ტრანსფერები-ONLINE: მანჯუკიჩმა უარი თქვა, ლევანდოვსკიმ კონტრაქტი გააგრძელა, დოლბერგი ნიცაში გადავიდა...

13:08 ალექსის სანჩესმა წარმატებით გაიარა სამედიცინო შემოწმება „ინტერისთვის“ და მალე გამოცხადდება ჩილელის ტრანსფერის შესახებ.

13:36 ოფიციალურად! კრისტიანო ბირაგი „ფიორენტინადან“ „ინტერში“ გადავიდა. 26 წლის მცველი საიჯარო ხელშეკრულებას გააფორმებს.

13:43 ოფიციალურად! როგორც ირკვევა, „ფიორენტინამ“ ბირაგი ბრაზილიელ მცველ დალბერტში გაცვალა. მანაც საიჯარო ხელშეკრულება გააფორმა.

14:03 „პარი სენ-ჟერმენმა“ ორდღიანი მოლაპარაკებების შემდეგ, უარყო „ბარსელონას“ წინადადება ნეიმარის თაობაზე. პარიზელებს მხოლოდ ფულადი კომპენსაცია სურთ და უარს ამბობენ ფეხბურთელების გაცვლაზე. (RMC Sport)

14:04 კეილორ ნავასი „რეალიდან“ „პარი სენ-ჟერმენში“ გადავა 13 მილიონ ევროდ და ახალ კლუბთან ოთხწლიან კონტრაქტს გააფორმებს. კოსტარიკელის ხელფასი პსჟ-ში ექვსი მილიონი ევრო იქნება წელიწადში. არ არის გამორიცხული, საპირისპირო მიმართულებით გაემგზავროს პარიზელთა მეკარე ალფონს არეოლა. (El Chiriguito)

14:08 ოფიციალურად! გარი მედელი სერია A-ში ბრუნდება. ჩილელი საყრდენი „ბეშიქთაშიდან“ „ბოლონიაში“ გადავიდა.

14:10 ოფიციალურად! „იუვენტუსის“ ფორვარდმა მარიო მანჯუკიჩმა უარი თქვა „პარი სენ-ჟერმენში“ ტრანსფერზე.

14:22 ოფიციალურად! რობერტ ლევანდოვსკიმ გააგრძელა კონტრაქტი „ბაიერნთან“ 2023 წლის ზაფხულამდე. 

14:26 „აიაქსის“ სპორტულმა დირექტორმა მარკ ოვერმარსმა გამოაცხადა, რომ დონი დე ბეეკი არ დატოვებს გუნდს ამ სატრანსფერო ფანჯრისას. 

14:34 ჟურნალისტი ჯანლუკა დი მარციო წერს, რომ „რომაში“ იჯარის წესით „მანჩესტერ იუნაიტედიდან“ გადავა კრის სმოლინგი. იტალიური კლუბი კვლავაც ცენტრალური მცველის ძიებაშია.

14:42 „პარი სენ-ჟერმენს“ სამი კვირა არ ეყოლება კილიან მბაპე და ედინსონ კავანი, ამიტომაც შეტევის გაძლიერებაზე ზრუნავენ. ფრანგები ნადირობენ მაურო იკარდიზე „ინტერიდან“, პაულო დიბალაზე „იუვენტუსიდან“, უსმან დემბელეზე „ბარსელონადან“ და კრისტიან ერიქსენზე „ტოტენჰემიდან“. (Le Parisien)

14:46 „სასუოლო“ ფავორიტია „რომას“ ფორვარდ გრეგუარ დეფრელისთვის ბრძოლაში. ფრანგზე ასევე ნადირობდა „სამპდორია“. (Tuttomercatoweb)

15:04 ჯანლუკა დი მარციოს მიაჩნია, რომ „რეალი“ იჯარით „ჯენოაში“ გაუშვებს ბრაზილიელ ლუკას სილვას.

15:10 კიევის „დინამოს“ ცენტრალური მცველი ნიკიტა ბურდა „რომას“ სასურველი ფეხბურთელების სიაშია. 24 წლის უკრაინელი რომაელებს 4-5 მილიონი ევრო დაუჯდებათ. (La Gazzetta dello Sport)

15:20 17 წლის მარცხენა მცველი არტურ ზაგრე „პარი სენ-ჟერმენიდან“ „მონაკოში“ გადავა. ტრანსფერის თანხა იქნება 10 მილიონი ევრო, კონტრაქტი კი „3+2“ სქემით გაფორმდება. (Canal+)

15:23 ოფიციალურად! კასპერ დოლბერგი „აიაქსიდან“ „ნიცაში“ გადავიდა. 22 წლის დანიელმა ამსტერდამელებს 20.5 მილიონი ევრო მოუტანა.

15:39 „შალკე“ დაინტერესებულია ბელგიის ჩემპიონატის საუკეთესო ბომბარდირით მბვანუ სამატათი. გელზენკირხენელები მოლაპარაკებებს გამართავენ „გენკთან“ და განიხილავენ ტანზანიის ნაკრების 26 წლის ფორვარდის ტრანსფერს.

