ტრანსფერები - ONLINE: მთავარი ამბები დღეს მოხდება

13:16 "პარი სენ-ჟერმენის" შემტევი ლუკაშ მოურა ლონდონში ჩავიდა - "ტოტენჰემში" სამედიცინო შემოწმების გასავლელად. ბრაზილიელი 25 მილიონი ევრო ღირს (Esporte Interativo).

13:32 ოფიციალურად! ახალგაზრდა ბელგიელი ჩარლი მუსონდა "ჩელსიდან" "სელტიკში" გადავიდა - ნახევარი წლით.

13:54 ოფიციალურად! "ლივერპულის" ფორვარდი დანიელ სტარიჯი იჯარით "ვესტ ბრომვიჩში" გადავიდა. გარიგება დადასტურებულია და ლონდონელები 1.8 მილიონ ევროს გადაიხდიან.

14:00 ოფიციალურად! "სენტ ეტიენის" ნახევარმცველი ბრიან დაბო "ფიორენტინაში" გადავიდა. ის მალე სამედიცინო შემოწმებას გაივლის.

14:13 "მონაკომ" გამოაცხადა, რომ კლუბი არ გაუშვებს ტომა ლემარს ზამთრის სატრანსფერო ფანჯრისას.

14:42 ოფიციალურად! ხავი ფუეგო "ესპანიოლიდან" "ვილიარეალში" გადავიდა. მან ახალ კლუბთან ორწლიანი კონტრაქტი გააფორმა.

15:16 "პორტუმ" შეიძინა ვენესუელას ნაკრების მცველი იორდან ოსორიო. 23 წლის ფეხბურთელი პორტუგალიურ "ტონდელაში" თამაშობდა. მისი ტრანსფერის ღირებულება 1 მილიონი ევროა (O Jogo).

15:49 "ჩელსის" ახალი სამიზნე გახდა ფერნანდო ლორენტე "ტოტენჰემიდან". შესაძლებელია მისი გაცვლა მიშუ ბატშუაიში (BBC).

15:55 არგენტინელი ჟურნალისტი ლეანდრო მონტოია წერს, რომ "რეალი" გაიფორმებს მაურო იკარდის. ამისთვის ესპანური კლუბი "ინტერს" 106 მილიონ ევროს გადაუხდის და მატეო კოვაჩიჩსაც დაუთმობს.

16:40 მარკ ბარტრა დატოვებს გერმანიას და სამშობლოში დაბრუნდება. "ბეტისი" შეიძენს ესპანელს "დორტმუნდიდან". მხარეებმა თითქმის მოილაპარაკეს (El Mundo Deportivo).

16:43 "ბარსელონას" მეორე გუნდის ფორვარდი სერხიო გომესი სამედიცინო შემოწმებას გადის "დორტმუნდში". კატალონიელი გერმანიაში 3 მილიონ ევროდ გადადის (RAC1).

16:49 "უოტფორდმა" ოფიციალურად წარადგინა ჟერარ დეულოფეუ. ის "ბარსელონადან" იჯარით გადავიდა და საყვარელი მეშვიდე ნომერი მიიღო.

17:03 ოფიციალურად! "რენის" ფორვარდი ფერმან მუბელე იჯარის წესით "ტულუზაში" გადავიდა. კონტრაქტში არის ფეხბურთელის გამოსყიდვის პუნქტი, თუ "ტულუზა" თავიდან აიცილებს ლიგა 1-დან გავარდნას.

17:14 "რომას" ნახევარმცველი ემერსონი ლონდონში გაემგზავრა, სადაც მას "ჩელსიში" სამედიცინო შემოწმება ელოდება.

17:17 ოფიციალურად! "მანჩესტერ სიტიმ" თავის ვებგვერდზე წარადგინა ახალი შენაძენი - ცენტრალური მცველი ემერიკ ლაპორტი. 23 წლის ფეხბურთელში ინგლისელებმა დაახლოებით 70 მილიონი ევრო გადაიხადეს.

ბასკური წარმოშობის ფრანგმა უკვე გააფორმა "სიტისთან" კონტრაქტი, რომლის ხანგრძლივობა 6 წელია. ამ გარიგების შემდეგ, ლაპორტი მეორე ყველაზე ძვირად ღირებული მცველია ფეხბურთის ისტორიაში ლივერპულელი ვირჯილ ვან დეიკის (78.8 მილიონი ევრო) შემდეგ. ლაპორტი გვარდიოლას გუნდში მე-14 ნომრით ითამაშებს.

18:05 "რომა" მზად არის ბრუნო პერესის გაცვლაზე "ჯენოს" ნახევარმცველ დიეგო ლაკსალტში. კლუბები მოლაპარაკებებს აწარმოებენ.

18:31 "იუვენტუსს" კვლავინდებურად აინტერესებს ხვან-სონ ჰანი. ტურინულმა კლუბმა განაახლა მოლაპარაკებები "კალიარისთან". იტალიის ჩემპიონი მომავალი სეზონისთვის აპირებს კორეელის გაფორმებას (Tuttomercatoweb).

19:04 ოფიციალურად! "ბილბაომ" გამოისყიდა "რეალ სოსიედადიდან" ინიგო მარტინესი. ეს ტრანსფერი კლუბს 32 მილიონი ევრო დაუჯდა.

