ტრანსფერები-ONLINE: ლესტერი მაგუაირს არ თმობს, ბუფონმა და  იუვენტუსმა  მოილაპარაკეს 

14:00 ოფიციალურად! “პარი სენ-ჟერმენმა” ხუთწლიანი კონტრაქტი გააფორმა პაბლო სარაბიასთან. ფრანგებმა ლა ლიგას ერთ-ერთ საუკეთესო ასისტენტში 19.5 მილიონი ევრო გადაუხადეს “სევილიას”.

14:12 ოფიციალურად! “ტოტენჰემმა” “ლიდსიდან” ნიჭიერი ფორვარდი ჯეკ კლარკი შეიძინა. 18 წლის ინგლისელი 2023 წლის ზაფხულამდე კონტრაქტს მოაწერს ხელს, თუმცა, ჯერ “ლიდსში” დარჩება და იქ იჯარის წესით ითამაშებს. ლონდონელებმა ამ ტრანსფერში 11 მილიონი ევრო გადაიხადეს.

14:22 ოფიციალურად! “სელტამ” გამოაცხადა დენის სუარესის ტრანსფერის შესახებ. ფეხბურთელი “ბარსელონიდან” შეიძინეს 15 მილიონ ევროდ. სუარესმა ოთხწლიანი კონტრაქტი გააფორმა.

14:51 “სევილია” საფრანგეთის ახალგაზრდული ნაკრების მცველით გაძლიერდება. ანდალუსიურ კლუბში “ბორდოდან” გადადის 20 წლის ჟიულ კუნდე. მასთან ხუთწლიანი კონტრაქტი გაფორმდება. ფრანგული კლუბი 25 მილიონ ევროს მიიღებს (20 Minutes).

15:26 “ლესტერმა” უარი უთხრა “მანჩესტერ იუნაიტედს” ჰარი მაგუაირის ტრანსფერზე. არადა, მანჩესტერული კლუბი მზად იყო 80 მილიონი ევრო გადაეხადა ინგლისის ნაკრების ცენტრალურ მცველში.

16:23 “ბორდომ” უკვე იპოვა ჟიულ კუნდეს შემცვლელი. ეს არის ლორან კოშელნი. ფრანგს 2020 წლის ბოლომდე აქვს გაფორმებული კონტრაქტი “არსენალთან” (L’Equipe).

16:48 “ლესტერსა” და “მონაკოს” შორის დიდი მოლაპარაკებები მიმდინარეობს იური ტილემანსთან დაკავშირებით. 22 წლის ბელგიელმა კარგი ნახევარი წელი გაატარა ინგლისში, ასე რომ, “ლესტერს” მყარად აქვს გადაწყვეტილი ფეხბურთელის გამოსყიდვა. ტილემანისის სატრანსფერო თანხა 38 მილიონ ევროდ არის შეფასებული (Sky Sports).

17:28 ოფიციალურად! “არსენალმა” გაიფორმა 18 წლის ბრაზილიელი გაბრიელ მარტინელი “იტუანოდან”. მისი ღირებულება ექვსი მილიონი ევრო იყო. ახალგაზრდა ფეხბურთელის კონტრაქტზე არაფერია ცნობილი. “იტუანო” ბრაზილიის მეოთხე დივიზიონში თამაშობს”არსენალს” კიდევ 50 მილიონი ევრო დარჩა ამ ზაფხულს ტრანსფერებისთვის (BBC).

17:50 “ლაციოს”, “ნაპოლის”, “ვესტ ჰემისა” და სხვა კლუბების ყოფილმა ფეხბურთელმა ვალონ ბეჰრამიმ სამშობლოში დაბრუნება გადაწყვიტა. მასთან კონტრაქტი გააფორმა “სიონმა”.

18:06 “პარი სენ-ჟემენის” ყოფილი მეკარე ჯანლუიჯი ბუფონი “იუვენტუსში” ბრუნდება. როგორც ჟურნალისტი ჯანლუკა დი მარციო თავის ვებგვერდზე წერს, 41 წლის ლეგენდამ შეათანხმა ყოფილ კლუბთან კონტრაქტი. მხარეებს მხოლოდ ხელშეკრულებაზე ხელის მოწერა რჩებათ.

20:00 “ინტერმა” ერთწლიანი ხელშეკრულება დაუდო “სასუოლოს ნახევარმცველს სტეფანო სენსის.

20:53 “ვესტ ჰემმა” სარფიანი წინადადება მიიღო ფორვარდ მარკო არნაუტოვიჩის ტრანსფერზე. ერთ-ერთი ჩინური კლუბი მზად არის მასში 19.7 მილიონი გირვანქა გადაიხადოს.

21:30 ოფიციალურად - “აინტრახტმა” გამოაცხადა ურუგვაის ახალგაზრდული ნაკრების ნახევარმცველის როდრიგო სალაზარის აყვანის შესახებ. 19 წლის ფეხბურთელი გერმანულ კლუბს უფასოდ ერგო. კონტრაქტი სამწლიანია.

ყოველდღიური სპორტული გაზეთი "ლელო"
338
მკითხველის კომენტარები / 0 /
მსგავსი ამბები
რუბრიკის სხვა სიახლეები
;