16:28 პოლ პოგბამ „მანჩესტერ იუნაიტედს“ განუცხადა, რომ არ გააგრძელებს მოქმედ კონტრაქტს. ფრანგს გადაწყვეტილი აქვს „რეალში“ გადასვლა, მაგრამ „იუნაიტედი“ მის სანაცვლოდ 165 მილიონ ევროს ითხოვს. (Marca)

16:31 ოფიციალურად! „მილანმა“ 20 წლის ფორვარდი ფრანკ ცაჯუტა იჯარით ბელგიის „შარლერუაში“ გაუშვა.

16:35 მოჰამედ ელ-ნენი მზად არის იჯარით „არსენალიდან“ „ბეშიქთაშშს“ გადავიდეს. (Daily Mail)

17:13 ოფიციალურად! ალექსის კლოდ-მორისი „ნიცაში“ გადავიდა. გასულ სეზონში საფრანგეთის ახალგაზრდული ნაკრების წევრმა „ლორიანის“ შემადგენლობაში 14 გოლი გაიტანა.

17:42 ოფიციალურად! იურგენ ლოკადია „ჰოფენჰაიმში“ გააგრძელებს კარიერას. ჰოლანდიის ნაკრების გარემარბი „ბრაიტონიდან“ ერთწლიანი იჯარით წავიდა ბუნდესლიგაში.

17:49 „ლევერკუზენი“ დაინტერესებულია ბელგიის ნაკრებისა და „ტოტენჰემის“ მცველით იან ვერტონგენით. (Kicker)

18:08 მიში ბატშუაი შეიძლება „ნაპოლიში“ გადავიდეს - მისი კანდიდატურა შესთავაზეს იტალიურ კლუბს. ამასთან, „ჩელსი“ ბელგიელს ხელფასის ნაწილს გადაუხდის. ასევე ფორვარდით „რომა“ ინტერესდება. (Radio Marte)

18:26 ჟურნალისტმა გილიემ ბალაგემ თავის „ტვიტერში“ დაწერა: „ნეიმარსა და „ბარსელონას“ შორის შეთანხმება არ შემდგარა. მაგრამ წყაროს ცნობით, ყველაფერი ძალიან ახლოს არის“.

18:29 ოფიციალურად! მატეუს პერეირა „დიჟონში“ გადავიდა იჯარის წესით. ადრე 21 წლის ბრაზილიელი გამთამაშებელი „იუვენტუსში“ გამოდიოდა.

19:06 „ვალენსია“ეძებს ტრავმირებული მარცხენა მცველის კრისტიანო პიჩინის შემცვლელს. ისინი ფიქრობენ „ნაპოლიდან“ ელსეიდ ჰიუსაის შეძენაზე. (Sky Sports)

19:07 ჯოელ ფელტმანმა გააგრძელა ხელშეკრულება ამსტერდამის „აიაქსთან“. 27 წლის მცველი დარჩება ჰოლანდიურ კლუბში 2021 წლის ზაფხულამდე.

19:09 ოფიციალურად! თურქეთის „ქასიმფაშამ“ 35 წლის პორტუგალიელი რიკარდო კუარეშმა გადაიბირა. კონტრაქტი „1+1“ სქემით გაფორმდა.

19:21 საფრანგეთის ნაკრების მეკარემ ბენუა კოსტილმა კონტრაქტი გააგრძელა „ბორდოსთან“. ის ამ გუნდში 2022 წლის ზაფხულამდე დარჩება.

19:26 ნეიმარის „ბარსელონაში“ გაშვების შემდეგ, „პარი სენ-ჟერმენი“ ეცდება „რეალიდან“ იჯარით ლუკა იოვიჩის აყვანას. (Soccerlink.fr)

20:15 მატეო დარმიანი დატოვებს „მანჩესტერ იუნაიტედს“ ამ სატრანსფერო ფარჯრისას. (BBC Sport)

20:27 „მილანის“ ფორვარდი ანდრე სილვა „ბენფიკას“ შეთავაზეს. აგენტი ცდილობს გაყიდოს ფეხბურთელი 25 მილიონ ევროდ ან იჯარით გაუშვას. ლისაბონელების გარდა, სილვა აინტერესებთ „მონაკოს“, „მარსელსა“ და „შალკეს“. (Calciomercato)

21:23 „არსენალის“ მთავარმა მწვრთნელმა უნაი ემერიმ განაცხადა, რომ კლუბში არ განიხილავენ მესუთ იოზილის ტრანსფერს და გერმანელი კვირის მატჩისთვის ემზადება.

21:49 32 წლის ჟერემი მენეზმა გააუქმა კონტრაქტი მექსიკის „ამერიკასთან“ - ორმხრივი შეთანხმებით.

21:53 დი მარციომ განაცხადა, რომ „მანჩესტერ იუნაიტედის“ მცველი კრის სმოლინგი დღეს ჩავა რომში სამედიცინო შემოწმებისთვის.

ყოველდღიური სპორტული გაზეთი "ლელო"
737
მკითხველის კომენტარები / 0 /
მსგავსი ამბები
რუბრიკის სხვა სიახლეები
;