ტრანსფერები-ONLINE: ლივერპული აქტიურობს, ბარსელონა მოთამაშეებს ყიდის, სიტი სანეს არ თმობს

14:02 “რომამ” თავის ოფიციალურ ვებგვერდზე გამოაცხადა ბერძენი მცველის კოსტას მანოლასის “ნაპოლიში” გადასვლის შესახებ. 28 წლის ფეხბურთელის ტრანსფერის თანხამ 36 მილიონი ევრო შეადგინა. კონტრაქტის პირობები ჟურნალისტებისთვის უცნობი დარჩა.

მანოლასი “რომაში” 2014 წლის ზაფხულში გადავიდა “ოლიმპიაკოსიდან”. მაშინ ტრანსფერის ღირებულება 15 მილიონი ევრო იყო. გასულ სეზონში ბერძენმა 27 მატჩი ჩაატარა სერია A-ში და თითო გოლი და შედეგიანი პასი ჰქონდა.

14:04 ჯონ ობი მიკელი თურქეთის სუპერლიგაში ითამაშებს. 32 წლის ნახევარმცველი, რომელიც ბოლო სეზონში “მიდლსბროს” რიგებში თამაშობდა, თავისუფალი აგენტის სტატუსით გადავიდა “ტრაბზონში”, რომელიც შემდეგ სეზონში ევროპის ლიგაში ითამაშებს.

14:10 “ბარსელონამ” გაყიდა ორი მოთამაშე: “სელტაში” გადავიდა დენის სუარესი - 15 მილიონად, ხოლო “ბეტისში” წავიდა ემერსონი. კატალონელებმა მის სანაცვლოდ ექვსი მილიონი ევრო მიიღეს.

14:34 “ლივერპულის” ფეხბურთელმა მარკო გრუიჩმა ბერლინის “ჰერტასთან” იჯარა გააგრძელა. იურგენ კლოპი არ ყიდის ამ ფეხბურთელს, რადგან ამტკიცებს, რომ გრუიჩი მის გეგმებში რჩება.

15:36 “პორტუდან” ექვსი ფეხბურთელი წავიდა თავისუფალი აგენტის სტატუსით: იასინ ბრაიმი, ექტორ ერერა, ფაბიანო ფრეიტასი, ერნანი ფორტეში, ადრიან ლოპესი და მაქსი პერეირა.

16:40 ჭორების მიხედვით, ნეიმარს სურს საბოტაჟი გამოუცხადოს “პარი სენ-ჟერმენის” ვარჯიშებს, რათა დააჩქაროს საკუთარი ტრანსფერი “ბარსელონაში”. პარიზელები 8 აგვისტოს იწყებენ ვარჯიშებს.

17:39 “დორტმუნდმა” გაიფორმა “ბარსელონას” აღზრდილი მატეუ მორეა. 19 წლის მცველმა ხუთწლიანი კონტრაქტი გააფორმა.

17:56 ფრანგული პრესა ამტკიცებს, რომ “ლივერპული” აპირებს ფილიპე კოუტინიოს დაბრუნებას - “ბარსელონაში” წასვლიდან 18 თვის შემდეგ. ბრაზილიელის ღირებულება 100 მილიონ ევროს შეადგენს.

18:59 ჩე ადამსი “საუთჰემპტონის” ფეხბურთელი გახდა, “ბირმინგემმა” მის სანაცვლოდ 18.5 მილიონი მიიღო.

19:35 “ინტრემა” “ჰერტადან” ვალენტინო ლაზარო შეიძინა.

20:03 “რეალმა” და “ჩელსიმ” მატეო კოვაჩიჩის გამოსყიდვაზე მოილაპარაკეს. “რეალი” ხორვატში 50 მილიონს მიიღებს.

20:34 კაუდიო მარკიზიომ დატოვა “ზენიტი”. კლუბმა და იტალიელმა კონტრაქტი გაწყვიტეს.

20:48 “მანჩესტერ სიტის” ისევ ეიმედება ლეროი სანესი და არ სურს გერმანელის დაკარგვა (Sky Sports).

21:35 “იუვენტუსმა” გამოაცხადა ადრიენ რაბიოს შეძენის შესახებ. კონტრაქტი ოთხწლიანია. ტურინელებს ფეხბურთელი ერთი ცენტიც არ დაჯდომიათ.

21:43 “მონაკომ” გამოისყიდა ჟერსონ მარტინში “ატლეტიკოდან”. ტრანსფერის დეტალები არ ზუსტდება.

ყოველდღიური სპორტული გაზეთი "ლელო"
859
მკითხველის კომენტარები / 0 /
მსგავსი ამბები
რუბრიკის სხვა სიახლეები
;