19:14 "გალათასარაიმ" "ინტერს" მიმართა იუტო ნაგამოტოს ტრანსფერზე. თურქული კლუბი 1 მილიონ ევროს გადაიხდის და იჯარით აიყვანს იაპონელს (Sky Sport Italia).

19:19 გავრცელდა ვიდეო, თუ როგორ მივიდა პიერ-ემერიკ ობამეიანგი "არსენალის" ბაზაზე.

19:23 "მანჩესტერ სიტიმ" წინადადებით მიმართ "ლესტერს" რიად მაჰრეზის შეძენაზე. პრემიერლიგის ლიდერი ალჟირელში 60 მილიონ ევროს იხდის ( France Football).

19:27 ოფიციალურად! "სუონსიმ" სეზონის ბოლომდე იჯარით გაუშვა "სევილიაში" როკე მესა. ამ ფეხბურთელმა პრემიერლიგაში 16 მატჩი ჩაატარა.

19:35 "გენჩლერი" მოლაპარაკებებს აწარმოებს პოლ პოგბას უფროს ძმასთან - ფლორენტენთან. 27 წლის ფეხბურთელი "სენტ ეტიენში" თამაშობს.

19:44 რიკარდო ორსოლინი ახლოს არის "ატალანტადან" "ბოლონიაში" გადასვლასთან. ახალგაზრდა გარემარბი "იუვენტუსს" ეკუთვნის. წელს მან რვა მატჩი ჩაატარა და ყველა - შეცვლაზე (Tuttosport).

19:48 "ნიუ იორკ სიტის" ნახევარმცველი ჯეკ ჰარისონი "მანჩესტერ სიტიში" გადავა 4.5 მილიონ ევროდ. "სიტი" მას მაშინვე იჯარით "მიდლსბროში" გაუშვებს გამოცდილების მისაღებად (sky Sports).

20:02 ლაპორტის მისვლის შემდეგ, "სიტის" დაცვაში ზედმეტი აღმოჩნდა ელიაკიმ მანგალა. მანჩესტერული კლუბი მას იჯარით გაუშვებს "ვესტ ჰემში", "ნიუკასლში" ან "ვალენსიაში".

20:17 პროგრესია ოლივიე ჟირუს "ჩელსიში" გადასვლის მხრივ. ფრანგმა შეათანხმა ანტონიო კონტეს გუნდთან პირადი კონტრაქტის დეტალები, მაგრამ კლუბებს შორის მოლაპარაკებები ჯერ მიმდინარეობს (L"Equipe).

20:20 "ლაციოს" სპორტული დირექტორი იგლი ტარე იტყობინება, ჰოლანდიელ მცველს სტეფან დე ვრის ახალ კონტრაქტს შესთავაზებენ.

20:23 18 წლის მარკუს მაკგუეინი "არსენალიდან" "ბარსელონაში" გადადის. მარკუსი ინგლისის U19 ნაკრებში თამაშობდა.

20:26 "გრემიოს" ერთ-ერთი ლიდერი ლუანი, შესაძლოა, "ნიუკასლში" გადავიდეს. ბრაზილიელით პირადად არის დაინტერესებული რაფა ბენიტესი.

20:30 "ნანტის" კაპიტანი, მარჯვენა მცველი ლეო დუბუა სეზონის ბოლოს "ლიონში" გადავა. ფეხბურთელს კონტრაქტი უმთავრდება და თავისუფალი აგენტის სტატუსით შეიცვლის კლუბს (L"Equipe).

20:35 ოფიციალურად! "კროტონემ" იჯარით აიყვანა "მილანის" 19 წლის ნახევარმცველი ნიკოლო ძანელეტო.

20:41 "მანჩენსტერ სიტის" ყოფილი ფეხბურთელი ბრუნო სუკულინი სამშობლოში დაბრუნდა - "ვერონადან" "რივერ პლეიტში" ამოჰყო თავი. მან არგენტინულ კლუბთან 2022 წლამდე გააფორმა კონტრაქტი.

20:55 ოფიციალურად! "ფრაიბურგმა" კონტრაქტი გააფორმა "ნიურნბერგის" საყრდენ ნახევარმცველ პატრიკ კამერბაუერთან. 20 წლის ფეხბურთელი ერთი ლიგით მაღლა ავიდა.

20:57 სერია B-ს კლუბმა "ფროზინონემ" დიეგო სიმეონეს უმცროსი ვაჟი - ჯანლუკა გაიფორმა. 18 წლის ბიჭი იტალიურ გუნდში იჯარით 18 თვე ითამაშებს (AS).

21:01 ოლივიე ჟირუ "ჩელსიში" 20 მილიონ ევროდ გადავა. ეს მას შემდეგ მოხდება, რაც ობამეიანგი "არსენალთან" გააფორმებს კონტრაქტს.

21:15 რიად მაჰრეზმა ოფიციალურად მოსთხოვა "ლესტერს" სხვა კლუბში გაშვება (Sky Sports).

21:40 ოფიციალურად! პერუს ნაკრების მცველმა კარლოს სამბრანომ ოთხწლიანი კონტრაქტი გააფორმა კიევის "დინამოსთან". ვეტერანი საბერძნეთის პაოკ-ში იჯარით თამაშობდა.

ყოველდღიური სპორტული გაზეთი "ლელო"
1318
მკითხველის კომენტარები / 0 /
მსგავსი ამბები
რუბრიკის სხვა სიახლეები
;