ტრანსფერები-ONLINE:იკარდი რჩებაო, ნეიმარი უფრო  რეალისკენ იხრება, ინტერი ალექსისთან ახლოსაა, იუვე და ბარსა ფერხბურთელებს ცვლიან?

13:07 მაურო იკარდის აგენტმა და მეუღლემ ვანდა ნარამ განაცხადა, არგენტინელმა უარი უთხრა ყველა მსურველს და დარჩება მილანის „ინტერში“.

13:22 „პარი სენ-ჟერმენის“ მთავარმა მწვრთნელმა თომას ტუხელმა განაცხადა, რომ სურს ნეიმარის შემადგენლობაში შენარჩუნება.

14:05 ოფიციალურად! „რენმა“ დაადასტურა ჟორის ნიანონის დაბრუნება. ის შარშან გაყიდეს „სევილიაში“, მაგრამ ცენტრალურმა მცველმა ვერ მოიკიდა ფეხი ანდალუსიაში და ისევ საფრანგეთში ჩავიდა.

14:14 „რეალი“ „პარი სენ-ჟერმენში“ კეილორ ნავასის გაშვების შემთხვევაში, მარტენ სტეკელენბურგს მიიწვევს. ჰოლანდიის ნაკრების ყოფილი მეკარე დღეს მესამე ნომერია „ევერტონში“. მის კანდიდატურა მოიწონა ზინედინ ზიდანმა. (FootballInsider.com)

14:19 „ნიცა“ პრაქტიკულად მოელაპარაკა „ლორიანს“ ნახევარმცველ ალექსის კლოდ-მორისის ტრანსფერზე, რომლის ღირებულებაა 13-15 მილიონი ევრო. 21 წლის ბიჭით ინტერესდებოდნენ „ნორვიჩი“, „ვესტ ჰემი“ და „არსენალი“. (Ouest-France)

15:06 „ინტერმა“, შესაძლოა, გაცვალოს ჟოაო მარიო „მონაკოში“ ფორვარდ პიეტრო პელეგრიში. (Sport Mediaset)

15:29 „რეისმა“ თითქმის გაიფორმა 19 წლის მცველი ავსტრიის ახალგაზრდული ნაკრებიდან და „შტურმიდან“ - დარიო მარეშიჩი. ფეხბურთელი უკვე საფრანგეთშია და პირადი კონტრაქტის დეტალებს ათანხმებს. (L’Union)

15:33 გარი მედელი სერია A-ში დაბრუნდება. ჩილელი „ბეშიქთაშიდან“ „ბოლონიაში“ გადავა და „2+1“ სქემით გააფორმებს კონტრაქტს. გარიგების ღირებულებაა 2.5 მილიონი ევრო.

15:47 „მანჩესტერ იუნაიტედის“ ნახევარმცველი ფრედი, შესაძლოა, „ფიორენტინაში“ გადავიდეს. იტალიური კლუბი 26 წლის ფეხბურთელში 16 მილიონ ევროს იხდის. (La Nazione)

16:09 „იუვენტუსი“ მოლაპარაკებებს აწარმოებს „ბარსელონასთან“ ფეხბურთელების გაცვლაზე. ტურინელებს უნდათ ივან რაკიტიჩი, მის ნაცვლად კი სთავაზობენ ემრე ჩანს. გერმანელს ესმის, რომ ვერ მიიღებს სათამაშო პრაქტიკას ახალბედების - რაბიოსა და რემზის გამო და წასვლა უნდა. (Tuttosport)

16:18 ოფიციალურად! „მალიორკამ“ „უოტფორდიდან“ აიყვანა გარემარბი კუჩო ერნანდესი. გასული სეზონი მან იჯარით „უესკაში“ ითამაშა.

16:29 ოფიციალურად! ბას დოსტი ბუნდესლიგაში დაბრუნდა. ჰოლანდიელი ფორვარდი „სპორტინგიდან“ „აინტრახტში“ გადავიდა. მან სამწლიანი კონტრაქტი გააფორმა და მეცხრე ნომერი აირჩია. გარიგების თანხაა - შვიდი მილიონი ევრო.

16:50 „იუვენტუსი“ ფავორიტია „პარი სენ-ჟერმენისა“ და საფრანგეთის ახალგაზრდული ნაკრების მარცხენა მცველის სტენლი ნსოკის ხელში ჩასაგდებად. (L’Equipe)

16:59 ანდრე სილვა კიდევ ერთ სეზონს გაატარებს ესპანეთში. მაგრამ არა „სევილიაში“, არამედ „ესპანიოლში“. კატალონელები აწარმოებენ მოლაპარაკებებს ფორვარდის გამოსყიდვის უფლებისთვის. (Sport)

17:09 „ბარსელონამ“ გაიფორმა 17 წლის მცველი ხავიერ მბუიამბა. ის მესამე ჰოლანდიელია, რომელიც კატალონიელებმა ამ ზაფხულს შეიძინეს.

