ტრანსფერები-ONLINE: მორენო  ვილიარეალში  მივიდა, ნეიმარი  და პოგბა გარბიან... 

14:00 ნეიმარმა პირველად მოითხოვა “პარი სენ-ჟერმენის” ხელმძღვანელობისგან “ბარსელონაში” გაშვება. თავის მხრივ, პარიზელები მზად არიან გაყიდონ ბრაზილიელი, ოღონდ აზუსტებენ, რომ ჯერ არ მიუღიათ კატალონელებისგან კონკრეტული წინადადება. (UOL Esporte)

14:39 ცნობილი იტალიელი ჟურნალისტი ჯანლუკა დი მარციო წერს, რომ “ნაპოლის” სპორტული დირექტორი კრისტიანო ჯინტოლი მადრიდში იმყოფება და მოლაპარაკებებს აწარმოებს “რეალთან” ხამეს როდრიგესის ტრანსფერზე.

14:58 “პორტუ” შეეცდება “პარი სენ-ჟერმენიდან” მეკარე კევინ ტრაპის გადაბირებას. გერმანელმა გასული სეზონი “აინტრახტში” გაატარა. ფრანკფურტელებმა სცადეს 10 მილიონ ევროდ ტრაპის გამოსყიდვა, მაგრამ პსჟ-მ უარი თქვა. (Le10 Sport)

15:26 “სენტ ეტიენმა” გამოაცხადა “ახალი ობამეიანგის” შეძენაზე. “მწვანეებმა” 4.5 მილიონი ევრო გადაიხადეს “ნიმისა” და გაბონის ნაკრების ნახევარმცველ დენი ბუანგაში.

15:35 “ჯენოას” მცველი კრისტიან რომერო სამედიცინო შემოწმებას გადის “იუვენტუსში” გადასვლის წინ.

16:03 კიდევ ერთმა გაბონელმა ფეხბურთელმა მარიო ლემინამ შეატყობინა მთავარ მწვრთნელ რალფ ჰაზენჰიუტლს “საუთჰემპტონის” დატოვების სურვილის შესახებ. ნახევარმცველის მიმართ დაინტერესებას გამოხატავს “მანჩესტერ იუნაიტედი”. “საუთჰემპტონს” 20 მილიონი ევროს მიღება უნდა. (Telegraph)

17:05 აგენტმა მინო რაიოლამ გაიმეორა, რომ პოლ პოგბას ძალიან უნდა “მანჩესტერ იუნაიტედიდან” წასვლა.

17:36 მადრიდის “ატლეტიკომ” მოაწყო ბრაზილიელი მცველის რენან ლოდის პრეზენტაცია. “ატლეტიკო პარანაენსედან” ამ ფეხბურთელის ტრანსფერი ესპანურ კლუბს 20 მილიონი ევრო დაუჯდა.

17:51 “ოლიმპიაკოსმა” გაიფორმა სერბეთის ნაკრების 19 წლის მცველი სვეტოზარ მარკოვიჩი.

18:32 “ბარნლიმ” გამოაცხადა ჯეი როდრიგესის ტრანსფერის შესახებ. 29 წლის ინგლისელი აქამდე “ვესტ ბრომვიჩიში” თამაშობდა და ახლა, “ბარნლის” 11 მილიონ ევროდ ერგო.

20:32 “პარი სენ-ჟერმენი” განიხილავს “ლილის” ნახევარმცველის ნიკოლა პეპეს შეძენას. ის მოიაზრება ნეიმარის ან ედინსონ კავანის შემცვლელად - თუ რომელიმე მათგანი ამ ზაფხულს დატოვებს კლუბს. შარშან, 24 წლის კოტდივუარელმა 22 გოლი გაიტანა ლიგა 1-ში.

20:49 ალბერტო მორენო “ლივერპულიდან” “ვილიარეალში” გადავიდა. კონტრაქტი ხუთი წლით არის გაფორმებული. 27 წლის ესპანელი მცველი ესპანურ კლუბს უფასოდ ერგო.

ყოველდღიური სპორტული გაზეთი "ლელო"
716
მკითხველის კომენტარები / 0 /
მსგავსი ამბები
რუბრიკის სხვა სიახლეები
;