზა. ნახევარმცველი კარგავს ხელფასში, მაგრამ გათვალისწინებული იქნება ბონუსები.

15:10 "ლაიპციგმა" თვალი დაადგა ჯასტინ კლუივერტს. ლეგენდის ვაჟი "აიაქსსა" და ჰოლანდიის U21 ნაკრებში თამაშობს. მას დიდი ხანია თვალს ადევნებს "მანჩესტერ იუნაიტედი". კონტრაქტი ამსტერდამელებთან 2019 წლის ზაფხულში იწურება.

15:20 ანტონიო კონტე უარს ეუბნება მიშუ ბატშუაის იჯარით "სევილიაში" გადასვლაზე. ყველამ მხარემ მოილაპარაკა, მაგრამ იტალიელი ბლოკავს გარიგებას იქამდე, სანამ ბელგიელის შემცვლელს არ იპოვის (Mirror).

16:01 "ინტერის" წარმომადგენლები გაემგზავრნენ ბარსელონაში, რათა დააჩქარონ რაფინია ალკანტარას ტრანსფერი, - წერს ჯანლუკა დი მარციო. ლაპარაკია იჯარაზე სეზონის ბოლომდე.

16:15 ჰენრიხ მხითარიანი მოელაპარაკა "არსენალს", ალექსის სანჩესი - "იუნაიტედს". გუნდები უახლოეს დღეებში გაცვლიან მოთამაშეებს.

16:16 კიდევ ერთი გარიგება "არსენალისგან": ტეო უოლკოტმა სამედიცინო შემოწმება გაიარა "ევერტონში" და მალე მოაწერს ხელს კონტრაქტს, - იტყობინება ჟურნალისტი ჩარლზ უოტსი.

16:26 მინო რაიოლამ სიცხადე შეიტანა სანჩეს-მხითარიანის საქმეში: "ალექსისი - ნაწილია "არსენალში" მხითარიანის გაყიდვის გარიგებაში. მაგრამ თავად მიკის ჯერ არ აქვს გადაწყვეტილი, რა არის მისთვის უკეთესი. მოქმედი კონტრაქტით მას 2.5 წელი დარჩა" (The TImes).

17:40 "ნორვიჩის" 21 წლის ტალანტი ჯეიმს მედისონი ძალიან აინტერესებს "ტოტენჰემს". ამ ფეხბურთელისთვის ლონდონელები ებრძვიან "ლივერპულსა" და "მანჩესტერ სიტის" (London Evening Standard).

17:50 "რეალის" პრეზიდენტმა ფლორენტინო პერესმა აგენტს ჟორჟე მენდეშს მიმართა, რომ კრიშტიანო რონალდოსთვის ახალი კლუბი ეძებოს. ადრე AS-მა დაწერა, პორტუგალიელს თავად უნდა კლუბის დატოვება, რადგან მოტყუებულად გრძნობს თავს: თურმე, ჩემპიონთა ლიგის მოგების შემდეგ, პერესი რონალდოს ახალ კონტრაქტს დაჰპირდა, მაგრამ სიტყვა არ შეასრულა.

18:02 "არსენალი" ძალიან აქტიურობს ბაზარზე. სანჩესისა და მხითარიანის სავარაუდო გაცვლის შესახებ ინფორმაციას ემატება იმავე სქემით გარიგება: ოლივიე ჟირუს ჩართვა ობამეიანგის შესაძენად (Miirror).

18:30 "მანჩესტერ სიტიმ" მუშაობა დაიწყო "შახტარიდან" ფრედის შეძენაზე. ხოსეპ გვარდიოლა ბრაზილიელს განიხილავს იაია ტურეს შემცვლელად და ფერნანდინიოს დუბლიორად. უკრაინულ გუნდთან მოლაპარაკებები უკვე დაიწყო. ფრედის ფასი 19 მილიონი ევროა (The Telegraph).

18:48 ტეო უოლკოტის გადასვლა "ევერტონში" დასრულებულია, თუმცა, ოფიციალურად ამის შესახებ ხვალ გამოაცხადებენ. ლივერპულურმა კლუბმა 22 მილიონი ევრო გადაიხადა (BBC).

19:17 "პარი სენ-ჟერმენმა" თვალი დაადგა "ჩელსის" ლიდერს - პარიზელებისთვის ზაფხულში მთავარი სატრანსფერო მიზანი ნ"გოლო კანტე იქნება (Daily

19:44 "სუონსიმ" და "ატლეტიკომ" ვერ მოილაპარაკეს კევინ გამეიროსა და ნიკოლას გაიტანის ტრანსფერზე. პირადი შეხვედრის შემდეგ, მადრიდელები გამოვიდნენ მოლაპარაკებებიდან (Sky).

20:00 "ლივერპულის" მეკარე სიმონ მინოლე, სავარაუდოდ, "ნაპოლიში" გადავა. ტრანსფერი რეალური იქნება ზაფხულში. მერსისაიდელები მეკარეს 15-20 მილიონ ევროდ აფასებენ (Het Nieuwsblad).

20:57 "ნიცას" ნახევარმცველი ვენსან კოზიელო "კიოლნში" გადავიდა. 22 წლის ფრანგის ფასი 3.5 მილიონი ევროა, კონტრაქტის ხანგრძლივობა - 4.5 წელი.

ყოველდღიური სპორტული გაზეთი "ლელო"
1615
მკითხველის კომენტარები / 0 /
მსგავსი ამბები
რუბრიკის სხვა სიახლეები
;