17:23 ინგლისის ნაკრების მეკარე ჯეკ ბატლენდი ზამთარში დაბრუნდება პრემიერლიგაში. დღეს ის ჩემპიონშიფში „სტოკის“ ღირსებას იცავს, იანვარში კი, შესაძლოა, „ნორვიჩმა“ გადაიბიროს. „სტოკი“ ფეხბურთელში 27.5 მილიონ ევროს ითხოვს. (The Sun)

17:33 „ბარსელონა“ ბოლო წინადადებას ამზადებს ნეიმარისთვის. ამჯერად, ესპანეთის ჩემპიონი სავარაუდო გარიგებაში ჩართავს უსმან დემბელეს. (El Chiringuito)

17:49 „პარი სენ-ჟერმენს“ ძალიან უნდა ვინისიუს ჟუნიორის „რეალიდან“ გადაბირება. ცხადია, ნეიმარის სანაცვლოდ. (El Chiringuito)

17:59 „შახტარის“ ნახევარმცველის ტაისონის აგენტმა დაადასტურა, რომ ისინი აწარმოებენ მოლაპარაკებებს „რომასთან“. მოსალოდნელ ტრანსფერს ხელს უწყობს ის, რომ „რომას“ მთავარი მწვრთნელია „შახტარის“ ყოფილი დამრიგებელი პაულო ფონსეკა.

18:10 ანხელ კორეა ახლოს არის „მილანში“ გადასვლასთან. ის ერთადერთი იყო, ვისაც მონაწილეობა არ მიუღია „ატლეტიკოს“ დღევანდელ ვარჯიშში. კლუბებმა ჯერ ისევ ვერ მოილაპარაკეს კომპენსაციაზე: „ატლეტიკოს“ უნდა 50 მილიონი ევრო, „ნერაძური“ 40 მილიონს სთავაზობს.

18:35 „მილანი“ მოლაპარაკებებს აწარმოებს „რივერ პლეიტთან მცველი ლუკას მარტინესის კუარტას შეძენაზე. მისი აგენტები უკვე იტალიაში არიან.

18:55 „ტოტენჰემის“ მცველი სერჟ ორიე მზად არის კლუბი შეიცვალოს. მას მოსწონს „მილანის“ პროექტი. მხალეები აწარმოებენ მოლაპარაკებებს. სახელდება რიცხვი - 25 მილიონი. (Soccerlink.fr)

18:58 ოფიციალურად! „მილანმა“ გაწყვიტა კონტრაქტი ივან სტრიმიჩთან - მხარეთა ორმხრივი შეთანხმებით.

19:36 „ბარსელონამ“ შეათანხმა „ტვენტესთან“ ორიოლ ბუსკეტსის იჯარა - 20 წლის საყრდენს იჯარით ჰოლანდიურ კლუბში გაუშვებენ. (Sport)

19:43 „პარი სენ-ჟერმენმა“ მოუძებნა შემცვლელი ნეიმარს. ეს იქნება „კრისტალ პალასის“ შემცვლელი უილფრიდ ზაჰა (Mirror).

19:49 თუ „მილანი“ არ იყიდის „ატლეტიკოდან“ ანხელ კორეას, მაშინ გადაერთვება „რეალიდან“ ხამეს როდრიგესზე. 

19:54 ცნობილმა ჟურნალისტმა ჯანლუკა დი მარციომ გამოაცხადა, რომ „ინტერი“ ძალიან ახლოს არის „მანჩესტერ იუნაიტედიდან“ ალექსის სანჩესის ტრანსფერთან.

20:05 „რეალი“ უფრო მომგებიან მდგომარეობაშია, ვიდრე „ბარსელონა“, ნეიმარის შეძენასთან დაკავშირებით.

20:28 ემანუელ ადებაიორი მოელაპარაკა პირობებზე „ქაისერის“ და მალე კონტრაქტს გააფორმებს.

21:31 ჰატემ ბენ არფა „ფენერბაჰჩეში“ გადავა. ფრანგი დღეს ჩადის სტამბოლში სამედიცინო შემოწმებაზე (Sabah).

ყოველდღიური სპორტული გაზეთი "ლელო"
884
მკითხველის კომენტარები / 0 /
მსგავსი ამბები
რუბრიკის სხვა სიახლეები
;